வேண்டாம் மத்தியப் போலீஸ்; வேண்டும் வேண்டும் துணை ராணுவம்!!

//கரூர் ரசிகர் கூட்ட நெரிசலில் 41 பேர் பலியான சம்பவத்தைத் தொடர்ந்து நிலவும் பதற்றமான அரசியல் சூழலில், நடிகர் விஜய்க்கு வழங்கப்படும் மத்திய போலீஸ் பாதுகாப்பை இரு மடங்காக அதிகரிக்க மத்திய அரசு திட்டமிட்டுள்ளது// -இது இன்றைய ஊடகச் செய்தி.

தன்னலம் துறந்து, தமிழர் நலன் காக்க வீராவேசத்துடன் எழுச்சிப் பயணம் மேற்கொண்டிருக்கும் புதுயுகப் புதிய புரட்சித் தலைவர் ‘விஜய்’ அவர்களின் பாதுகாப்புக்குக் கூடுதல் பாதுகாப்பு வழங்கப்படும் என்று மோடி அரசு அறிவித்திருப்பது பெரிதும் வரவேற்கத்தக்கது.

எதிரிகளால் இந்த வீரத் தமிழரின் உயிருக்குப் பங்கம் நேரலாம் என்பதை ரகசியப் புலனாய்வுக் குழுக்கள் மூலம் அறிந்த மோடி அவர்கள், இவருக்காக மத்தியப் போலீஸ் பாதுகாப்பை இருமடங்கு ஆக்கியிருப்பது போதாது.

பிரதமர் அண்மையில் மணிப்பூருக்கு மேற்கொண்ட பயணத்தின்போது துணை ராணுவத்தைப் பாதுகாப்புக்காக அனுப்பியது போல, வெற்றிக் கழகத் தலைவரின் பாதுகாப்புக்கும்[2026 தேர்தல் முடிந்து இவர் தமிழ்நாட்டு முதல்வராகப் பதவி ஏற்று, ‘பாஜக’வுடன் கூட்டணி ஆட்சி அமைக்கும்வரை] துணை ராணுவம் அனுப்பப்படுதல் வேண்டும் என்பது நம் கோரிக்கை.

நம் கோரிக்கையை மிக்கப் பரிவுடன் மோடி பரிசீலிப்பார் என்று மனப்பூர்வமாக நம்புகிறோம்.

நன்றி மோடிஜி!

காந்தி சிலைக்குக் காவி ஆடை ! காவிக் கோவணம் எப்போது?!

//காந்தியார் எந்த மத நல்லிணக்கத்திற்காக உயிரையே தியாகம் செய்தாரோ அந்த மகாத்மா காந்தியின் சிலையைத் தொடுவதற்கே அருகதை அற்றக் கூட்டம் மதுரையில் அவரது சிலைக்குக் காவி ஆடை அணிவித்து இருப்பது கடும் கண்டனத்திற்குரியது” என்றார் வைகோ//*

‘வைகோ’ அவர்களே,

காந்தி சிலைக்குக் காவி ஆடை அணிவித்த அந்தச் சங்கிக் கூட்டத்தின் தலைவர்கள்தான் இந்த நாட்டை ஆளுகிறார்கள் என்பதை நாடறியும்; நீங்களும் அறிவீர்கள்.

அந்தச் சங்கிகள் காந்தியின் ஒட்டுமொத்த ஆடையையும் களைந்துவிட்டு காவிக் கோவணம்கூடக் கட்டுவான்கள்.

கட்டினால் அவன்களில் எவனொருவனின் ஒரே ஒரு மயிரைக்கூட யாரும் புடுங்க முடியாது.

இப்படி அடிக்கடி நீங்கள் அவன்களுக்குக் கண்டனம் தெரிவித்தால், உங்களைக் காவிக் கோவணத்துடன் அலையவிடுவான்கள்!

எச்சரிக்கையாக இருங்கள் வைகோ!

* * * * *

*https://news7tamil.live/saffron-dressing-of-gandhi-statue-in-madurai-vaiko-condemns.html?utm_source=newsshowcase&utm_medium=gnews&utm_campaign=CDAqEAgAKgcICjCwq6ALML21uAMwlf7MBA&utm_content=rundown#google_vignette