''இந்துக் கடவுள்களை இழிவுபடுத்தும் கட்சிகளுக்கு வாக்களிக்க மாட்டோம்'' என்று, சென்னை மயிலாப்பூர் மாங்கொல்லையில் நேற்று முன்தினம், இந்து அமைப்புகள் சார்பில் நடைபெற்ற பொதுக்கூட்டத்தில் பங்கேற்றவர்கள் உறுதிமொழி ஏற்றதாக இன்றைய 'தமிழ் இந்து'[09.04.2019] செய்தி வெளியிட்டுள்ளது.
அவர்களின் மதநம்பிக்கையைப் பாராட்டுகிறோம்.
இது தொடர்பாக, இந்த அமைப்பைச் சேர்ந்த வக்கீல் ஒருவர், ''நாங்கள் எந்தவொரு அரசியல் கட்சியையும் அமைப்பையும் சார்ந்தவர்கள் அல்ல. இந்து மதத்தையும் அதன் கடவுள்களையும் அரசியல்வாதிகள் இழிவுபடுத்திப் பேசிவருகிறார்கள்[திராவிடர் கழகத் தலைவர் கி.வீரமணியைத் தவிர வேறு யாரும் பேசுவதாகத் தெரியவில்லை. தி.மு.க. தலைவர் ஸ்டாலின்கூட இந்து மதத்திற்குத் தான் எதிரியல்ல என்று உறுதி மொழிந்திருக்கிறார்]. இதை ஏற்க முடியாது. எனவேதான் இவ்வாறு உறுதிமொழி ஏற்றிருக்கிறோம் என்று அறிவித்திருக்கிறார்.
மகிழ்ச்சி.
இந்துக் கடவுள்களை அவமதிக்கும் வகையில் பேசக்கூடாது என்று அறிவிப்புச் செய்யும் இந்து அமைப்பினருக்கு ஒரு வேண்டுகோள்......
இந்நாள்வரை , இந்துமதக் கடவுள்களின் எண்ணிக்கையை அறிந்தவர் எவருமில்லை. எனவே.....
அதற்கான பட்டியலை உடனடியாக வெளியிடுங்கள்[பட்டியலைப் பார்ப்பவர்கள், மறந்தும்கூட இந்துக் கடவுள்களை விமர்சிக்க மாட்டார்கள்]. பட்டியல் தயாரிக்க ஆறு மாதங்கள் ஆகுமா?
ஆறு மாதம் என்ன, ஆறு ஆண்டுகள் ஆனாலும் சரியே. இக்கணமே தயாரிப்பில் ஈடுபடுங்கள். ஒரு குட்டிக் கடவுள்கூட விடுபட்டுவிடக் கூடாது என்பதில் மிகுந்த கவனம் செலுத்துங்கள்.
வாழ்க இந்துமதக் கடவுள்கள்!
===============================================================================