'பொறியியல்' கல்வியைத் தமிழில் கற்றால் 'வேலை' கிடைக்குமா?

 

தமிழ்வழிப் பொறியியல் கல்வியின் பயன் குறித்துச் சிந்திப்பதற்கு முன்னால், கடந்த காலத்தில், தமிழில் கற்பித்தலுக்கான முயற்சிகளின் விளைவுகள் பற்றி அறிவது மிகவும் முக்கியம்.

*கடந்த 2011ஆம் ஆண்டிலிருந்து அண்ணா பல்கலைக்கழகம் உள்பட சில அரசுப் பொறியியல் கல்லூரிகளில் சில பாடப் பிரிவுகள் தமிழில் நடத்தப்பட்டு வருகின்றன.

*இவற்றிற்கான பாடப் புத்தகங்கள் எதுவும் அச்சிடப்படாததால், வகுப்புகளில் ஆர்வத்துடன் சேர விரும்பிய மாணவர்களின் எண்ணிக்கையும் படிப்படியாகக் குறைந்தது. இதனால் தமிழ்வழி பொறியியல் வகுப்புகளுக்கான இடங்களும் கணிசமாகக் குறைக்கப்பட்டு விட்டன. 

*பாடத்திட்டம், புதிய தொழில்நுட்பத்தை செயல்படுத்தாதது, பாடத் திட்டத்துக்கும் வேலைக்கும் தொடர்பில்லாதது உள்ளிட்டவை மிக முக்கியமானவை. அதாவது, பாடத்தின் அடிப்படை நோக்கம் தெரியாமலேயே மாணவர்கள் உள்ளனர்.

*அண்ணா பல்கலைக்கழகத்தில் தமிழ்வழியில் படிப்பதற்கான வாய்ப்புகள் இருந்தாலும் அதில் சேருவதற்கு மாணவர்கள் ஆர்வம் காட்டவில்லை. தொடர்ந்து, தமிழில் படித்தால் வேலை கிடைக்காது என்ற சூழலை உருவாக்கிவிட்டார்கள். இதற்குக் காரணம், குறிப்புத் தாள்களைத் தமிழில் கொடுக்காததுதான்.

*போட்டித் தேர்வுகள் நடத்தப்படும்போது, அவற்றிற்குத் தயாராகும் வகையில் கல்லூரிப் படிப்பின் கடைசி இரண்டு ஆண்டுகளில் திறன் வளர்க்கும் பாடங்களை நடத்த வேண்டும். தமிழ்வழியில் கற்ற மாணவர்களுக்கு நடத்தப்படவில்லை.

*தமிழ்நாட்டில் பட்டம் மற்றும் பட்டமேற்படிப்புகளைத் தமிழ்வழியில் கற்பிக்க வேண்டும் என்ற இயக்கம், பல ஆண்டுகளாக நடந்துவருகிறது. அண்ணா பல்கலைக்கழகத்தின் உறுப்புக் கல்லூரிகளில் சிவில், மெக்கானிக்கல் பிரிவுகளில் தமிழ்வழியில் கற்பிக்கப்படுகின்றன. இங்கு முதலாம் ஆண்டில் சில கையேடுகளைக் கொடுத்தும் படிக்க வைக்கின்றனர். ஆனால், தமிழ்வழியில் படிக்கின்ற மாணவர்களுக்குச் சரியான பாடப்புத்தகங்கள் எதுவும் அரசால் தரப்படவில்லை.

*கருணாநிதி முதல்வராகவும் நெடுஞ்செழியன் கல்வி அமைச்சராகவும் இருந்த காலகட்டத்தில் மத்திய அரசின் நிதி உதவியோடு இளங்கலை மற்றும் முதுகலைப் பட்ட வகுப்புகளுக்கு அறிவியல், சமூக அறிவியல் ஆகிய பிரிவுகளுக்குப் பாடப்புத்தகங்கள் அச்சிடப்பட்டன. இதற்கான பணிகளைத் தமிழ்நாட்டுப் பாடநூல் நிறுவனம் செய்தது. இதனால் தரமான புத்தகங்கள் வெளிவந்தன. அவற்றைத் இப்போது மறுபதிப்பும் செய்துள்ளனர். ஆனால், பொறியியல் பாடப்பிரிவுகளுக்கு இதுபோன்ற முயற்சிகள் எடுக்கப்படவில்லை.

*அண்ணா பல்கலைக்கழகம் தவிர சுயநிதிக் கல்லூரிகளில் தமிழ்வழியில் வகுப்புகள் நடைபெறுவதில்லை. 'ஆங்கிலத்தில் படிப்பது மட்டுமே கல்வியின் தரத்தை உயர்த்தும்' என்னும் பொய்யானதொரு பரப்புரையை அவர்கள் தொடர்ந்து செய்துகொண்டிருக்கிறார்கள்.

*தஞ்சைத் தமிழ்ப் பல்கலைக்கழகத்தில் வி.ஐ.சுப்ரமணியம் துணைவேந்தராக இருந்த காலகட்டத்தில் ராமசுந்தரம் என்பவர் அறிவியலுக்குக் கலைச்சொற்களை உருவாக்கினார். இதுதவிர, மருத்துவம் உள்ளிட்ட துறைகளுக்கும் அகராதிகளை உருவாக்கும் முயற்சியில் இறங்கினார். பின்னர், அம்முயற்சி தொடரவில்லை.

*கடந்த சில வருடங்களாக அண்ணா பல்கலைக்கழகத்தில் தமிழ்வழியில் படித்த மாணவர்கள், சரியான வழிகாட்டல் இல்லாமல் தேர்வை ஆங்கிலத்திலேயே எழுதத் தொடங்கிவிட்டனர்.

*பல ஆண்டுகள் சுயநிதிக் கல்லூரிகளில் ஆசிரியராகப் பணிபுரிந்துவிட்டு அரசுக் கல்லூரிக்கு வேலைக்கு வரும் ஆசிரியர்களுக்குத் தமிழ்வழியில் வகுப்பெடுக்கும் பயிற்சிகள் அளிக்கப்படுவதில்லை.

இவை நிகழ்ந்து முடிந்தவை. இனி.....

"ஏ.ஐ.சி.டி.இ அளித்துள்ள அனுமதியால் என்ன மாற்றங்கள் நிகழ்ந்துவிடப் போகின்றன?" என்று கல்வியாளர் `ஆனந்தம்' செல்வகுமார் அவர்களிடமும், பேராசிரியர் சிவக்குமார் அவர்களிடமும் 'பிபிசி தமிழ்' கேட்டபோது, அவர்கள் அளித்துள்ள பதில்களில், குறிப்பிடத்தக்க அம்சங்கள்: 

பல லட்சம் செலவு செய்து நான்காண்டுகள் படிக்கும் மாணவர்கள், தொழில் துறை எதிர்பார்க்கின்ற திறன் இல்லாதவர்களாக வெளிவருகிறார்கள். இதன் பின்னணியில் பல்வேறு குழப்பங்கள் உள்ளன. .

