முதல்வர் ஜோசப் மீதான தாக்குதல் முயற்சி! காணொலி உண்மையா போலியா?

 

‘தில்’ ஜெயக்குமாருக்கு[அதிமுக] ஒரு திகிலூட்டும் கேள்வி!

‘அதிமுக’ கட்சியின் முக்கியத் தூண்களில் ஒருவரான ஜெயக்குமார் அவர்களே,

ஆட்சியருக்கு ஆபாசக் குறுஞ்செய்தியனுப்பி அகில இந்தியாவின் பேசுபொருளான ‘அருள் விக்னேஷ்’ஐ “நானாக இருந்தால் போட்டுத்தள்ளியிருப்பேன்[என்கவுன்டர்]” என்ற உங்களின் அதிரடியான ஆவேசப் பேச்சு நாடெங்கும் பெரும் பரபரப்பை ஏற்படுத்தியுள்ளது.

பரபரப்பை மட்டுமல்ல, அந்தச் ச.ம.உறுப்பினன் மீதான மக்களின் கோபத்தையும் அதிகரித்திருக்கிறது; அந்த நபர் கடுமையாகத் தண்டிக்கப்படுதல் வேண்டும் என்றே அவர்கள் விரும்புவார்கள்.

அதனால், அந்த இழிபிறவியும், ஆதரவளிக்கும் அல்பங்களும், ஆட்சியர் மீதே அவதூறுச் செய்திகளைப்  பரப்பத் தொடங்கியுள்ள நிலையில், செயற்கை நுண்ணறிவைப் பயன்படுத்தி, ‘ஆட்சியருக்கு ஆபாசக் குறுஞ்செய்தியை அனுப்பியதே ஜெயக்குமார்தான்’ என்பது போன்ற பொய்ச் செய்தியைப் பரவச் செய்து, அந்தத் ‘தவெக’காரன் மீதான குற்றத்தை நீர்த்துப்போகச் செய்யும்  தீவிர முயற்சியில் ஈடுபடுவார்கள் என்பது உறுதி.

ஜெயக்குமார் அவர்களே, நீங்கள் எவ்வகையிலான ‘தற்காப்பு’ முறைகளை மேற்கொள்ள உள்ளீர்கள்?

சிந்தியுங்கள் ஜெயக்குமார்.

அருள்விக்னேஷ் அயோக்கியத்தனமும் முதல்வரின் அதி புத்திசாலித்தனமும்!!!

கள்ளக்குறிச்சி சட்டமன்ற உறுப்பினர் சி. அருள் விக்னேஷ், பெண் மாவட்ட ஆட்சியர் ஒருவருக்கு ஆபாசமான வாட்ஸ்அப் செய்தி அனுப்பியிருக்கிறான்ர்[ஆட்சியரின் கணவர் தலைமைச் செயலாளர் சாய் குமாரிடம் புகார் மனு அளித்துள்ளார்].

[துணை சபாநாயகர் எம். ரவிசங்கர், இவருடைய துறையூர் தொகுதியைச் சேர்ந்த ஒருவர், குடிமைப் பிரச்சினை ஒன்றை எழுப்பியதைத் தொடர்ந்து அவரைத் தாக்கியிருக்கிறார்].

இந்நிலையில், அதிகாரத்தைத் தவறாகப் பயன்படுத்துபவர்கள் மீது கடும் நடவடிக்கை எடுக்கப்படும் என்று எச்சரித்தார்[மாமல்லபுரம் கூட்டத்தில்] முதல்வர் ஜோசப் என்பது ஊடகங்கள் பலவற்றிலும் வெளியான செய்தி.

மாவட்ட ஆட்சியராக இருந்தாலும் அவரும் ஒரு பெண். ஒரு பெண் தனக்குத்தானே இது போன்ற அசிங்கச் செய்தியை இட்டுக்கட்டிப் பரப்பி, தன் பெயருக்குக் களங்கம் ஊண்டுபண்ணமாட்டார் என்பதைப் பாமரர்கள்கூட அறிவார்கள்.

மெத்தப் படித்தவரும், பிரபல நடிகரும் மாநில முதலமைச்சருமான ஜோசப் அறியமாட்டாரா?

அப்புறம் ஏன், தறுதலை எம்.எல்.ஏ.[எத்தனைப் பெண்களைச் சீரழித்தானோரோ]வைக் கைது செய்து ‘உள்ளே தள்ளுவது’ போன்ற கடும் நடவடிக்கைகளை எடுக்காமல் ஒப்புக்கு எச்சரிக்கை விடுக்கிறார்?

இவன்ர் மீதும் இவனைரைப் போன்ற காலிகள் மீதும் நடவடிக்கை எடுத்தால், பெரும்பான்மை இழந்து தன் ஆட்சி கவிழும் என்பதைத் தெள்ளத் தெளிவாக ஜோசப் அறிந்திருக்கிறார்.

இப்படியொருவர் நமக்கு முதல்வராக வாய்த்திருப்பது நாம் பெற்ற பெரும்பேறு!

கொசுறுச் செய்தி:

//தீபாவளியை முன்னிட்டு, விஜய் ஆண் சட்டமன்ற உறுப்பினர்களுக்குப் பட்டு வேட்டிகளையும், பெண் உறுப்பினர்களுக்குப் பட்டுச் சேலைகளையும் வழங்கினார்//.

உறுப்பினர்கள் எல்லோரும் பரம ஏழைகள். பட்டு வேட்டி & பட்டுச் சேலைகளைப் பார்த்தறியாதவர்கள்!

