இந்தியாவை ‘இந்தி’யா ஆக்க முயற்சிக்கிறது ஒரு மொழிவெறிக் கும்பல். இன்னொரு மதவெறி பிடித்த குறுமதியாளர் கூட்டம் இந்து ராஜ்ஜியமாகவோ ராமராஜ்ஜியம் ஆகவோ ஆக்குவதற்குத் துடியாய்த் துடிக்கிறது. பிறிதொரு இனவெறிக் கும்பல் இதை ஆரியர் நாடாக்க அயராது பாடுபடுகிறது.
இவர்கள் அனைவரின் ‘உள்நோக்கம்’ திராவிடர்[குறிப்பாகத் தமிழர்] இன உணர்வைக் கொஞ்சம் கொஞ்சமாக மழுங்கடித்து அடியோடு அழித்து ஒழிப்பதுதான்.
’இந்தி’யா ஆக்குவதற்கும் ‘இந்து ராஜ்ஜியம்’ ஆக்குவதற்குமான நடவடிக்கைகள் அவர்களால் விரைவாக மேற்கொள்ளப்பட்டுவரும் நிலையில், ‘ஆரியர் நாடு’ ஆக்குவதற்கான நடவடிக்கை ‘ரவி’ என்னும் நபரைத் தமிழ்நாட்டின் ஆளுநராக அனுப்பித் தொடங்கப்பட்டது.
அவர் தனக்கென ஒதுக்கப்பட்ட ‘திராவிட[தமிழ்] இன ஒழிப்பு’ப் பணிகளை, தமிழ்நாட்டைத் ‘தமிழகம்’ ஆக்கியதில் தொடங்கி நேற்றுவரை பல ‘ஒழிப்பு’ப் பணிகளை[பட்டியலிட்டால் அது நீளும்]ச் சிறப்பாகச் செய்துமுடித்துள்ளார்.
தமிழ்த்தாய் வாழ்த்தில் ‘திராவிடம்’ என்னும் சொல்லை நீக்கியது[கடும் எதிர்ப்புக் கிளம்பியதால் ‘DD தமிழ்’ மன்னிப்புக் கேட்டது. யாரும் கண்டுகொள்ளாமல் இருந்திருந்தால் அழிப்பு வேலை தொடர்வது உறுதி].
ஆக,
வடக்கன்கள் அயராமல் அடாத செயல்களைச் செய்வது, தமிழின[திராவிடம்] உணர்வை முற்றிலுமாய் அழித்தொழித்து ஆரியர் ஆதிக்கத்தைத் தமிழ்நாட்டில் நிலைநாட்டுவதுதான்.
திராவிட இனத்தவரான தமிழர்கள் ஆரியர் ஆதிக்கத்தைத் தடுத்து நிறுத்துவதில் உறுதியாக இருக்கிறார்கள். சகோதரர்களான தெலுங்கர்களும் கன்னடர்களும் மலையாளிகளும் இணைந்து செயல்படுவார்களா, அவர்களின் அடிபணிந்து அடிமைகளா வாழ்வார்களா?!
காலம் பதில் சொல்லும்!