தமிழகத்தில் 70 சதவீதத்துக்கு மேல் அரசுப் பள்ளிகள் உள்ளன. இங்கு பெரும்பாலும் தமிழ்வழியில் படித்த மாணவர்கள்தான் உள்ளனர். இவர்கள் பொறியியல் வகுப்புகளுக்கு வரும்போது கண்ணைக் கட்டிக் காட்டில் விட்டது போன்ற நிலைக்குத் தள்ளப்படுகின்றனர். `என்ன மொழியில் படிக்கிறோம்?' என்பதே தெரியாமல் மனப்பாடம் செய்யும் நிலைக்கு அவர்கள் தள்ளப்படுகின்றனர். இவர்களில் 86 சதவிகிதம் பேர் படிப்புக்குச் சம்பந்தமில்லாத வேலைகளில் உள்ளதாக ஆய்வு முடிவுகள் சொல்கின்றன. 

மதிப்பெண்ணுக்காகப் படிப்பதால்தான் படிப்பின் மீது வெறுப்பு ஏற்படுகிறது. பொறியியல் படிக்கும் மாணவர்கள்தான் ஆராய்ச்சியில் ஈடுபட முடியும். இங்கு பிடிக்காமலேயே படிக்கின்றனர்.

தற்போது தாய்மொழியிலேயே படிப்பதன் மூலம் பிளஸ் 2 படிப்புக்குப் பிறகும் கல்வியுடனான தொடர்பு நீட்டிக்கப்படுகிறது. ஜப்பான், சீனா உள்பட பல நாடுகளில் தாய்மொழியில்தான் படிக்கின்றனர்.

தாய்மொழியில் படித்தால் புரிந்துகொண்டு படிக்க முடியும். ஆராய்ச்சியில் ஈடுபடுவதற்கான வாய்ப்புகள் உள்ளன. பொறியியல் கல்வியில், பல்கலைக்கழகப் புத்தகங்கள் மட்டுமல்லாமல் குறிப்புப் புத்தகங்களையும் தாய்மொழியில் கொடுப்பதற்கு உதவினால்தான் மாணவர்களால்  வெற்றிகரமானவர்களாக மாற முடியும்.

இந்தியாவில் 'கேட்' தேர்வு உள்பட முக்கியமான தேர்வுகளையும் தமிழில் நடத்த வேண்டும். நான்காண்டுகள் கல்லூரியில் படிக்கும்போது 80 சதவிகிதம் குறிப்புகளைத் தாய்மொழியிலும், 20 சதவிகிதத் தொழில்நுட்ப ரீதியான குறிப்புகளை ஆங்கிலத்திலும் கொடுத்தால் வேறு சில தேர்வுகளில் அவர்கள் பங்கேற்பதற்கு வசதியாக இருக்கும்.

இவ்வகையில் பாடத் திட்டங்களைச் செயல்படுத்தும்போது நிறையச் சாதனைகளை நிகழ்த்தக் கூடியவர்களாகத் தமிழ் மாணவர்கள் இருப்பார்கள்.

ஏ.ஐ.சி.டி.இயின் புதிய உத்தரவால், திறமைகளை வெளிப்படுத்தும் வாய்ப்பில்லாமல் அழுத்தப்படும் மாணவர்கள் வெளியே வருவதற்கான சூழல் உருவாகியுள்ளது.

தமிழ்வழியில் பட்டவகுப்புகளை நிறைவு செய்த மாணவர்கள், முதுநிலை, ஆராய்ச்சி படிப்புகளை நிறைவு செய்துவிட்டு ஆராய்ச்சியாளர்களாகப் பணிபுரிகின்றனர். கல்லூரிக் காலங்களில் செமினார் வகுப்புகளில் இவர்களால் சரளமாக ஆங்கிலத்தில் பேச முடியவில்லை. அதுவே, அவர்கள் பணியில் சேர்ந்த பிறகு பேச்சு வழக்கில் சரளமாக ஆங்கிலம் பேசுகிறார்கள்.

பேச்சு வழக்கில் ஆங்கிலத்தை எளிதாகக் கற்றுக் கொள்ளலாம்..  

பாலிடெக்னிக் கல்லூரிகளில் தமிழில் புத்தகங்கள் உள்ளன. அவற்றையும் தனியார் பதிப்பகங்கள்தான் வெளியிட்டுள்ளன. கிண்டி பொறியியல் கல்லூரியில் தமிழ்வழியில் படிக்கும் மாணவர்களுக்குக் குறிப்புகளை மட்டும் வழங்கியுள்ளனர். 

அண்ணா பல்கலைக்கழகத்தில் முதலாம் ஆண்டில் மட்டும் இயற்பியல், வேதியியல் ஆகிய பாடப்பிரிவுகளில் மாணவர்களுக்கு தமிழ்வழிப் புத்தகம் கிடைத்துள்ளது. இதுவும் அண்ணா பல்கலைக்கழகம் வெளியிட்ட புத்தகம் அல்ல. மாணவர்கள் வெளியில் வாங்கித்தான் படித்து வருகின்றனர். வகுப்புகளில் சில ஆசிரியர்கள் தமிழ்ச் சொற்களைக் கூறுவார்கள். அதை மாணவர்கள் குறிப்பெடுத்துக்கொண்டு ஆங்கிலத்தில் எழுதலாம் அல்லது தமிழில் எழுதலாம். 

பொறியியல் கல்லூரிகளில் தமிழில் படிக்க நடவடிக்கை எடுத்தால் கிராமப்புற மாணவர்களை அதிகப்படியாக ஈர்க்க முடியும். கல்லூரிப் படிப்பு முடிந்த பிறகு நேர்காணல்களை எதிர்கொள்ளும் திறனறி தேர்வுகளுக்கும் தமிழில் புத்தகங்கள் இல்லை. அதற்கான பயிற்சிகளைக் கொடுத்தால் வேலைவாய்ப்பிலும் மாணவர்களால் சாதிக்க முடியும்.

`ஏ.ஐ.சி.டி.இயின் அனுமதியைத் தொடர்ந்து தமிழக அரசு என்ன செய்யப் போகிறது?' என உயர்கல்வித் துறை அமைச்சர் பொன்முடியிடம் 'பிபிசி தமிழ்' தொடர்பு கொண்டது.