அணுக்களால் ஆன நம் உடம்பில் ‘ஆன்மா’ ஆற்றும் அரிய பணி என்ன?!

+++மரபணு அமிலம்[டி.என்.ஏ> DNA] அணுக்களை[செல்கள்] உரிய முறையில் செயல்படச் செய்கிறது; எந்த உறுப்பு எப்படி வளர வேண்டும் என்பதை இது தீர்மானிக்கிறது; புரதத்தை  உற்பத்தி செய்வதற்கு அணுக்களுக்கு இது கற்றுக்கொடுக்கிறது.

+++மூளை உடலின் மற்ற உறுப்புகளுக்குக் கட்டளைகளைத் தருகிறது.

+++பெருமூளை[மூளையின் முக்கியப் பகுதி பெருமூளை(Cerebrum) ஆகும்] முன்மூளையின் மிக முக்கியமானதும் மிகப்பெரியதுமான பகுதியாகும். இதுவே சிந்திக்கப் பயன்படுகிறது.

+++சுரப்பிகள்[ஹார்மோன்கள்] ரத்தத்தின் வழியாகச் செய்திகளைப் பரப்புகின்றன.

+++அணுக்கள்[செல்கள்] அனைத்தும் குழுவாக இணைந்து உடலைக் காக்கின்றன. 

***பெருமூளையின் குறிப்பிட்ட பகுதிகளும் அவற்றின் செயல்பாடுகளும்:

முன் மூளை[முன் மடல்> Frontal Lobe): பெருமூளையின் முன் பகுதியில் உள்ள இந்த மடல்தான் திட்டமிடுதல், பகுத்தறிதல், முடிவெடுத்தல், ஆக்கப்பூர்வமாகச் சிந்தித்தல் போன்ற உயர்நிலைச் செயல்பாடுகளுக்குப் பயன்படுகிறது.

முன்முகப்புப் புறணி(Prefrontal Cortex): இது முன் மடலின் முன்பகுதியில் அமைந்துள்ள ஒரு முக்கிய பகுதியாகும். நமது புத்திசாலித்தனம், தர்க்கரீதியான சிந்தனை(Logical thinking), சிக்கல்களுக்குத் தீர்வு காணும் திறன்(Problem-solving) ஆகியவற்றை மேம்படுத்துவதற்கு இது பயன்படுகிறது.

சுருக்கமாகக் கூறின், நாம் சிந்திப்பது, கற்பனை செய்வது, புதிய விஷயங்களைக் கற்றுக்கொள்வது போன்ற அனைத்து அறிவுசார் செயல்பாடுகளும் மூளையின் பெருமூளை, அதன் பகுதியான முன் மூளை[மடல்] ஆகியவற்றால்தான் கட்டுப்படுத்தப்படுகின்றன. 

மேற்கண்டவையெல்லாம் அறிவியல் நமக்களித்துள்ள கொடை.

‘ஆன்மா’ என்று ஒன்று இருப்பதாக ஆன்மிகவாதிகள் உறுதிபடச் சொல்கிறார்களே, நம் உடம்பில் இடம்பெற்றுள்ள[மூளையிலோ வேறு எங்கோ] அதன் செயல்பாடு[கள்] என்ன?

உரிய நம்பத்தக்க ஆதாரங்களுடன் ஆன்மிகவாதிகள் நிரூபித்திருக்கிறார்களா?

கிறித்தவ மதத்தில் இப்படியொரு கிறுக்கர்(Jehovah's Witness> ஒரு பிரிவு) கூட்டமா?

//இந்த ஆண்டு ஆகஸ்ட் மாதம், 26 வயதான ஐசக் வால்டெஸ் தனது வீட்டிற்கு அருகிலுள்ள நூலகத்தில் புத்தகங்களைப் படித்துக்கொண்டிருந்தபோது அவருக்கு வலிப்பு ஏற்பட்டது. இதனால் அவரது உடல் குலுங்கிச் சாய்ந்ததுடன் தலை தரையில் மோதியது. இதையடுத்து அவர் சுயநினைவை இழந்தார். பின்னர் மருத்துவமனையில் நடத்தப்பட்ட பரிசோதனையில், அவரது தலை பலமாகத் தரையில் மோதியதால் மூளையில் ரத்தக்கசிவு ஏற்பட்டிருப்பது தெரியவந்தது.

அவர் 'யெகோவாவின் சாட்சிகள்'(Jehovah's Witness) என்ற கிறிஸ்தவத்தின் ஒரு பிரிவைச் சேர்ந்தவர். மத நம்பிக்கை காரணமாக, ‘ரத்தம் செலுத்தும் எந்தவிதமான சிகிச்சையையும் ஏற்கமாட்டேன்’ என்பதைக் குறிக்கும் 'ரத்தம் வேண்டாம்' என்ற அட்டையை அவர் வைத்திருந்தார்.

[கடவுள் இருக்கும் இடத்தைச் சென்றடைய உருவிலிகளாகப் அந்தரத்தில் நீந்திப் பயணிக்கிறார்களோ?!]

இதன் காரணமாக, ஐசக்கின் மூளையில் தேங்கியிருந்த திரவத்தை வெளியேற்றுவதற்கான மருத்துவச் செயல்முறை மேற்கொள்ளப்படவில்லை.

ஐசக் மீண்டும் சுயநினைவுக்குத் திரும்பியதால் பேசத் தொடங்கினார்; இருப்பினும், ரத்தம் செலுத்தும் சிகிச்சையை ஏற்கக் கூடாது என்ற தனது மத நம்பிக்கையில் தொடர்ந்து உறுதியாக இருப்பதாகத் தெரிவித்தார்.

