“40 வயதில் திருமணம் புரியும் இந்துப் பெண்கள்”... வருந்தும் முஸ்லீம் பிரமுகர்!!!

AIUDF தலைவரும் பாராளுமன்ற உறுப்பினருமான பத்ருதீன் அஜ்மல் பத்ருதீன் அஜ்மல், ANI செய்தி நிறுவனத்திற்கு அளித்த பேட்டியில்,

“முஸ்லீம் பையன்கள் 21-22 வயதிலும், பெண்கள் 18 வயதிலும் திருமணம் செய்துகொள்கிறார்கள், ஆனால், இந்துப் பெண்கள் 40 வயதுவரை திருமணம் செய்துகொள்வதில்லை. 40க்குப் பிறகே பெற்றோர் தரும் அழுத்தத்தால் மணம் புரிகிறார்கள்” என்று கூறியதோடு, “அப்புறம் எப்படி இந்துக்களின் தொகை அதிகரிக்கும்” என்ற கேள்வியையும் முன்வைத்திருக்கிறார்.

இந்தக் கேள்வி, ’முஸ்லீம்கள் கருத்தடை செய்யாமலும், இரண்டு மூன்று திருமணங்கள் செய்தும் தங்களின் தொகையை அதிகரிக்கிறார்கள்’ என்னும் இந்து அமைப்புகளுக்கு இவர் தரும் பதிலாகவும் உள்ளது.

இளம் வயதில் மணம்புரிவதே ஏற்றது என்பதை, “வளமான மண்ணில் விதையை விதைத்தால்தான் அது பலன் தரும்” என்று இவர் சொல்லியிருப்பது ரசிக்கத்தக்கது.

“இந்துக்களில் விவாகரத்து விகிதம் அதிகமாக உள்ளது” என்று இவர் சுட்டிக்காட்டியிருப்பதும் கவனிக்கத்தக்கதே.

ஆனால், தங்களின் தொகையைப் பெருக்கிக்கொண்டிருப்பதோடு, இந்துக்களையும் அதைச் செய்யுமாறு அறிவுறுத்தியிருப்பது சரியா என்னும் கேள்வியும் எழாமல் இல்லை.

'தாமதமாகத் திருமணம் செய்வதால் சட்டவிரோத உறவுகளை இந்துப் பெண்கள் மேற்கொள்கிறார்கள்’ என்றும் சொல்லியிருப்பது எங்கோ நெருடுகிறது.

இவர் வேறு எதையோ சொல்ல நினைத்து இப்படிச் சொல்லிவிட்டாரோ என்றும் எண்ணத் தோன்றுகிறது.

இவர் பேட்டிக்கு இந்துக்களின் எதிர்வினை என்னவாக இருக்கும்?

அதை ஊடகச் செய்திகள்[இச்செய்தி வெளியாகி 2 மணி நேரம் போல் ஆகிறது] மூலம் அறியலாம்.

===================================================================

https://www.msn.com/en-in/autos/news/watch-hindus-keep-illegal-relations-till-40-they-should-get-their-girls-married-at-18-20-years-says-aiudf-president-badruddin-ajmal/ar-AA14P2CW?ocid=msedgdhp&pc=U531&cvid=17694c0d69ed4405a0364b2e3f532c8a

வாழைப்பழம் தின்றபின் தூக்கி எறியாதீர் அதன் தோலை!

‘வாழைப்பழம் உடலில் உள்ள ஹார்மோன் குறைபாடுகளை நிவர்த்தி செய்கிறது. இதில் பொட்டாசியம் அதிக அளவில் இருப்பதால் மூளையின் திறனை அதிகரிக்கிறது; நல்ல மனநிலையில் இருக்கப் பெரிதும் துணைபுரிகிறது; நரம்புகளைச்  சீராக வைத்துக்கொள்ளப் பயன்படுகிறது’ என்றிப்படி வாழைப் பழத்தின் பயன்கள் மிகப் பல என்பதை நம்மில் பலரும் அறிந்திருக்கக்கூடும். ஆனால், இதன் தோலால் நாம் பெறும் நன்மைகள் சில உள்ளன என்பது எத்தனைப் பேருக்குத் தெரியும்?

தெரிந்துகொள்ள வாசிப்பைத் தொடருங்கள்.

*’மரு’ நீங்கிட.....

தூங்கச் செல்லும் முன் வாழைப்பழத் தோலை மருவின் மீது வைத்துச் சிறு கட்டு போடுங்கள். ஒரு வாரத்திற்கு இதைச் செய்தால் போதும். மருக்கள் தாமாக விழுந்துவிடும். இந்த எளிய மருத்துவம் முற்றிலும் வலியற்றது!

*முகச் சுருக்கம் மறைய.....

வாழைப்பழத் தோலை முகத்தில் தேய்த்து அரை மணி நேரம் காத்திருந்து கழுவிவிடுங்கள். சில நாட்களுக்கு இதைச் செய்தால் படிப்படியாக முகச் சுருக்கங்கள் மறையும்.

*பருக்கள் ஒழிய.....

பருக்களுக்கு எதிரான போராட்டத்தில் வாழைப்பழத் தோல் இளசுகளுக்குப் பெரிதும் உதவுகிறது.

வாழைப்பழத் தோலின் உட்பக்கத்தைப் பருக்களின் மீது வைத்து மெதுவாகத் தேயுங்கள். குறைந்தது இரண்டு மணிநேரம் செய்யுங்கள். தேய்த்த இடங்களைக் கழுவிட வேண்டாம். தினமும் இப்படிச் செய்திடுக. சில நாட்களில் பலன் தெரியும்.

*காயம் குணமாக.....

இதற்கும், பருக்களை ஒழிப்பதற்குச் செய்தது போலவே, வாழைப்பழத் தோலின் உட்புறத்தை காயத்தின் மேல் பத்து முதல் முப்பது நிமிடங்கள் வரை தேயுங்கள். காயத்தின் மீது கட்டுப்போடுங்கள். இரவு முழுதும் கட்டைப் பிரிக்கக் கூடாது. காயம் விரைவில் குணமாகும்.

பற்கள் பளீரிட.....

வாழைப்பழத் தோலின் உட்புறத்தை[தோலிலிருந்து சுரண்டி எடுக்காமல்]ப் பற்களில் வைத்து அழுத்தித் தேயுங்கள். உள்ளே இருக்கும் ஊண் பகுதி தேய்க்கப்பட்டு மறையும்வரை தேய்த்திடுக.

சுமார் பத்து நிமிடங்கள் வேறு எதுவும் செய்ய வேண்டாம். பிறகு, உலர்ந்த தூரிகையால்[brush] மூன்று நிமிடங்களுக்கு வட்ட இயக்கத்தில் பல் துலக்குதல் வேண்டும். தினமும் இப்படிச் செய்துவந்தால் பற்கள் பளீரிடுவதைக் காணலாம்.

***இனியும் வாழைப்பழத்தில் உள்ளே இருக்கும் பழத்தை மட்டும் விழுங்கிவிட்டுத் தோலைத் தூக்கி எறியமாட்டீர்கள்தானே?!

===============================================================================

https://ww2.goodtoknowthis.com/health/banana-peel-on-your-skin/2/