இதுதொடர்பாக விளக்கமளித்த அவரின் உதவியாளர், ``இங்கு பொறியியல் வகுப்புகள் தமிழ்மொழியில் கற்பிக்கப்பட்டு வருகின்றன. கலைஞர் இருக்கும்போதே இதனைக் கொண்டுவந்தார். சில பாடங்கள் மட்டும் தியரி வடிவில் உள்ளன. அதேநேரம், செய்முறை வகுப்புகள் ஆங்கிலத்தில் உள்ளன. சில பாடப் புத்தங்களைத் தமிழில் கற்பிக்க முடியாத சூழலும் உள்ளது. தமிழில் படிப்பதால் வேலைவாய்ப்பில் எந்தவிதச் சிரமங்களும் இருக்கப் போவதில்லை. தற்போது முதல்வர் உடனான கூட்டத்தில் அமைச்சர் இருப்பதால் இதுகுறித்துப் பிறகு பேசுவார்" என்றார்.

======================================================================================

https://www.bbc.com/tamil/india-57302003   [31 மே 2021, 01:42 GMT]

உரத்த குரலில் ஊளையிடும் ஒரு கிழட்டு ஓநாய்..... ஜாக்கிறதை!!!

"தமிழக பிராமணர்கள் அச்சத்தில் உள்ளார்கள்.. ஆட்சியே இருக்காது.." பா.ஜ.க. மூத்த தலைவர் ஆவேசம்' -இது, அந்த ஓநாயின் ஊளையிடல் பற்றிய செய்திக்கு, https://tamil.oneindia.com  செய்தி நிறுவனம் தந்துள்ள தலைப்பு.

தலைப்பின் கீழ், பின்வருமாறு செய்தி வெளியிடப்பட்டுள்ளது:

'தமிழகத்தில் பிராமணர்கள் குறி வைக்கப்படுகிறார்கள். யூதர்களை நாஜிப் படை தாக்கியதைத் தமிழகச் சூழல் நினைவுபடுத்துகிறது. எனவே, தமிழக நிலவரம் பற்றி ஆளுநர் பன்வாரிலால் புரோகித்திற்குக் கடிதம் எழுதியிருப்பதாக, பாஜக மூத்த தலைவர்[பெயர் தவிர்க்கப்பட்டது] தெரிவித்துள்ளார்' 

இந்த டெல்லி வாழ் கிழட்டு ஓநாயின் இது தொடர்பான அறிவிப்பு, நேற்று[28.05.2021] இரவே 'News18 Tamil' இல் வெளியானது. அதில்.....

'தமிழ்நாட்டில் பிராமணர்களும் கோயில் பூஜாரிகளும் தாக்கப்படுகிறார்கள். அங்கே பாசிச ஆட்சி நடக்கிறது' என்பதாக இந்த ஓநாய் ஓலமிட்டிருந்தது.

சென்னை கே.கே.நகரிலுள்ள பத்மா சேஷாத்ரிப் பள்ளி ஆசிரியர் ராஜகோபாலன், மாணவிகளிடம் பாலியல் சீண்டலில் ஈடுபட்டது, ஆன்லைன் வகுப்பில் அரை நிர்வாணமாக வந்து நின்றது போன்ற சம்பவங்கள் தற்போது வெளியே வந்தன. இதையடுத்து அவர் கைது செய்யப்பட்டுத் தீவிர விசாரணை நடத்தப்பட்டுவருகிறது. 

பள்ளி மீதான விசாரணை மற்றும் விமர்சனங்களுக்கு ஒய்ஜி மகேந்திரனின் மகள் மதுவந்தி உள்ளிட்டோர் கண்டனம் தெரிவித்தனர். பிராமணர்கள் நிர்வாகத்திலுள்ள பள்ளி என்பதால் குறி வைக்கப்படுவதாகப் பகிரங்கமாகக் குற்றம்சாட்டினர்[அண்மையில், வேறொரு பள்ளி ஆசிரியர் இதே குற்றச்சாட்டில் கைதானதை நினைவுகூர்க]. 

"பிராமணனே ஆயினும்[பிராமணர் உள்ளிட்ட அனைத்து மக்களும் இங்கு கௌரவமாகவே நடத்தப்படுகிறார்கள் என்பது மனசாட்சி உள்ள அத்தனைப் பிராமணர்களுக்கும் தெரியும்] குற்றம் புரிந்தவன் அவசியம் தண்டிக்கப்பட வேண்டியவனே" என்று சொல்லும் நேர்மைக் குணம் இல்லாத  சிறுமதியாளர்களுக்கு ஆதரவாக இந்த ஓநாய் உரத்த தொனியில் ஊளையிட்டிருக்கிறது.

தமிழக ஆட்சிப் பொறுப்பை ஸ்டாலின் ஏற்று ஒரு மாதம்கூட ஆகாத நிலையில், எதிரியை வீழ்த்த எந்தவொரு  கேவலமான உத்தியையும் உபாயத்தையும் கையாளத் தயங்காத இந்தக் கும்பல், மேற்கண்டவாறான குற்றச்சாட்டை முன்வைத்து, பா.ஜ.க. நடுவணரசைத் தூண்டிவிடுவதன் மூலம் ஆட்சியைக் கலைப்பதற்கான முயற்சியைத் தொடங்கியுள்ளது.

இந்த முயற்சி இனியும் தொடரும். டெல்லி வாழ் கிழட்டு ஓநாயின் ஊளையிடலும் தொடரும். இங்குள்ள சிறு சிறு ஓநாய்களின் ஊளையிடல் அதனோடு சேர்ந்து ஒலிக்கும் என்பதையெல்லாம் தமிழர்கள் கருத்தில் கொண்டு மிகு விழிப்புடன் செயல்படுதல் வேண்டும். இது இந்நாளைய இன்றியமையாத் தேவையாகும்.

======================================================================================

முக்கியக் குறிப்பு:

ஜெயலலிதா ஆட்சியில், இந்த ஓநாய் தமிழகம் வந்து ஏடாகூடமாக ஊளையிட்டு, அம்மாவின் தொண்டர்படைத் தாக்குதலுக்கு அஞ்சி, 'தப்பித்தேன் பிழைத்தேன்' என்று திருட்டு விமானம் ஏறி டெல்லிக்கு ஓடிய கதை உலகறிந்தது என்பதால் இதன் பெயர் இங்கு குறிப்பிடப்படவில்லை!

=====================================================================================

மிக மிக முக்கியக் குறிப்பு:

'oneindia'வின் இந்தச் செய்திக்கான கருத்துரைகள் 489[இப்போது அதிகரித்திருக்கலாம்.