ஆனால், அவர் மீண்டும் கோமா நிலைக்குச் சென்றார். அவரது உடல்நிலை வேகமாக மோசமடைந்தது.

வாழ்நாள் முழுவதும் 'யெகோவாவின் சாட்சிகள்' மத நம்பிக்கையைப் பின்பற்றி வந்த ஐசக்கின் விருப்பத்திற்கு மதிப்பளித்து, ரத்தம் செலுத்த வேண்டிய அறுவைச் சிகிச்சை வேண்டாம் என்று அவரது குடும்பத்தினர் முடிவெடுத்ததால், 2026ஆம் ஆண்டு ஆகஸ்ட் 26ஆம் தேதி, மருத்துவர்கள் ஐசக்கிற்கு அளிக்கப்பட்டுவந்த உயிர் காக்கும் மருத்துவ உதவியை நிறுத்தியபோது அவர் உயிரிழந்தார்//.

***உலக அளவில், கடவுளின் இருப்பே ஆதாரப்பூர்வமாக உறுதி செய்யப்படாத நிலையில், உடம்பில் ரத்தம் செலுத்துவது கடவுளின் விருப்பத்திற்கு எதிரானது என்று இவர்கள் நம்புவது அறிவீனத்தின் உச்சம் ஆகும்.

இதன் மூலம், மனித உயிர்களைக் கொல்லும் படுமூடத்தனங்களை மக்கள் மீது திணிக்கும் மதங்களில், கிறித்தவ மதமும்['யெகோவாவின் சாட்சிகள்' பிரிவு] ஒன்று என்பது உறுதியாகிறது.

சிறிதளவில் நன்மைகளையும் பெருமளவில் தீமைகளை விளைவிக்கிற மதங்களை[கிறித்தவம் உட்பட] முற்றிலுமாய்ப் புறக்கணித்து, சிந்திக்கும் அறிவையும், தன்னம்பிக்கையையும், மனிதாபிமானத்தையும் வளர்ப்பதில் முழுக் கவனம் செலுத்துவதே மனிதர்கள் மகிழ்வுடன் வாழ்வதற்கான ஆகச் சிறந்த வழியாகும்.

'யெகோவாவின் சாட்சிகள்'... முக்கியத் தகவல்கள்[இணையம்]:

முக்கிய நம்பிக்கைகள்(Beliefs):

கடவுளின் பெயர்: இவர்கள் கடவுளை "யெகோவா" என்ற பெயரால் மட்டுமே அழைக்கிறார்கள்.
இயேசு கிறிஸ்து: இயேசுவை கடவுளாகப் பார்க்காமல், கடவுளால் படைக்கப்பட்ட அவருடைய முதல் குமாரனாகக் கருதுகின்றனர்.
மரணத்திற்குப் பின் வாழ்வு: நரகம் என்ற ஒன்று கிடையாது என்றும், பூமியே ஒரு நாள் புனித வாழ்விடமாக மாறும் என்றும், அதில் தகுதியானவர்கள் என்றென்றும் வாழ்வார்கள் என்றும் நம்புகின்றனர்.
பைபிள்: இவர்கள் 'புதிய உலக மொழிபெயர்ப்பு'(New World Translation) என்ற தங்களின் சொந்த பைபிள் மொழிபெயர்ப்பைப் பயன்படுத்துகிறார்கள். 

2. வாழ்க்கை முறை மற்றும் கட்டுப்பாடுகள்:

இரத்த தானம் மறுப்பு: பைபிள் கட்டளைகளின்படி, எந்தவொரு சூழ்நிலையிலும் உடலுக்குள் இரத்தம் ஏற்றுவதை(Blood Transfusion) இவர்கள் முற்றிலுமாக மறுக்கிறார்கள். மருத்துவமனைகளில் மாற்றுச் சிகிச்சை முறைகளையே நாடுகின்றனர். 
மதச்சார்பின்மை: இவர்கள் எந்த நாட்டின் அரசியலிலும் ஈடுபடுவதில்லை; ஓட்டுப் போடுவதில்லை; இராணுவத்தில் சேருவதில்லை.
பண்டிகைகள் தவிர்த்தல்: கிறிஸ்துமஸ், ஈஸ்டர் போன்ற மதப் பண்டிகைகளையோ, பிறந்தநாள்(Birthdays)களையோ, தேசிய விழாக்களையோ இவர்கள் கொண்டாடுவதில்லை. 

3. தமிழ்நாட்டில்.....

தமிழ் பேசுபவர்களுக்காக இவர்களது அதிகாரப்பூர்வ இணையதளமான JW.org தமிழ் பக்கத்தில் தமிழ் பைபிள், கட்டுரைகள், வீடியோக்கள் மற்றும் ஆன்லைன் பைபிள் படிப்பு போன்ற சேவைகளை இலவசமாக வழங்குகின்றனர். தமிழ்நாட்டின் பல்வேறு பகுதிகளிலும் இவர்களது வழிபாட்டுத் தலங்களான "ராஜ்ய மன்றங்கள்"(Kingdom Halls) அமைந்துள்ளன. 

திரிஷாவின் சேலை அழகோ அழகு! அவரின் உள்ளாடைகள்?!

//ஆந்திரப் பிரதேச முன்னாள் முதல்வர் ஜெகன் மோகன் ரெட்டியின் இல்லத் திருமண வரவேற்பு நிகழ்ச்சி சென்னையில் கோலாகலமாக நடைபெற்றது. இந்நிகழ்வில், தமிழக முதல்வர் ஜோசப் விஜய் உடன் நடிகை த்ரிஷாவும் கலந்துகொண்டார்.

