‘ஜகத்துக்கு[உலகம்] மட்டுமல்லாமல், ‘சத்’[கடவுள்]துக்கும் குருவான ஜக்கியார் மூளை அறுவைக்குப் பின்னர் பூரண குணம் பெற்று வீடு திரும்பினார்’ என்று ஊடகங்கள் செய்தி வெளியிட்டுள்ளன[https://www.tamilmurasu.com.sg/tamilnadu/story20240328-148758].
கோவை வெள்ளியங்கிரி மலை அடிவாரத்தில் உள்ள ஈஷா யோக மையத்தையே தியானம் கற்பிக்கும் இடமாகவும், வாழிடமாகவும் கொண்ட பரமாத்மா ஜக்கி ‘வீடு திரும்பினார்’ என்னும் செய்தி நம்மைப் பெரு மகிழ்ச்சியில் மட்டுமல்லாமல், திகைப்பிலும் ஆழ்த்தியுள்ளது.
அவருக்கென்று தனியே வீடு இல்லாத நிலையில்[வீடு எங்கே உள்ளது என்பதை எந்தவொரு ஊடகமும் வெளியிடவில்லை!] வெளியான இந்தப் பொய்ச் செய்தி, தீராத பெரும் துயருக்கு நம்மை ஆளாக்கியுள்ளது.
மேலும்.....
சிவராத்திரிக் கும்மாளத்தின்போது, தன் காலில் விழுந்த கவர்ச்சிக் கன்னி காஜல் அகர்வாலின் கன்னம் தொட்டு அவரைப் புளகாங்கிதம் அடையச் செய்தாரல்லவா[சமந்தாவைக் கிள்ளியதும் நினைவுகூரத்தக்கது], அந்தக் காஜலா, ரசிகர்களின் கனவுக் கன்னி தமன்னாவா அடுத்த ஈஷா மையத் தலைவர்[தலைவி] யார் என்று கேள்வி எழுப்பி வலையுலக அன்பர்களும் சில ஊடகக் குசும்பர்களும் அலப்பறை செய்துகொண்டிருக்கிறார்கள் என்பதும் அறியத்தக்கது.
இது வாசுதேவனாரின் கௌரவத்திற்கும், புகழுக்கும்[‘பிறவி ஞானி’ என்று போற்றப்படுதல்] இழுக்குச் சேர்ப்பதாக உள்ளது.
இம்மாதிரி வதந்திகள் இனியும் உலா வருவதைத் தடுத்திட மகான் ஜக்கி அவர்கள் உடனடியாக இஷா மையத்திற்கு வருகைபுரிந்து, அவரின் பக்தர்களுக்கு இலவசத் தரிசனம் தந்து, கடல் அளவிலான அவர்களின் கவலையைப் போக்கியருளுதல் வேண்டும் என்பது நம்மைப் போன்றோர் கோரிக்கை.
வாழ்க ஜகதீஸ் வாசுதேவன்! தொடர்க அவரின் ஆன்மிகத் தொண்டு!! வளர்க அவரின் இறைச் சக்தி!!!
* * * * *
https://tamil.filmibeat.com/news/cheyyaru-balu-has-answered-that-the-next-sadguru
-is-tamannaah-and-not-kajal-agarwal-130209.html