சூடு பறக்க வாரி வழங்கியிருக்கிறார்கள் வாசகர்கள். கீழ்க்காணும் முகவிரிக்குச் சென்று அவற்றையும் வாசியுங்கள்!

https://tamil.oneindia.com/news/chennai/subramanian-swamy-says-brahmins-targeted-in-tamil-nadu/articlecontent-pf553790-422296.html

எழுத்தாளர் 'சாரு'வும் தமிழ் எழுத்தாளரை நேசிக்கும் ஸ்டாலினும்!!

 

'குமுதம்' இதழில், 'சொல் தீண்டிப் பழகு' என்னும் தொடரை எழுதும் எழுத்தாளர் 'சாரு நிவேதிதா', தமிழ் எழுத்தாளர்களின் மதிப்பை உயர்த்தும் வகையிலானதொரு 'ஏற்பாடு' குறித்துத் தமிழக முதல்வரிடம் ஒரு கோரிக்கை வைத்துள்ளார்.

குமுதம் இதழில் இடம்பெற்ற, அக்கோரிக்கை தொடர்பான கட்டுரை[02.06.2021]யின் இறுதிப் பகுதி:

'.....கடைசியாக, உங்களை மிகவும் வேண்டிக் கேட்டுக்கொள்கிறேன். அந்தக் கலைமாமணி என்ற விருதை நிறுத்திவிடுங்கள். அல்லது, அதில் எழுத்தாளர்களைத் தயவு செய்து சேர்க்காதீர்கள். ஒரு சிரிப்பு நடிகரையும் 90 வயது இந்திரா பார்த்தசாரதியையும் சேர்த்து இருவருக்கும் கலைமாமணி விருது கொடுத்தால் அது இந்திரா பார்த்தசாரதி என்ற மூத்த எழுத்தாளரை அவமதிப்பதாகாதா? அதனால்தான், முந்தைய அரசு அந்த விருதைக் கொடுத்தபோது அவர் மறுத்துவிட்டார்.

காரணம், அவர் நோபல் பரிசு பெற வேண்டியவர். ஒன்று செய்யலாம். அரசே எழுத்தாளர்களுக்குத் தனியாக விருது கொடுக்கலாம். ஆனால், கொஞ்சமும் அரசியல், சினிமா தலையீடு இருக்கலாகாது. ஏனென்றால், சினிமாவுக்கென்று தனி விருதுகள் உள்ளன. அதே போல இலக்கியத்துக்கு விருதுகள் தொடங்கலாமே?

கவிதை, நாவல், குறுநாவல், சிறுகதை, பயணக் கட்டுரை, அபுனைவு[கட்டுரை], வாழ்நாள் சாதனையாளர்[இந்திரா பார்த்தசாரதி] என்று அதில் பல பிரிவுகள் வைக்கலாம்.

இதற்கெல்லாம் வெறும் சான்றிதழ் கொடுக்காமல் நல்ல கனமான தொகையாகத் தரலாம்[எழுத்தாளன் ஒரு சான்றிதழ்க் காகிதத்தை மட்டும் எடுத்துக்கொண்டு வீட்டுக்குப் போனால் என்ன நடக்கும் என்பதை உங்கள் கற்பனைக்கே விட்டுவிடுகிறேன்]. 

நோபல் பரிசு பிரபலமானதற்குக் காரணம், அதன் தொகைதான். இந்தியாவிலும் ஞானபீடப் பரிசு முதலில் இருப்பதற்குக் காரணம் அதன் தொகைதான். அந்த அளவுக்கு இல்லாவிட்டாலும் கொடுக்கிற தொகை மரியாதைக்குரியதாக இருந்தால் நல்லது.

இப்படியெல்லாம் செய்தால், இந்தியா மட்டுமல்ல, உலகமே உங்களைத் திரும்பிப் பார்க்கும். ஏனென்றால், தமிழ்நாட்டில் சினிமா நடிகர்களுக்குக் கொடுக்கப்படும் மரியாதையை உலகம் எழுத்தாளர்களுக்குத் தருகிறது. எனவே, கலாச்சாரத்தில் வங்காளத்தையும் கேரளத்தையும் பின்னுக்குத் தள்ளி, தமிழகம் இந்திய அளவில் முன்னணியில் நிற்க இந்தச் செயல்பாடுகள் நிச்சயம் வழி வகுக்கும்.'

                                                       *                     *                 *

கொடுந்தொற்று 'கொரோனா'வுடனான கடும் போர் முடிவுக்கு வந்தவுடன் எழுத்தாளர் 'சாரு'வின் இந்தக் கோரிக்கையை உறுதியாக நிறைவேற்றுவார் தமிழக முதல்வர் மு.க.ஸ்டாலின் அவர்கள்.

ஏனென்றால், அவர் சமூக மேம்பாட்டில் எழுத்தாளர்களின் முக்கியப் பங்களிப்பை அறிந்துணர்ந்து அவர்களை மதித்துப் போற்றத் தெரிந்தவர்.

'சாரு' அவர்களுக்கும், 'குமுதம்' வார இதழுக்கும் நம் நன்றி! 

======================================================================================

விலங்கினங்களின் 'உடலுறவு'க்கான தேர்வு முறை!

'தன்னைப் பணிய வைத்திடும் ஆளுமை உள்ள ஆணைத்தான் பெண் விலங்கு விரும்புகிறது' என்று அறிவியல் அறிஞர்கள் ஆராய்ந்து சொல்லியிருக்கிறார்கள்.

இந்த நடைமுறை உண்மையைக் கண்டறியப் போதுமான சோதனைகளையும் அவர்கள் மேற்கொண்டார்கள். அவற்றில் ஒன்று.....

ஆண் எலிகள் பல ஒரு சோதனைக் கூடத்திலிருந்த கூண்டுக்குள் விடப்பட்டன. ஒரு மணி நேர அளவில், அவற்றிடையே பலவிதமான மிரட்டல்கள், மோதல்கள், துரத்தல்கள் எல்லாம் நிகழ்ந்த பிறகு தலைவர், துணைத் தலைவர், தொண்டர் என்னும் வரிசைப்படி தங்களுக்குள்ளேயே அவை ஒரு நிர்வாக அமைப்பை உருவாக்கிக்கொண்டன.

எலிகளுக்கிடையே தொடர்ந்து நடந்த  போராட்டங்களை மிக மிக மிக உன்னிப்பாகக் கவனித்து ஆராய்ந்த விஞ்ஞானிகள், அவற்றுக்கான 'உடல் வலிமை'யை அளவுகோலாகக் கொண்டு முதலாவது, இரண்டாவது, மூன்றாவது என்றிப்படித் தர நிர்ணயம் செய்து குறித்துக்கொண்டார்கள்.