பவுடர்-பிங்க் என்று ஆங்கிலத்தில் கூறப்படும் இளஞ்சிவப்பு நிறத்தில், முத்துகள், மணிகள், கற்கள் பதித்துக் கைவேலைப்பாடுடன் தயாரிக்கப்பட்டிருந்த இந்தச் சேலையின் விலை குறைந்தது ரூ.80 ஆயிரம் முதல் ரூ.1 லட்சம் வரை இருக்கலாம்//[தினமணி, ஆசியா நெட், என்டிடிவி, நியூஸ் 18 +பிற ஊடகங்கள்]

இன்று காலையில் தினமணி[தரமான செய்திகளை மட்டுமே வெளியிடுவதாக நம்பப்படுவது]யில் நடப்புச் செய்திகளை வாசித்தபோது.....

அழகில் தேவலோகக் கன்னிகளை மிஞ்சுபவரும், பிரபல நடிகையும், கவர்ச்சிப் புயலுமான[எதிர்பாராமல் அடித்த இந்த அதி வேகப் புயல்தான், சீந்துவாரற்றுக் கிடந்த நடிகர் ஜோசப்பைத் தூக்கிச் சென்று முதலமைச்சர் என்னும் உயர் பதவியில் அமரவைத்தது] திரிஷாவின், ஒரு லட்சம் பெறுமானமுள்ள அதிசய ஆடை பற்றி அறிந்து பெருமகிழ்ச்சி அடைந்தோம் அடியேனும் என் இல்லத்தரசியும்.

திரிஷா அணியும் மார்புக் கச்சைகள் & ஜட்டிகள்[பொதுவானதொரு பட்டியல் கீழே*] ஆகியவற்றின் விலைகள் பற்றி அறியவும், அவற்றின் அழகைப் பார்த்துப் பரவசப்படவும் அரசியார் வெகுவாக ஆசைப்பட்டார்.

ஆனால், அந்த ஆசையை நிறைவேற்றுவதற்கான வழி தெரியாமல் இரவுபகலாக ஊனுறக்கமின்றித் கவலைப்பட்டுக்கொண்டிருக்கிறார்.

அந்தக் கவலையைப் போக்கும்வகையில், திரிஷா அணியும் உள்ளாடைகள் பற்றி விலாவாரியாகச் செய்தி[படங்கள் & காணொலி] வெளியிடுமாறு தினமணி முதலான ஊடகக்காரர்களிடம் வேண்டுகிறோம்.

*மார்பகக் கச்சைகளின் வகைகள் (Types of Bras)

1.டி-சர்ட் பிரா (T-Shirt Bra): 2.ஸ்போர்ட்ஸ் பிரா(Sports Bra), 3.பேடட் பிரா(Padded Bra), 4.புஷ்-அப் பிரா[Push-up Bra), 5.ஸ்ட்ராப்லெஸ் பிரா(Strapless Bra), 6.பிராலெட்(Bralette): 7.கம்பிகள் அல்லது பேடிங் இல்லாத, மிக மென்மையான லேஸ் துணியால் ஆன சௌகரியமான பிரா.

*ஜட்டிகளின் வகைகள் (Types of Panties)

1.பிகினி(Bikini): 2.ஹிப்ஸ்டர் Hipster): 3.பாய்ஷார்ட்ஸ்(Boyshorts). 4.குட்டையான காற்சட்டை(Shorts)  5.ஹை-வேஸ்ட் பான்டி (High-waist Panty). 6.தாங் / ஜி-ஸ்ட்ரிங்(Thong / G-string).

‘பெரியார் அறிவுலகம்’ புத்தகக் கொள்முதல் ஊழல்> நடுவணரசின் தலையீடு தேவை

கோவை ‘பெரியார் அறிவுலகம்’ நூலகத்திற்கான புத்தகப் பரிந்துரைக் குழுவில் இடம்பெற்றிருந்த பிரபல எழுத்தாளர் பெருமாள் முருகன், நூலகத்தின் 4-ஆவது தளத்தில் உள்ள தமிழ் நூல்கள் கொள்முதலில் பெரும் முறைகேடு நடந்துள்ளதாகப் பொதுவெளியில் அம்பலப்படுத்தியுள்ளார்[ஊடகச் செய்தி]. தமிழினம் அவருக்குப் பெரிதும் கடமைப்பட்டுள்ளது.

இது குறித்து விசாரணை தேவை என்று அரசியல் தலைவர்கள் பலரும் வலியுறுத்தியுள்ள நிலையில், “மாணவர்களின் நலன் சார்ந்த பள்ளிக்கல்வித் துறையிலும், அறிவுலக நூலகத்திலும் மக்களின் வரிப்பணத்தைக் கொள்ளையடித்த திமுகவை வருங்காலத் தலைமுறையும், தமிழகக் குடும்பங்களும் ஒருபோதும் மன்னிக்காது என்றும், மக்கள் மன்றத்தில் திமுக நிரந்தரமாகத் தலைகுனிந்து நிற்பது உறுதி என்றும் முதல்வர் ஜோசப் சாடியுள்ளார்[ஊடகச் செய்தி].

முதல்வர் ஜோசப் கூறியிருப்பது போல், நூல்கள் கொள்முதலில் ‘திமுக’வினரின் தலையீடு காரணமாக முறைகேடு நிகழ்ந்திருக்கலாம். நிகழ்த்தியவர்கள் தண்டனைக்குரியவர்கள் என்பதில் மாற்றுக்கருத்துக்கு இடமே இல்லை.

