கேரளாவின் சட்டப் பேரவைச் சபை நாயகர் ‘ஏஎன் ஷம்சீர்’ அவர்களுக்கு ஒரு கெட்ட நேரமோ என்னவோ, இந்துக்களின் மிகு பிரியத்திற்குரியவரும், பிரபலக் கடவுளும் ஆன ‘விநாயகப் பெருமான்’ பற்றிச் சர்ச்சைக்குரிய வகையில் பேசித் தொலைத்து, ‘பாஜக’விடமும் அதன் அல்லக்கைகளான ‘விஷ்வஹிந்து பரிசத்’, ‘இந்து ஐக்கிய வேதி’ ஆகிய கட்சிக்காரர்களிடமும் வசமாகச் சிக்கிகொண்டுள்ளார்.
‘ஷம்சீர்’[A. N. Shamseer was born to Shri Usman Komath and Smt. A. N. Sareena] அவர்களுக்கு எதிராக ‘பாஜக’ உடனடி நடவடிக்கை எடுக்கும்படிக் காவல்துறையிடம் புகார் அளித்துள்ளது.
சபாநாயகரைப் பதவி நீக்கம் செய்தல் வேண்டும் என்று ‘விஷ்வ ஹிந்து பரிஷத்’ குடியரசுத் தலைவருக்கும் மாநில ஆளுநருக்கும் மனு அனுப்பவுள்ளது.
‘இந்து ஐக்கிய வேதி’[இப்படியொரு கட்சி இருக்கிறதா?] போன்ற இந்து அமைப்புகள் சபைத் தலைவர் மன்னிப்புக் கேட்க வேண்டும் என்று வலியுறுத்தியுள்ளன.
எதிர்பாராத இந்தச் சிக்கலிலிருந்து விடுபட ஷம்சீருக்கு வழியே இல்லை என்று தோன்றுகிறது.
மன்னிப்புக் கேட்பது அல்லது பதவியை ராஜினாமா செய்வது என்றிவை தவிர வேறு வழியே இல்லாத நிலையில்.....
சாமானியனான அடியேனின் சிற்றறிவுக்குள் உதித்த ஒரு வழியைச் சபாநாயகருக்குப் பரிந்துரைத்திட விரும்புகிறேன். இதைவிடவும் ஆகச் சிறந்த வழி வேறு எதுவுமில்லை என்பது உறுதி.
பரிந்துரை:
“விநாயகப் பெருமான் மட்டுமல்ல, அல்லா, கர்த்தர் என்று மக்களால் வழிபடப்படுகிற அத்தனைக் கடவுள்களுமே கற்பனைதான் என்று சொல்ல நினைத்திருந்தேன். விநாயகர் ஒரு கட்டுக்கதை என்று தொடங்கி எஞ்சிய கருத்துகளையும் சொல்லி முடிப்பதற்குள் கூடியிருந்த இந்து அபிமானிகள் இடைவிடாது எழுப்பிய கூச்சலில் அது இயலாமல்போனது” என்று அவசர அறிக்கை ஒன்றைச் சபாநாயகர் வெளியிடுவாரேயானால்.....
”கற்பனைக் கதையில் அல்லாவையும் சேர்த்துட்டார்தானே” என்று சமாதானம் ஆகி, அவர் மீது நடவடிக்கை எடுக்கக் கோரும் அத்தனைக் கட்சிகளும் ‘கப்சிப்’ ஆகிவிடும் என்று உறுதிபடச் சொல்லலாம்.
என் பரிந்துரைக்கு ஏஎன் சம்சீர் அவர்கள் செவிமடுப்பார் என்பது அடியேனின் அசைக்க இயலாத நம்பிக்கை!
* * * * *
Kerala Speaker A N Shamseer in trouble for ridiculing Lord Ganesha and Hindu faith (msn.com)