பின்னர், அத்தனை ஆண் எலிகளும் மெல்லிய சிறு சிறு சங்கிலிகளால் பிணைக்கப்பட்டன, நாய்களை நாம்  கட்டிவைப்பது போல.

ஆண்கள் தாமாகப் பெண் எலிகளைத் தேடிச் சென்று அவற்றுடன் உடலுறவு வைத்துக்கொள்ளக் கூடாது என்பதே இதன் நோக்கமாகும். அடுத்தடுத்த நாட்களில், ஆராய்ச்சியாளர்கள் மேற்கொண்ட சோதனைகளில் நிகழ்ந்தவை அவர்களைப் பேராச்சரியத்தில் மூழ்கடித்தன.

சோதனை விவரம்:

ஆண் எலிகள் கட்டி வைக்கப்பட்டிருந்த மிகப் பெரிய கூண்டுக்குள் ஒரு பெண் எலியை அனுமதித்தார்கள். நிமிட நேரத்தில் அந்தப் பெண் எலி உடலுறவுக்காக ஓர் ஆண் எலியைத் தேர்வு செய்தது. விஞ்ஞானிகள் வரிசைப்படுத்தியிருந்ததில் நம்பர் ஒன் எலி அது!

இரண்டாவதாக அனுப்பப்பட்ட பெண் எலி தேர்வு செய்தது போராட்டத்தில் இரண்டாம் இடம் பெற்ற ஆண் எலி. அதாவது, நம்பர் 2.

அடுத்தடுத்துக் கூண்டுக்குள் அனுப்பப்பட்ட பெண் எலிகளின் தேர்வுகள், விஞ்ஞானிகளின் தரவரிசைப் பட்டியலின்படியே நிகழ்ந்தன.

ஜாதகப் பரிமாற்றங்கள், விசாரணைகள், பரிந்துரைகள் என்று எதுவும் இல்லாமல் பெண் எலிகள் தத்தமக்கான ஆண்களைத் தேர்வு செய்ததற்கான அடிப்படைத் தகுதியை, இம்மாதிரியான மிக நுண்ணிய ஆய்வுகளின் மூலம் கண்டறிந்தார்கள் ஆய்வறிஞர்கள். 

எலிகள்[ஆண்] பலவாயினும், ஒவ்வொன்றின் உடம்பிலிருந்தும் வெளிப்பட்டடவை வேறு வேறான  வாசனைகளே என்கிறார்கள் அவர்கள். 

முதலில் அனுப்பப்பட்ட பெண் எலி, தனக்கான நம்பர் 1 ஆண்மையாளனைத் தேர்ந்தெடுத்தது அதன் உடம்பிலிருந்து வெளிப்பட்ட மிகையான வாசனையை நுகர்ந்துதான். பிற தேர்வுகளும், மாறுபட்ட வேறு வேறு வாசனைகளின் அடிப்படையிலேயே நிகழ்ந்துள்ளனவாம்.

இது போன்ற தொடர் ஆய்வுகளின் மூலம், பிற விலங்கினங்களும் தத்தமக்கான இணையைத் தேர்ந்தெடுப்பது வாசனை நுகர்வின் மூலம்தான் என்கிறார்கள் ஆய்வு நிகழ்த்திய அறிஞர்கள்.

                                                *                   *                 *             

ஆதாரம்: https://groups.google.com/g/panbudan/c/PbZ3AFan2Mc

கட்டுரையாளர் 'வில்லன்' அவர்களுக்கு என் நன்றி.

கூடுதல் தெளிவு கருதி, கட்டுரை நடையைச் சற்றே மாற்றியமைத்துள்ளேன் என்பது அறியத்தக்கது.

=============================================================================================

'அனைத்துக்கும் ஆசைப்படு'ம் ஜக்கி வாசுதேவ்!!!

சர்ச்சைகளுக்கும், ஆடம்பர வாழ்விற்கும் பெயர்போனவர் ஜக்கி வாசுதேவ். தன்னைத்தானே சத்குரு என அறிவித்துக்கொண்ட இவர் பல விலையுயர்ந்த வாகனங்களுக்குச் சொந்தக்காரராக இருக்கின்றார். அந்த வகையில், ஆடம்பர ரகக் கார், பைக் என இவரிடத்தில் ஏராளமான சொகுசு மற்றும் பிரீமியம் தர வாகனங்கள் இருக்கின்றன[ஹெலிக்காப்டரும் உள்ளது].

இவர், தன் காரிலேயே தனக்கான மினி வீடு ஒன்றைக் கட்டியிருக்கின்றார். 

இவர், தனது 'ஃபோர்டு எஃப்150 பிக்-அப் ட்ரக்கினை'த் தனக்குப் பிடித்தவாறு மாடிஃபை செய்திருப்பதாக வீடியோ ஒன்றையும் வெளியிட்டுள்ளார். 

இந்தியாவைப் பொருத்தவரை வாகன மாடிஃபிகேஷன் என்பது சட்டத்திற்குப் புறம்பான செயலாகும். ஆனால், ஜக்கி வாசுதேவ் இந்தச் செயலை இந்தியாவில் வைத்துச் செய்யவில்லை.

இந்தியாவைச் சேர்ந்த ஜக்கி வாசுதேவ் அவ்வப்போது வெளிநாடுகளுக்குச் சுற்றுலா செல்வது வழக்கம். அந்த வகையில், அண்மையில் அமெரிக்கா சென்ற அவர், தனது பயணங்களுக்காகப் பிரத்யேகமாக ஃபோர்டு எஃப்150 பிக்-அப் ட்ரக்கினை அமெரிக்காவிலேயே மாடிஃபை செய்திருக்கின்றார்.

இது குறித்த வீடியோவை 'ஈஷா சத்குரு' எனும் அவரது யுட்யூப் சேனலிலேயே அவர் வெளியிட்டுள்ளார். 

ஜக்கி வாசுதேவ் ஃபோர்டு எஃப்150 பிக்-அப் ட்ரக் மிகக் கடுமையாக மாடிஃபிகேஷனுக்கு ஆளாக்கப்பட்டுள்ளது. அதன் டயர், நிறம், மின் விளக்குகள் மற்றும் உடற்பாகங்கள் என முக்கியக் கூறுகள் பல மாடிஃபிகேஷனுக்காக நீக்கப்பட்டிருக்கின்றன.