அதே வேளையில், முதல்வர் ஜோசப்பின் கடந்த ஆறு மாத ஆட்சியிலும், நூல்கள் வாங்கியதில் முறைகேடுகள் நடந்திருக்க நிறையவே வாய்ப்புள்ளது.

இதற்கான விசாரணை நடுநிலை பிறழாமல் நடைபெற வேண்டுமாயின், எக்காரணத்தைக் கொண்டும் விசாரனைக் குழு அமைக்கும் பொறுப்பை ஜோசப் அரசு மேற்கொள்ளுதல் கூடாது, இவருடைய ஆட்களும் முறைகேட்டில் ஈடுபட்டிருக்கலாம் என்பதால்.

இதற்கு மாறாக நடுவணரசே குழு அமைக்கும் பொறுப்பை ஏற்றல் வேண்டும் என்பது நம் விருப்பம்.

தமிழ் மக்களின் விருப்பமும் இதுவாகவே இருக்கும் என்பது உறுதி. 

அறிவியலாளர்கள்: “பேரறிவும் இறைவனும் ஒன்று”> ஏற்கத்தக்கதா?

சர் ஐசக் நியூட்டன்(Sir Isaac Newton): புவிஈர்ப்பு விசையைக் கண்டறிந்த இவர், "சூரியன், கிரகங்கள் மற்றும் விண்கற்கள் அடங்கிய இந்த மிக நேர்த்தியான அமைப்பு, ஒரு அறிவார்ந்த & சக்திவாய்ந்த பேரறிவின்(கடவுளின்) ஆலோசனையிலிருந்தும் ஆதிக்கத்திலிருந்தும் மட்டுமே உருவாக முடியும்" என்று தனது 'பிரின்சிபியா'(Principia) நூலில் எழுதியுள்ளார். 

ஆல்பர்ட் ஐன்ஸ்டீன்(Albert Einstein): இவர் வழக்கமான மதக் கடவுள்களை நம்பாவிட்டாலும், "பிரபஞ்சத்தின் ஒழுங்கமைப்பில் ஒரு பேரறிவு வெளிப்படுவதைக் காண்கிறேன். இயற்கையின் விதிகளுக்குப் பின்னால் மனித அறிவுக்கு எட்டாத ஒரு உயர்ந்த சக்தி இருக்கிறது" என்று குறிப்பிட்டுள்ளார். 

மேக்ஸ் பிளாங்க்(Max Planck): குவாண்டம் இயற்பியலின் தந்தை என்று அழைக்கப்படும் இவர், "விஞ்ஞானத்தை முழுமையாக ஆராயும் எவரும், பிரபஞ்சத்தின் விதிகளுக்குப் பின்னால் ஒரு பேரறிவு(Spirit) இருப்பதை உணர்வார்கள். அதுவே கடவுள்" என்று உறுதியாகக் கூறியிருக்கிறார்.

***மேற்கண்ட அறிவியலாளர்கள்[கூற்றில் போதுமான அளவுக்குத் தெளிவில்லை என்பதால் சில விஞ்ஞானிகளை இங்குக் குறிப்பிடவில்லை] ‘பேரறிவு’தான் கடவுள் என்கிறார்கள்.

அந்தப் பேரறிவுக்கு உணர்ச்சி[கள்] உண்டா? உயிர்கள் படும் துன்பங்கள் கண்டு மனம் இரங்குமா? மனிதர்கள் கோரிக்கைகள் வைத்தால், அவற்றைப் பரிசீலித்து ஏற்கத்தக்கன என்றால் நிறைவேற்றுமா? உயிர்களை ஒன்றோடு ஒன்று போராடி அழியவிட்டு வேடிக்கை பார்க்கும் அல்பக் குணம் உண்டா? ‘ஒன்று’ என்னும் எண்ணிக்கையில்[கடவுள் ஒருவரே] அதை அடக்க இயலுமா, அல்லது ஒன்றுக்கும் மேற்பட்ட பல்வகை அறிவுகளின் சங்கமமா?

இப்படியும் இன்னும் எப்படியெல்லாமும் கேள்விகள் கேட்கத் தோன்றுகிறது.

***இப்படியும் எப்படியும் கேள்விகள் கேட்பது நான் கொஞ்சமேனும் அறிவுள்ளவன்[ஹி... ஹி... ஹி!!!] என்று அடையாளப்படுத்துகிறதா, அல்லது படுகூமுட்டை என்று பறைசாற்றுகிறதா?

அந்திமப் பருவத்திலும் அறிவாற்றலைத் தக்கவைக்கச் சில எளிய பயிற்சிகள்!

கால்களுக்கு வலிமையூட்டும் பயிற்சிகள், வயது அதிகரிக்கும்போது அறிவாற்றல் குறையாமல் பாதுகாப்பதாகவும், ரத்த ஓட்டத்தைச் சீராக்கி மூளையின் ஆரோக்கியத்தைப் பேணுவதாகவும் ஆய்வாளர்கள் கூறுகிறார்கள்.

சில பயிற்சிகள்:

1.உடம்பை[பின்பக்கம்]ச் சுவரில் சாய்த்து நின்று, நிதானமா அதைத் தரையை நோக்கிச் சரித்து ஒரு நிமிடம்[பயிற்சியின் தொடக்கத்தில் சற்றே குறைவாகவும் இருக்கலாம்] குந்தியிருத்தல்[முழங்கால்களை மடக்கிய நிலையில்].

