பட்டினியில் பரிதவிப்பு! பக்தியில் முதலிடம்!! ஜெய் ஸ்ரீராம்!!! ஜெய் ஜெய் மோடி!!!!

ஒவ்வொரு நாட்டிலும் பட்டினி அளவு எந்த அளவில் இருக்கிறது என்பதைக் கண்டறிந்து, உலகளாவிய பட்டினிக் குறியீட்டு எண் உருவாக்கப்பட்டுள்ளது.

125 நாடுகள் அடங்கிய இப்பட்டியலில் இந்தியா 111ஆவது இடத்தைப் பெற்றுள்ளது. உலகளாவிய பட்டினிக் குறியீட்டு எண்ணில் இந்தியா 28.7 புள்ளிகள் பெற்றுள்ளது என்பதால், இங்குப் பட்டினியின் அளவு தீவிரமாக உள்ளது என்கிறார்கள் ஆய்வாளர்கள்.

இது நமக்கு அளவில்லாத வருத்தத்தைத் தருவதோடு, அண்டை நாடுகளான பாகிஸ்தான் 102ஆவது இடத்தையும், வங்காளதேசம் 81ஆவது இடத்தையும், நேபாளம் 69ஆவது இடத்தையும், இலங்கை 60ஆவது இடத்தையும்[நம்மைவிடக் குறைவு] பெற்றுள்ளன என்பதை அறியும்போது பெருத்த அவமானத்திற்கும் உள்ளாகிறோம்.

‘இப்படி அவமானப்பட்டுக் கிடக்கும் அவல நிலையில்தான் 1800 கோடி ரூபாய் செலவில் அயோத்தி ராமர் கோயில். அதற்கு 25 லட்சம் செலவில்[2100 கிலோ] மகா மகா மகாப் பெரிய மணி; கோடி கோடி செலவில் 101 கிலோ தங்கத்தில் கதவுகள்; 400கிலோ பூட்டு; 108 அடி உயர அகர்பத்தி,  குவியல் குவியலாய்ப் பொன் வெள்ளி வைர நகைகள் என்று மானாவாரியாய்ச் செலவு செய்து, கூடிக் கும்மாளம் அடித்திருக்கிறோம்’ என்று நம் பகை நாடுகள் எள்ளி நகையாடுகின்றன.

நாம்.....

இந்தியர்கள். நம்மை இப்படியான ஒரு பரிதாப நிலைக்கு உள்ளாக்கிய பிரதமர் மோடி கடும் கண்டனத்திற்கு உரியவரா?

ஊஹூம்.....  அவருக்குக் கண்டனம் தெரிவிப்பவர்கள் கண்டிக்கத்தக்கவர்கள்.

மேற்கண்ட வகைகளில் கோடி கோடியாய்ச் செலவு செய்து கோயில் கட்டி, அங்கே பால ராமரைப் ‘பிராணப் பிரதிஷ்டை’ செய்தார் மோடி என்றால் அதற்குக் காரணம் இல்லாமலில்லை.

காரணம்.....

மக்கள் வயிற்றுப்பாட்டுக்கு வழியில்லாமல் பட்டினியால் பரிதவிக்கும் 125 நாடுகள் பட்டியலில் 111ஆவது இடம் பெற்றுள்ள நம் புண்ணிய ‘பாரத்[இந்தியா]ஐ, வெகு விரைவில் அப்பட்டியலிலிருந்தே அகற்றி, முன்னேறிய நாடுகள் பட்டியலில் முதல்[நம்பர் 1] இடத்தில் இடம்பெறச் செய்வார் பால ராமர் என்பதே!

ஜெய் ஸ்ரீராம்! ஜெய் ஜெய் ஜெய் நரேந்திர மோடி!!

                                     *   *   *   *   *

https://www.dailythanthi.com/News/India/global-hunger-index-india-is-ranked-111-1071728