மேலும், நீக்கப்பட்டவைகளுக்குப் புதிதாக ஆஃப்டர் மார்க்கெட் பாகங்கள் சேர்க்கப்பட்டிருக்கின்றன. இந்தச் செயலால் அக்கார் அதன் உண்மைத் தோற்றத்தை இழந்து, புதிய தோற்றத்தைப் பெற்றிருக்கின்றது. இந்தக் காரணத்திற்காகத்தான் இந்தியாவில் வாகன மாடிஃபிகேஷன் செயலுக்குத் தடை விதிக்கப்பட்டுள்ளது. காரணம், மாடிஃபிகேஷன் செய்யப்பட்ட வாகனங்கள் சட்டத்திற்குப் புறம்பான அல்லது விதிமீறல்களில் ஈடுபடும்போது அதனை இனம் கண்டறிவதில் சிக்கல் ஏற்படுகிறது. .

மாற்றியமைக்கப்பட்டிருக்கும் ஃபோர்டு எஃப் 150 பிக்-அப் ட்ரக் உலக நாடுகள் சிலவற்றிலேயே விற்பனைக்குக் கிடைக்கின்றது.

=============================================================================================

நன்றி: https://tamil.drivespark.com/four-wheelers/2021/jaggi-vasudev-converted-ford-f150-pick-up-truck-like-a-mini-home-028003.html -May 25, 2021, 17:54 [IST]

வி.வி.வி.ஐ.பி.ஜோதிடர்!!![ஹி...ஹி...ஹி! கதை]

“ஒரு வாரத்தில் முடிவு அனுப்புவோம்” என்று ‘நேர்முகம்’ போன இடத்தில் சொல்லியிருந்தார்கள். ஆறு நாள் ஏமாற்றத்துடன் கழிந்தது செந்தில் முருகனுக்கு. ஏழாவது நாளான அன்று தபால்காரரை எதிர்பார்த்துக் காத்திருந்தான்.

அவன் கையில் ‘புத்தாண்டு ராசி பலன்கள்-2010’ இருந்தது. தன் ராசிக்குரிய பலன்களில் பார்வையைச் செலுத்தினான்.

‘இந்த ராசி அன்பர்களுக்கு நல்ல காலம் பிறந்துவிட்டது. குரு பகவான் மட்டுமல்லாது ஜீவன ராசிக்காரரான சனி பகவானின் அருட்பார்வையும் இருப்பதால், வேலை இல்லாதவர்களுக்கு நிச்சயம் வேலை கிடைக்கும்’ என்ற நல்ல செய்தியும் அதில் இடம் பெற்றிருந்தது.

திருப்தியுடன் தலையசைத்தான் செந்தில் முருகன். இது அவன் எதிர்பார்த்த பலன்தான். வேலைக்கு விண்ணப்பம் போடும்போதே, ‘ஜோதிட மாமணி’ தட்சிணாமூர்த்தியிடம் அவன் தன் ஜாதகத்தைக் கொடுத்தபோது, அவரும் இதையேதான் சொன்னார்.

தட்சிணாமூர்த்தி சாதாரண ஆளல்ல; ஜோதிட சாஸ்திரத்தைக் கரைத்துக் குடித்தவர்! பெரிய பெரிய ’வி.வி.வி.ஐ.பி’ களுக்கெல்லாம் குடும்ப ஜோதிடர். அவர் சொல்வது நடந்தே தீரும் என்பார்கள். பாண்டவர் காலத்துச் ‘சகாதேவனின் பரம்பரை வாரிசு’ என்றுகூடச் சொல்வார்கள்.

நம்பிக்கையுடன் தபால்காரரின் வருகைக்குக் காத்திருந்தான் செந்தில் முருகன்.

செந்தில் முருகனுக்கு ஜோதிடத்தில் அபார நம்பிக்கை. வேலைக்கு விண்ணப்பம் போடும்போதெல்லாம் ஏதாவது ஒரு ஜோதிடரைப் பார்த்துவிடுவான். அவர் சொல்லுகிற நேரத்தில்தான் விண்ணப்பம் அனுப்புவான். கடந்துபோன ஆண்டுகளில், எத்தனையோ ஜோதிடக்கலை விற்பன்னர்களைச் சந்திக்கும் பாக்கியம் அவனுக்குக் கிடைத்திருக்கிறது. எல்லோருமே அவனுக்கு வேலை கிடைக்கும் என்றுதான் சொன்னார்கள். அவர்கள் வைத்த காலக்கெடுதான் வித்தியாசப்பட்டது.

‘சோதிடச் சக்ரவர்த்தி’ மாமண்டூர் பெரியசாமி, “ஏழாம் இடத்தில் சனி குடிகொண்டிருக்கிறார். ரெண்டு ஆண்டு போகணும். வேலை கிடைச்சுடும்” என்றார். செந்தில் முருகன் பட்டம் பெற்று வேலை தேடத் தொடங்கிய போது நடந்தது இது.

“ஏழாம் இடத்தில் சனி இருந்தாலும் குரு பகவானின் பார்வையும் இருக்கு. எண்ணிப் பத்து மாசத்தில் வேலை வீடு தேடி வரும்”. -இப்படிச் சொன்னவர் ‘ஜோதிட சிரோமணி’ சிவசுப்ரமண்யன். 

“ராகு கேது சாதகமற்ற நிலையில் இருந்ததால் ரொம்பப் பாதகமான நிலை நீடிச்சுது. இப்போ கெடுபலன் முடிஞ்சி விடிவு காலம் வந்துடுத்து. சனியால் வந்த பிரச்சினையும் நிவர்த்தி ஆயிடும். அதிகபட்சம் ஆறு மாசம். சனி பகவானுக்குப் பத்து நாள் எண்ணை தீபம் ஏத்து. அரசாங்க வேலையே கிடைச்சுடும்” என்று கணித்துச் சொன்னவர் ‘ஜோதிடக்கலை ஏந்தல்’ சுந்தரபுரி சுந்தரசாமி அவர்கள்.

இப்படி..... இன்னும் பல ஜோதிடத் திலகங்கள் செந்தில் முருகனின் ஜாதகத்தை அலசி ஆராய்ந்து, வேலை கிடைக்கும் என்றே சொன்னார்கள். "வேலை கிடைக்காவிட்டால் இந்த ஜோதிடத் தொழிலையே விட்டுவிடுகிறேன்” என்று சவால் விட்டுச் சபதம் எடுத்துக் கொண்டவர்களும் உண்டு!

யார் எதைச் சொல்லியும் நேற்றுவரை, பெரிய மனிதர்கள் வரும்போது மட்டும் எழுந்து நின்று 'சல்யூட்' அடித்துவிட்டு, உட்கார்ந்து தூங்கும் ‘நைட் வாட்ச்மேன்’ வேலைகூடக் கிடைக்கவில்லை!

செந்தில் முருகனுக்கு வயது ஏறிக்கொண்டே போனது. அவன் சந்தித்த ஜோதிடர்களின் எண்ணிக்கையும் வளர்ந்து கொண்டே போனது. அன்று வரை அவன் ஜோதிடர்களுக்குக் கொடுத்த காணிக்கையை வைத்து ஒரு மளிகைக் கடையே நடத்தலாம்!