2.சுவரில் உள்ளங்கைகளைப் பதித்தவாறு[விழாமலிருக்க] திடமாக நின்று, கெண்டைக் காலை உயர்த்துதல்.

3.ஒரு நிமிடம் அவ்வாறு நின்றுவிட்டு, மெதுவாக உடம்பைச் சரித்து மீண்டும் குந்துதல்.

4.சுவரில் சாய்ந்தவாறு சில நிமிடங்கள் ஒற்றைக் காலில்[கால்களை மாற்றி மாற்றி] நிற்பது.

இந்தப் பயிற்சிகள் மேற்குறிப்பிடப்பட்ட நன்மைகளுடன், நரம்புகளை வலிமைப்படுத்தி நடமாடும் திறனைப் பாதுகாப்பதற்கும், உடல்நலத்தைப் பேணுவதற்கும், கீழே விழுவதற்கான அபாயத்தைக் குறைப்பதற்கும் பயன்படுகின்றன.

உடல்நலத்தைப் பொருத்துப் பயிற்சியின் எண்ணிக்கை கூடுதலாகவோ குறைவாகவோ அமையலாம். பயிற்சிகளைக் காலை நேரங்களில் செய்வது ஏற்புடையது.

[உதவி: இணையம்]

‘தமிழ்நாடு’வை ‘வெற்றி நாடு’ ஆக மாற்றுங்கள் முதல்வர் அவர்களே!

முன்னாள் முதல்வர்களான ஜெயலலிதாவின் கௌரவப் பெயரான ‘அம்மா’ 15க்கும் மேற்பட்ட திட்டங்களுக்கும்[எ-டு: அம்மா உணவகம்], மு. கருணாநிதியின் சிறப்புப் பெயரான ‘கலைஞர்’ சுமார் 10 திட்டங்களுக்கும் சூட்டப்பட்டுள்ளன.

மக்கள் மனங்களில் தங்களின் நினைவு நீங்காத இடம்பெறுதல் வேண்டும் என்னும் இவர்களின் ஆசை..... அல்ல, வெறி இதற்குக் காரணம் எனலாம்.

முதல்வர் ஜோசப்பும் இதற்கு விதிவிலக்கானவர் அல்ல.

‘வெற்றிப் பயணத் திட்டம், வெற்றி வீடு திட்டம், வெற்றி மடிக்கணினித் திட்டம், வெற்றி தொழில் முனைவோர் திட்டம்... ‘ என்றிப்படி, ஆட்சிப் பொறுப்பேற்ற ஆறே மாதங்களில், தான் நடைமுறைப்படுத்தும் திட்டங்களுக்கெல்லாம், தவறாமல் ‘வெற்றி’ சேர்ப்பதைத் தன் முக்கியக் கடமையாகக்கியுள்ளார் இவர்.

தொடரும் இவரின் ஆட்சியில் இந்த எண்ணிக்கை மிக மிகப் பலவாகும் என்பதில் சந்தேகமில்லை.

அடைமொழி சேர்த்தல் ஒருபுறம் இருக்க.....

பெரும்பாலான பெற்றோர்கள் தம் பிள்ளைகளை ஆங்கிலத்தில் பாடம் கற்பிக்கும்[ஆங்கில மீடியம்] பள்ளிகளில் சேர்ப்பது அதிகரிக்கிறது. நல்ல நல்ல தமிழ்ச் சொற்கள் புழக்கத்தில் இருக்க, ஆங்கிலச் சொற்களைக் கலந்து பேசுவதைப் பெருமையாக நினைப்போரின் எண்ணிக்கையும் கூடிக்கொண்டிருக்கிறது[100% உண்மை].

இவை போன்ற இன்னும் பல காரணங்களைக் கருத்தில் கொண்டு சிந்தித்தால், தமிழ்நாடு என்னும் பெயரில் உள்ள ‘தமிழ்’ஐ நீக்கிவிடுவது உத்தமம் என்று தோன்றுகிறது. இதனால், தமிழின் பரிதாப நிலையை எண்ணி எண்ணி மனம் குமைவது தவிர்க்கப்படும்.

எனவே, உடனடியாக, ‘தமிழ்நாடு’ என்னும் சொல்லில் உள்ள ‘தமிழ்’ஐ நீக்கிவிட்டு, ‘வெற்றி என்னும் சொல் சேர்த்து, தமிழ்நாட்டை ‘வெற்றி நாடு’ ஆக்குவதற்கான நடவடிக்கையை மேற்கொள்ளுமாறு முதல்வர் ஜோசப் அவர்களைப் பணிவுடன் வேண்டுகிறோம்!

தமிழ்நாடே ‘வெற்றி நாடு’ ஆகும்போது, முதல்வர் தீட்டிச் செயல்படுத்தும் அத்தனைத் திட்டங்களும் வெற்றி பெறும் என்பதால், ஒவ்வொரு திட்டத்திலும் ‘வெற்றி’ சேர்த்து, மக்களை மண்டை காய வைப்பது தவிர்க்கப்படும்.

வாழ்க ‘வெற்றி நாடு’! வெல்க முதல்வர் ஜோசப்!!

அரசுச் செலவில் அனுபவியுங்க ஜோசப், ஆசைதீர அனுபவிச்சுடுங்க!

“ஜோசப் விமானம் பார்க்கவே பயங்கரமா இருக்கு!” என்று ஜோசப் திருச்சிக்குப் பயணித்த விமானத்தைப் பார்த்துப் பிரமிக்கிறார் அவரின் ஒரு ஊடக ஊதுகுழலார்.

