இந்தச் சந்தேகத் தீ கணவன் மனைவியாக வாழ்ந்த இருவருக்குமிடையே அடிக்கடி, கடும் வாக்குவாதத்தை உண்டுபண்ணியது.
ஒரு நட்ட நடுராத்திரி வேளையில் அந்தக் கற்புக்கரசனின் நெஞ்சில் கற்புக்கரசியின் மீதான சந்தேகத் தீ கொழுந்துவிட்டு எரிய, "நீ நிஜமான பத்தினியாக இருந்தால், உன் மகளை[இந்தப் பிஞ்சு இவனுக்குப் பிறந்ததல்ல]த் தீயிட்டுக் கொளுத்து" என்று ஆக்ஞை பிறப்பித்தானாம்.
அவள் கற்புக்கரசியல்லவா, கணவன் சொல்லைத் தட்டாமல், தான் பெற்றெடுத்த பிள்ளையான பவித்திரா மீது மண்ணெண்ணை ஊற்றித் தீ வைத்தாளாம்.
ஒரு பாவமும் அறியாத அந்தப் பிஞ்சு, 90% தீக்காயங்களுடன் மருத்துவமனையில் உயிருக்குப் போராடிக்கொண்டிருக்கிறது.
'ஒருவனுக்கு ஒருத்தி' என்பதுதான் நம் முன்னோர் வகுத்த வாழ்க்கை நெறி; அதுவே 'கற்பு நெறி' என்றும் போற்றப்பட்டது.
மேற்குறிப்பிடப்பட்ட கற்புக்கரசனுக்கு இது 2ஆவது திருமணம். கற்புக்கரசிக்கோ 3ஆவது.
அவன் 'கலியுக இராமன்' ஆக மாறி, உத்தரவு பிறப்பிக்க அவளும் அதை நிறைவேற்றினாள் என்பது நம்பும்படியாகவா இருக்கிறது?
"உணவு உண்ட நேரம்; உறங்கிய நேரம் தவிர எஞ்சிய நேரமெல்லாம் சரச சல்லாபம் புரிந்திருப்பார்களோ? அதற்கு இந்த மொட்டு இடைஞ்சல் செய்தது என்று தீயிட்டுக் கொளுத்தியிருப்பார்களோ?" என்றெல்லாம் நம் மனதில் சந்தேகம் எழுவதைத் தவிர்க்க இயலவில்லை.
இவர்களின் பெயர், வயது, வாழிடம் போன்றவற்றைக் குறிப்பிடுவதால் 90% தீக்காயங்களுடன் உயிருக்குப் போராடும் சிறுமி உயிர் பிழைப்பாள் என்பது என்ன நிச்சயம்?[அவள் பிழைத்தெழுந்து நல்லவர்களின் ஆதரவுடன் நீண்ட காலம் வாழ்தல் வேண்டும் என்பதே நம் விருப்பம்]. ஆகவே.....
இந்தக் கலிகாலக் கற்பரசன், கற்பரசி ஆகியோர் பற்றிய முழு விவரங்களை அவசியம் அறிந்திட வேண்டும் என்றால் கீழ்க்காணும் முகவரிக்குச் செல்லுங்கள்.
https://tamil.oneindia.com/news/chennai/mother-killed-own-daughter-due-to-family-issue-near-chennai/articlecontent-pf647435-447158.html?ref_medium=Desktop&ref_source=OI-TA&ref_campaign=Auto-Deep-Links -Monday, January 31, 2022,