ஆனாலும், அவன் அப்படியெல்லாம் கணக்குப் பார்க்கிற ஆளல்ல. அவன் ஜோதிடத்தை ஒரு ‘தெய்வீகக் கலை’ என்று நம்புகிறவன். ஜோதிடர்கள் கணித்துச் சொல்வது பிசகிப் போனாலும், “என் துரதிர்ஷ்டம், எந்த வேலையும் எனக்குக் கொடுத்து வைக்கல” என்று சொல்வானே தவிர, ஜோதிடர்களையோ ஜோதிடக் கலையையோ ஒரு நாளும் அவன் பழித்துப் பேசியதில்லை.

தபால்காரரை ஆவலுடன் எதிர்பார்த்துக் காத்துக் கொண்டிருந்தான் செந்தில் முருகன். அவனைச் சுற்றி, ‘புத்தாண்டுப் பலன்கள்’, ‘சனிப் பெயர்ச்சிப் பலன்கள்’, ‘குரு பெயர்ச்சிப் பலன்கள்’, என்று விதம் விதமான ராசி பலன் புத்தகங்களும், ‘ஜோதிடக் கலை’, ‘ஜோதிடம் கற்றுக் கொள்ளுங்கள்’, ‘நீங்களும் ஜோதிடர் ஆகலாம்’ என்று வகை வகையான ஜோதிடம் கற்றுத்தரும் புத்தகங்களும் குவிந்தும் இறைந்தும் கிடந்தன.

“சார் போஸ்ட்.”

“தபால்காரர் எறிந்துவிட்டுப் போன கடித உறையைக் கட்டுக்கடங்காத ஆர்வத்துடன் எடுத்துப் பிரித்தான் செந்தில் முருகன்.

வழக்கமான முடிவுதான்! அவன் தேர்ந்தெடுக்கப்படாததை வருத்தத்துடன் தெரிவித்திருந்தார்கள்.

அதற்கப்புறம், வேலைக்கு விண்ணப்பம் போடுவதையும் ஜோதிடம் பார்ப்பதையும் அடியோடு நிறுத்திவிட்டான் செந்தில் முருகன்.

நாட்கள் கழிந்தன.

ஒரு காலை நேரம்.

புறநகர்ப் பகுதியில், பேருந்து நிலையத்தை ஒட்டிய ஒரு காலி மனையில் போடப்பட்ட ஒரு கீற்றுக் கொட்டகையில் செந்தில் முருகன் அமர்ந்திருந்தான்.

அவனுக்கென்று ஒரு மேசையும் நாற்காலியும். மேசைக்கு எதிரே ஐந்தாறு மடக்கு நாற்காலிகள். பக்கவாட்டிலிருந்த சிறிய மர அடுக்கில் புத்தகங்கள். உயரே சாமி படங்கள்.

ஓர் இளைஞர் உள்ளே நுழைந்து மடக்கு நாற்காலியில் அமர்ந்தார். “பட்டம் வாங்கி ரெண்டு வருசத்துக்கு மேல ஆச்சி. வயசும் எறிட்டே போகுது. வேலை கிடைச்சபாடில்ல. பார்த்துச் சொல்லுங்க” என்று தன் ஜாதகத்தைச் செந்தில் முருகனிடம் நீட்டினார்.

அதைப் பிரித்துப் பார்த்துவிட்டு, பேப்பரில் கட்டங்கள் வரைந்து, அவற்றில் கிரகங்களின் இருப்பைக் குறித்து முடித்து ஆராயத் தலைப்பட்டான் செந்தில் முருகன்.

ஆமாம், அவன் இப்போது ஒரு முழு நேர ஜோதிடர்; எதிர்கால வி.வி.வி.ஐ.பி.ஜோதிடர்!

“தம்பி, இந்தப் புத்தாண்டு உங்க வாழ்க்கையில் புதிய திருப்பத்தைக் கொடுக்கும். பத்தில் சனி இருந்தாலும் குரு பார்வை இருக்கு. கவலை வேண்டாம். எண்ணி ஆறு மாசத்தில் வேலை உங்க வீடு தேடி வரும். சனிக் கிழமை தவறாம.....”

செந்தில் முருகன் சொல்லிக்கொண்டு போக, திறந்த வாய் மூடாமல் கேட்டுக் கொண்டிருந்தார் அந்த இளைஞர்.

=============================================================================================

ஆக்கம்: 07.05.2014

'அது'க்கு 'இது' தடையாக இருந்தால்.....!?!

#முட்டைகள் இட்ட பிறகு, அனைத்து முட்டைகளும் உடைந்து மீன் குஞ்சுகள் வெளியே வரும்வரை மீண்டும் இனப்பெருக்கம் செய்வதில்லை சில வகை மீன் இனங்கள். சில நேரங்களில், அனைத்து முட்டைகளும் உடையும் முன்பே தாய்க்கு இனப்பெருக்கம் செய்யும் ஆசை வருவதுண்டு. அம்மாதிரி நேரங்களில் உடையாத முட்டைகளை அதுவே விழுங்கி விடும். முட்டைகள் இல்லாததைக் கண்டு, ஆண் மீன்கள் இனப்பெருக்கம் செய்ய முன்வரும்.

ஒரு சில பறவை இனம், 'கலவி' செய்வதற்கான வாய்ப்பு வரும்போது, தாமே முட்டையிட்டுப் பொறித்த குஞ்சு அதற்குத் தடையாக இருந்தால், அதைக் கொன்றுவிடுவது உண்டு#

[மேற்கண்ட தகவல்கள் சில மாதங்களுக்கு முன்பு படித்தவை[ஆதாரங்களைக் குறித்து வைக்கவில்லை. வருந்துகிறேன்].

முன்பு படித்த இவை, அவ்வப்போது என் நினைவுக்கு வந்துபோவது ஒரு நிகழ்வாகிவிட்டது. இதற்குத் தூண்டுதலாக அமைபவை ஊடகங்களில் வெளிவரும் கணிசமான செய்திகள். அவற்றில் சில.....

*'அவரின் மனைவிக்கு, குன்.....[ஊர்ப் பெயர் தவிர்க்கப்பட்டுள்ளது] உள்ள பிரியாணிக் கடையில் பணியாற்றி வந்த ஒருவருடன் கள்ளக்காதல். இதனால், கணவனுக்கும் மனைவிக்குமிடையே அடிக்கடி சண்டை ஏற்பட்டுள்ளது. கள்ளக்காதலனுடன் சேர்ந்து வாழ்வதற்காகக் குழந்தைகளைக் கொன்றுவிட்டு, 'அபி.....' தப்பிச் சென்றது தெரிய வந்தது' -இது, தினமலரில்[02.09.2018] வெளியான செய்தி.