ஒற்றை நபராகச் சென்னையிலிருந்து[?] திருச்சி வருவதற்கு இவருக்கு இத்தனைப் பெரிய ஜெட்[?] விமானமா என்னும் கேள்வி எழும்பியபோது, எம் அடிவயிறு மட்டுமல்ல, ஒட்டுமொத்த உடம்பும் தீப்பற்றி எரிவது போல் தகித்தது.

அரசாட்சி செய்பவர் அரசுப் பணத்தை, எப்படியும் எவ்வளவும் சுயநலத்துக்காகப் பயன்படுத்தலாமோ என்று கேட்டு எம் அடிமனம் அங்கலாய்த்தது.

எம்மைப் போன்ற அனாமதேயங்கள் கேட்பதால் பயன் ஏதுமில்லை.

கேட்க வேண்டியவர்கள் பொதுமக்கள்.

எப்போது கேட்பார்கள்? எப்போது கிளர்ந்தெழுந்து போராடி, முதல்வரென்பவர் அந்தரத்திலிருந்து குதித்த அதிசயப் பிறவியல்ல, மக்கள் பணியாற்ற மக்களால் தேர்ந்தெடுக்கப்பட்ட சாதாரணத் தொண்டர் என்பதை ஜோசப்புக்கு உணர்த்துவார்கள்?! 

தனி விமானதில் பறந்துவந்தது.....

புதுக்கோட்டை அப்பிராணிகளை அகலக் கை விரித்து அரவணைத்து வாக்குச் சேகரிக்கத்தான்!

அதென்ன 'ப்ரூரிட்டஸ் அனி'(pruritus ani]?!

மலக்குடல் பகுதியில் ஏற்படும் அரிப்புதான் 'ப்ரூரிட்டஸ் அனி'  என்று அழைக்கப்படுகிறது. நிபுணர்களின் கூற்றுப்படி, ஆண்களில் மூன்றில் இரு பங்கினருக்குப் 'ப்ரூரிட்டஸ் அனி'(pruritus ani) பாதிப்பு ஏற்படலாம். இது இரவு நேரங்களிலோ அல்லது மலம் கழித்த பிறகோ தீவிரமடையக்கூடும்.

சரியான சுகாதாரத்தைப் பேணாததும், சில குறிப்பிட்ட உணவுகள் & பானங்களால் ஏற்படும் ஒவ்வாமையும் இதற்கான காரணங்கள் ஆகும். சில உடல்நலப் பிரச்சினைகளும் காரணமாக அமையலாம்.

மலக்குடல் பகுதியில் ஏற்படும் அரிப்பு குறித்து மற்றவர்களிடம் பேசுவதை யாரும் விரும்பாததால், இந்தப் பாதிப்புக்கு உள்ளானவர்கள் எண்ணிக்கை குறையாமலிருக்கிறது.

இது எந்த வயதினருக்கும் ஏற்படலாம் என்றாலும், 40 முதல் 60 வயதுக்குட்பட்ட ஆண்களிடையே இது மிகவும் பொதுவாகக் காணப்படுகிறது.

மூலம்(hemorrhoids), மலக்குடல் பகுதியில் ஏற்படும் வெடிப்புகள்(anal fissures), நீரிழிவு நோய், எக்ஸிமா(eczema), சோரியாசிஸ்(psoriasis) போன்ற தோல் பாதிப்புகள் உள்ளவர்களுக்கு இது ஏற்பட வாய்ப்பு அதிகம்.

சிறு குழந்தைகள் உள்ள குடும்பங்களில் பொதுவாகக் காணப்படும் ஒரு வகை ஒட்டுண்ணிப் புழுக்களும்(threadworms) இதற்கு ஒரு காரணமாக இருக்கலாம். 

அரிப்பு ஏற்படும்போது அதைச் சொறிய வேண்டும் என்று தோன்றலாம். ஆனால் அவ்வாறு செய்வதைத் தவிர்ப்பதே நல்லது; ஏனெனில், இது தோலில் பாதிப்பை ஏற்படுத்தி, தொற்றுநோய்க்கும் வழிவகுக்கக்கூடும்.

கிளீவ்லேண்ட் கிளினிக்கின்(Cleveland Clinic), "ஆசனவாயிலில் ஏற்படும் அரிப்பு, அந்த இடத்தை மீண்டும் மீண்டும் சொறிய வேண்டும் என்ற கட்டுப்படுத்த முடியாத தூண்டுதலை உருவாக்குகிறது. இருப்பினும், சொறிவதால் நீண்ட கால நிவாரணம் கிடைக்காது” என்கிறது.

"ஆசனவாய்ப் பகுதியைச் சொறிவது மேலும் எரிச்சலை உண்டாக்கி, அரிப்பைக் குறைப்பதற்குப் பதிலாக அதை மோசமாக்கக்கூடும். இப்பகுதியில் உள்ள தோல் மிகவும் மென்மையானது. அதே சமயம் நம் நகங்கள் தோலைவிட வலிமையானவை என்பது அறியத்தக்கது.

எவ்வளவு அரிப்பு இருந்தாலும், அந்தப் பகுதியைச் சொறியாமல், மருத்துவரை அணுகுவதே ஏற்புடையது.

