தேடல்!

புதுப்புதுக் கடவுள்களை மானாவாரியாய் உற்பத்தி செய்து, மனிதர்களை அக்கடவுள்களின் ‘கொத்தடிமைகள்’ ஆக்கினார்கள் மதவாதிகள்!

Mar 28, 2017

‘தலைமாற்று’ அறுவைச் சிகிச்சையும் நிலை தடுமாறும் மனித அறிவும்!!!

இந்நாள்வரை, இவ்வுலகில் மூளைமாற்று அறுவைச் சிகிச்சை நடந்ததில்லை; ‘தலைமாற்று’ அறுவைச் சிகிச்சை...?!

தலைமாற்று அறுவைச் சிகிச்சை பற்றி விஞ்ஞானிகள் தொடர்ந்து ஆராய்ந்து வருகிறார்களாம்.
1908 ஆம் ஆண்டில், ஒரு நாயின் தலையை வெட்டி எடுத்துவிட்டு மற்றொரு தலையைப் பொருத்தும் அறுவைச் சிகிச்சை வெற்றிகரமாகச் செய்யப்பட்டது. இந்த ஆராய்ச்சியின் படிப்படியான வளர்ச்சிக்குப் பிறகு, நாயின் தலையை அகற்றிவிட்டு வேறொரு தலையைப் பொருத்தும் மாற்று அறுவைச் சிகிச்சை நடத்தப்பட்டது. சிகிச்சைக்குள்ளான நாய்கள் இறந்துவிட்டன.

‘நாய்கள் பாவம்’ என்றெல்லாம் அலட்டிக்கொள்ளாமல் விஞ்ஞானிகள் தம் ஆராய்ச்சியைத் தொடர்ந்தார்கள்.

1970 ஆம் ஆண்டில், மூளை நரம்பு அறுவைச் சிகிச்சை நிபுணரான ராபர்ட் ஜெ.வெயிட் என்பவர் குரங்கின் தலையை மாற்றி வைத்து அறுவை செய்தார். வெற்றிகரமான அறுவை!

அறுவைக்குள்ளான குரங்கின் உடல் செயலிழந்தது. இருப்பினும், அந்தக் குரங்கால் கேட்கவும் உணரவும், சுவைத்துச் சாப்பிடவும் முடிந்ததாம்! கண்ணெதிரில் உள்ள பொருளின் நகர்வுக்கு ஏற்ப அது தன் கருமணியை அசைத்ததாம்!

ஆயினும் என்ன, ‘உடல் உறுப்பை ஏற்க மறுத்தல்’ என்னும் நோய் எதிர்ப்புச் சக்தி அந்தக் குரங்கை வாழவிடவில்லை.  ஒன்பதாவது நாளில், குரங்கு தன் மேல் உலக யாத்திரையை மேற்கொண்டுவிட்டது. ‘இது காட்டுமிராண்டித்தனமான செயல்’ என்று விஞ்ஞானிகள் பலரும் கண்டித்தார்கள்.

என்ன கண்டித்து என்ன பயன்?

இத்தாலிய மூளை நரம்பியல் அறுவைச் சிகிச்சை நிபுணர் ‘சார்ஜியோ கேனாவீரோ’ என்பவர், 2017ஆம் ஆண்டின் இறுதிக்குள் மனிதத் தலையை மாற்றி வைத்து அறுவைச் சிகிச்சை செய்யப்போவதாக அறிவித்திருக்கிறார். இந்த அறுவைப் புரட்சி சீனா அல்லது அமெரிக்காவில் நடைபெறுமாம்!

இந்த அறுவைச் சிகிச்சை முறை வெற்றி பெற்றால்....

‘புத்திசாலிகளின் தலைகளை வெட்டி எடுத்து விற்பனை செய்யும் தாதாக்களின் எண்ணிக்கை பெருகும். அதி புத்திசாலிகளான எனக்கும் உங்களுக்கும் நம் போன்றவர்களுக்கும் மிகுந்த எச்சரிக்கை தேவைப்படும்’ என்பதே ‘பசி’பரமசிவமாகிய நான் செய்யும் அபாய அறிவிப்பு!
===============================================================================

நன்றி: ‘மூளை’முதல் பதிப்பு: டிசம்பர் 2016; விகடன் பிரசுரம்.

4 comments :

  1. தகவல் தந்தமைக்கு நன்றி நண்பரே இருப்பினும் இதனால் எனக்கு பயம் இல்லை காரணம் எனது தலையை கண்டிப்பாக வெட்ட மாட்டார்கள்.

    ReplyDelete
  2. உங்களைப் போன்ற சுறுசுறுப்பான அறிவுஜீவிகளின் தலைகளுக்குத்தான் அதிக விலை வைப்பார்கள். எச்சரிக்கையாக இருங்கள்.

    இந்தப் பதிவைத் தமிழ்மணத்தில் மூன்றுமுறை இணைத்தும் முகப்புப் பக்கப் பட்டியலில் இடம்பெறவே இல்லை. முகப்புப் பட்டியல் மணிக்கணக்கில் நகராமல் ஒட்டிக்கொண்டிருக்கிறது. நான் இணக்கும் பதிவு, பக்கம் 1இல் இடம்பிடித்து அடுத்தடுத்த பக்கங்களுக்கு நகர்ந்து கொண்டே போகிறது.

    தமிழ்மணம் இன்னும் கொஞ்ச நாட்களில் முற்றும் செயலிழந்துவிடும் போலிருக்கிறது.

    நன்றி கில்லர்ஜி.

    ReplyDelete
  3. தலை மாற்று தகவல் நன்று...
    கடைசியில் சொன்னீங்க பாருங்க.... ஹா..ஹா... நாம பாதுகாப்பாத்தான் இருக்கணும் போல...

    ReplyDelete
    Replies
    1. மிக்க நன்றி குமார்.

      Delete