*'கள்ளக்காதலுக்கு இடையூறாக இருந்ததால் 3 மாதப் பச்சிளம் குழந்தையைக் கழுத்தை அறுத்துக் குப்பை மேட்டில் வீசிய தாயைப் போலீசார் கைது செய்தனர். குழந்தையைக் கொன்றுவிட்டு, யாரோ கடத்திச் சென்றுவிட்டதாக நாடகமாடினார் அந்தத் தாய்' -இது, கோவை மாவட்ட நிகழ்வு. -தினத்தந்தி[14.08.2018].

*'கணவனைப் பிரிந்து தனியாக வசித்து வரும் நிலையில், ஒருவருடன் கள்ள உறவில் அந்தப் பெண் ஈடுபட்டதாகக் கூறப்படுகிறது.

இந்நிலையில் கள்ளக்காதலன் பணிக்குச் சென்ற நிலையில், மற்றொரு கள்ளக்காதலனுடன், இணைந்து அந்தப் பெண் மது அருந்தியுள்ளார். அப்போது மது போதை தலைக்கேறிய நிலையில், யாரும் செய்யத் துணியாத செயலில் அவர் ஈடுபட்டுள்ளார்.

ஏதும் அறியாத அவரின் 4 வயதுப் பெண் குழந்தைக்கு மதுவைக் கட்டாயப்படுத்தி ஊட்டி, கண்ட மேனிக்கு அடித்து உதைத்துக் கொடுமைப்படுத்தியதாகக் கூறப்படுகிறது.'  -https://www.sathiyam.tv/

இப்படியான அதிர்ச்சி தரும் செயல்களில் சில பெண்கள்[ஆண்களும்தான்] ஈடுபடுவது ஆச்சரியப்படத்தக்க நிகழ்வுகள் அல்ல. காரணம், ஒரு காலக்கட்டத்தில் நம் மூதாதையர்கள் 100% விலங்குகளாக வாழ்ந்தவர்கள்.

அதன் விளைவாகத்தான், மீன் இனத்திலும் சில பறவையினத்திலும் இன்றளவும் காணப்படுகிற இந்தப் பலவீனம் சில மனிதர்களிடத்திலும் எஞ்சியிருக்கிறது.

இப்பலவீனம், கொடுந்தொற்றாகப் பரவுமா, முற்றிலும் அழிந்தொழியுமா?' என்னும் கேள்விக்குக் காலம்தான் பதில் சொல்ல வேண்டும்! 

=============================================================================================

எனக்கு இது புதுசு! உங்களுக்கு?

சற்று முன்னர் https://tamil.webdunia.com தளத்தின் மூலம் நான் அறிந்த இந்தச் செய்தி என்னளவில் புதியது. உங்களுக்கு?

"வாசித்தால்தானே தெரியும்" என்கிறீர்களா? ஹி...ஹி...ஹி!

 

[செவ்வாய்க் கோளில் வெற்றிகரமாகத் தரையிறங்கிய சீனாவின் விண்கலம்]

=================================

செய்தி:

பூமியில் உயிர்வாழ்வதற்கான சாத்தியக்கூறுகள் உருவாவதற்கு முன்னரே செவ்வாய்க் கிரகத்தில் உயிர்கள் இருந்திருக்கலாம் என ஆய்வு ஒன்று சுட்டிக்காட்டுகிறது.

இச்செய்தி, இத்தாலியில் நடைபெற்ற 'கோல்ட்ஸ்மிடட்' கலந்தாய்வில் அறிவிக்கப்பட்டுள்ளது. 

இத்தகவலைப் பேராசிரியர் 'ஸ்டீவன் பென்னர்' என்பவர் அளித்துள்ளார்.

பல நூறு கோடி ஆண்டுகளுக்கு முன்பே இது நிகழ்ந்திருத்தல்கூடும். பூமியில் உயிர்கள் தோன்றுவதற்கு முன்னதாகவே, சிகப்புக் கிரகமான செவ்வாய்[இதன் மேற்பரப்பில் காணப்படும் இரும்பு ஆக்சைடு இக்கோளைச் செந்நிறமாகக் காட்டுகிறது]க் கிரகத்தில் உயிர்கள் சிறப்பாக வாழ்ந்திருத்தல் வேண்டும் என்கிறார் பேராசிரியர்.

ஆர்.என்.ஏ., டி.என்.ஏ., புரோட்டீன்கள் ஆகியவை உயிர் வாழ்வதற்கு அவசியமான முதல் மூன்று மூலக்கூறுகள் ஆகும். இதில் உயிர்கள் தோன்றுவதற்கு மிக முக்கியக் காரணமான ஆர்.என்.ஏ. வை உருவாக்குவதற்குத் தேவையான தாதுப்பொருட்கள் பூமியில் முற்காலத்தில் கடலில் கலந்திருந்தாலும், பூமியைவிடவும் செவ்வாய்க் கிரகத்தில்தான் அதிக அளவில் நிறைந்துள்ளதாகத் தெரிவிக்கப்பட்டுள்ளது.

சூரியனிலிருந்து 230 மில்லியன் கிலோ மீற்றர்கள்[மீட்டர்] தொலைவில் (143,000,000 mi) செவ்வாய்க் கிரகம் உள்ளது. இது சூரியனை ஒரு தடவை சுற்றிவர 687 நாட்கள் எடுத்துக்கொள்கிறது. இப்படத்தில் நீல நிறம் பூமியையும், சிவப்பு நிறம் செவ்வாயையும் குறிக்கிறது[விக்கிப்பீடியா].

செவ்வாய்க் கோள்...காணொலி[நன்றி: தினத்தந்தி]:

======================================================================

https://tamil.webdunia.com/article/world-news-in-tamil/

"ஜக்கி வாசுதேவ் தமிழர்களின் முதல் ஆன்மீக எதிரி!?"

கடந்த ஆண்டில்[21.02.2020] தமிழ்நாடு சட்டமன்ற முன்னாள் உறுப்பினர் தனியரசு அவர்கள், 'ஜக்கி வாசுதேவ்' பற்றி அளித்த பேட்டி[காணொலி]:

"ஜக்கி வாசுதேவ் தமிழர்களின் முதல் ஆன்மீக எதிரி..!?" Thaniyarsu MLA | Sivaratri Koottam | Kovai

25,218 பார்வைகள்

•வெளியிடப்பட்டது: 21 பிப்., 2020

1,349

127

பகிர்

சேமி