தாடி வளர்ப்பதால் உண்டாகும் பல நன்மைகள் கீழே இடம்பெற்றுள்ளன.
இவற்றிற்கான இந்தப் பட்டியல் வெளியாகியிருப்பது, https://www.penmai.com/ என்னும் தளத்தில்.
இது பெண்களுக்கான தளம் என்பதால்[பெண்கள் பொய் சொல்லமாட்டார்கள்!] நன்மைகள் விளைவது உறுதி என்னும் நம்பிக்கையில், இந்நாள்வரை தாடி வளர்ப்பதில் ஈடுபாடு இல்லாத நான், இன்றே அதை வளர்க்கத் தொடங்கிவிட்டேன் என்பதை மட்டற்ற மகிழ்ச்சியுடன் தெரிவிக்கிறேன்.
* * * * *
நன்மைகள்:
*தாடி வளர்ப்பதன் மூலம் முகம் அசத்தலானதொரு தோற்றத்தைப் பெறுகிறது.
*முக வசீகரம் கூடுகிறது.
*தாடி வளர்ப்பது அறிவாற்றல் திறனையும், தன்னம்பிக்கையையும் மேம்படுத்தும் என்பது ஆய்வில் நிரூபிக்கப்பட்டுள்ளது.
*முகத்தை, சூரியக் கதிர்களில் இருந்து தாடி பாதுகாக்கிறது.
*வயது அதிகரிக்கும்போது முகத்தில் சுருக்கங்கள் விழும். அப்படி விழும் சுருக்கத்தை மறைப்பதற்குத் தாடி உதவுகிறது[அதனால், முகம் இளமையாகவும், சுருக்கம் இல்லாமலும் காட்சியளிப்பதை விரும்பும் கிழங்கள் தாடி வளர்க்கலாம்].
*நன்றாக முகச் சவரம் செய்து முகத்தை மொழுமொழுவென்று வைத்திருக்கும் ஆண்களை விட, தாடி வளர்க்கும் ஆண்களைத்தான் பெண்கள் அதிகம் விரும்புவது ஆய்வில் தெரியவந்துள்ளது.
*சவரம் செய்யும்போது சருமம் எரிச்சலுக்கு உள்ளாவதோடு தடிப்புகளும் தோன்றக்கூடும்.
*தாடி வளர்த்தால் முகப்பருப் பிரச்சினை எட்டிப்பார்க்காது[எனவே, முகப்பரு&சருமப் பிரச்சினைகளால் அவதிப்படுபவர்கள் அவசியம் தாடி வளர்க்க வேண்டும்].
*சவரம் செய்வதால் சருமத்தில் உள்ள துளைகள் திறந்துகொள்ளும். அதனால், சிலருக்குத் முகத் தோலில் வறட்சி ஏற்படும். அதன் மூலம் கோடை, குளிர் காலங்களில் சருமத்தில் உள்ள துளைகள் ஈரப்பதத்தை இழக்கக்கூடும். தொடர்ந்து தாடி வளர்க்கும்போது இவை போன்ற பிரச்சினைகள் ஏற்படா.
***தாடி வளர்ப்பது பெரிய விசயமல்ல. அதனை நேர்த்தியாகப் பராமரிப்பது முக்கியம். பராமரித்தால்தான் தாடியால் முகத்தின் அழகு கூடும்.