சிகிச்சையைப் பொருத்தவரை, முதல் படியாக ஆசனவாய் பகுதியைச் சுத்தமாக வைத்திருப்பது அவசியம். மலம் கழித்த பிறகு அந்தப் பகுதியை நன்கு சுத்தம் செய்து, உலர வைத்து, மருந்துகள் கலக்காத டால்கம் பவுடரைப்(talcum powder) பயன்படுத்தலாம். அந்தப் பகுதியில் சுகாதாரத்தை மேம்படுத்துவதன் மூலம் இந்தப் பிரச்சனை தீரவில்லை என்றால், பிரத்யேகமான கிரீம்கள், களிம்புகள், நுண்ணுயிர் எதிர்ப்பிகள்(antibiotics), பூஞ்சை எதிர்ப்பு மருந்துகள் ஆகியவற்றைப் பயன்படுத்தலாம்.

இது விசயத்தில், 'மெத்திலீன் புளூ'(methylene blue) என்னும் ஊசி போடும் சிகிச்சையை மருத்துவர்கள் கையாளுகிறார்கள். 

ஆக, அறிகுறிகள் ஏதேனும் தென்பட்டால், உடனே மருத்துவரை அணுகுவதே பாதுகாப்பானது.

https://www.msn.com/en-gb/health/diseases-and-conditions/two-thirds-of-men-have-medical-condition-known-as-pruritus-ani-here-s-who-s-most-at-risk/ar-AA2gli5Q?ocid=msedgdhp&pc=U531&cvid=1cba54134005436be17d4f607381c691&ei=74

கைதிகள் தப்பிச்செல்வதைத் தடுக்கத் தலைவர் ஜோசப்புக்கு 2 பரிந்துரைகள்!!!

//தேனியில் உள்ள தெக்கம்பட்டி துணைச் சிறையில் இருந்து 17 விசாரணைக் கைதிகள் தப்பிச்சென்ற ஒரு வாரத்திற்குள், கோயம்புத்தூர் மத்தியச் சிறையிலிருந்து ஒரு விசாரணைக் கைதி வெள்ளிக்கிழமை இரவு தப்பிச் சென்றார்.

அதே கைதி காவல் நிலையக் காவலில் இருந்து தப்பிப்பது இது இரண்டாவது முறையாகும் என காவல்துறை தெரிவித்துள்ளது.

தேனிச் சம்பவம் சிறைத் துறையின் பாதுகாப்புக் குறைபாடு குறித்துக் கடும் விமர்சனங்களைத் தோற்றுவித்துள்ள நிலையில், அரசுக்கு எதிராக ஒரு அரசியல் புயலையும் கிளப்பியுள்ளது கோயம்புத்தூரில் இடம்பெற்ற அண்மை நிகழ்வு //[https://www.newindianexpress.com/cities/coimbatore/2026/Oct/31/remand-prisoner-escapes-from-coimbatore-prison].

தமிழ்நாட்டை எவர் ஆண்டாலும், ஆண்டவனே ஆட்சிப் பொறுப்பேற்று, அறநெறி பிறழாமல், வெகு சிறப்பாக ஆட்சி நடத்தி, காவல்துறையினருக்குப் பயிற்சி மேல் பயிற்சி கொடுத்தாலும், கைதிகளைத் தப்பவிடாமல் காப்பதில் அவர்கள் கோட்டைவிடவே செய்வார்கள்[சோப்பளாங்கிகள்?].

எனவே, கீழ்க்காணும் அதி தீவிரச் செயல்பாடு[நம் பரிந்துரைகள்]களின் மூலம், கைதிகள் காவல்காரர்களைத் தாக்கிவிட்டுத் தப்பிச் செல்வதை அறவே தடுக்க இயலும் என்பதை, நம் முதல்வர் ஜோசப் அவர்களுக்கு மிக்கப் பணிவுடன் தெரிவிக்கிறோம்.

பரிந்துரை 1:

ஜோசப் அவர்கள் அவ்வப்போது ‘ரோடுஷோ’ செல்லுவதற்குப் பதிலாக, நாள் தவறாமல் அதை[ரோடுஷோ] நடத்தி, வேடிக்கை பார்க்க வருவோருக்குக் கையசைத்தல், காதல் சின்னம் காட்டுதல், பறக்கும் முத்தம் தருதல் என்று அவர்களை இன்புறுத்தினால், அவற்றால் உத்வேகம் பெறும் அவர்கள், தப்பிச் செல்லும் கைதிகளைச் சில மணி நேரங்களில் தேடிப் பிடித்து, நேரடியாக முதல்வரிடமே ஒப்படைப்பார்கள்[காவலர்களிடம் ஒப்படைத்தால் மீண்டும் தப்பிவிடுவார்கள்].

பரிந்துரை 2:

தப்பியோடும் கைதிகளைப் பொதுமக்கள் பிடிக்கச் சில மணிநேரம் ஆகும் என்பதால், ஜோசப் அவர்கள் தினந்தோறும் ஒரு தேவாலயத்திற்கோ மசூதிக்கோ, இந்துக் கோயிலுக்கோ சென்று வழிபட்டால், மேற்கண்ட மடமதச் சாமிகள் ஒருங்கிணைந்து தேடுதல் வேட்டை நடத்தி, சில நிமிடங்களிலேயே கைதிகளைப் பிடித்து முதல்வர் முன்னால் நிறுத்தும் அதிசயம் நிகழும்.

ஜோசப் அவர்கள் நம் பரிந்துரைகளைப் பெருந்தன்மையுடன் ஏற்று, அவற்றைச் செயல்படுத்துவார் என்று மனப்பூர்வமாக நம்புகிறோம்.

வாழ்க நம் முதல்வர்! தொடர்க அவரின் நல்லாட்சி!!