தலீபான் தறுதலைகளுடன் உறவாடித் தாய்க்குலத்தைச் சிறுமைப்படுத்தும் மோடி!!!

ஆப்கானிஸ்தானில் பெண்களின் வேலை, கல்வி மற்றும் பொது வெளியில் அவர்கள் நடமாடுவது தொடர்பான பல தடைகளை தாலிபன்கள் விதித்தனர்.

ஆப்கானிஸ்தான் தலைநகர் காபூல் மற்றும் பிற முக்கிய நகரங்களில் 'உணவு, வேலை, சுதந்திரம்' என உரிமைகளைக் கோரிய அவர்கள் தாலிபன்களால் மிகக் கடுமையாகத் தாக்கப்பட்டனர்.

போராடிய பெண்கள் ‘பிபிசி’யிடம் தாங்கள் தாக்கப்பட்டதாகவும், துஷ்பிரயோகம் செய்யப்பட்டதாகவும், சிறையில் அடைக்கப்பட்டதாகவும், 'கல்லெறிந்து கொல்லப்படுவீர்கள்' என மிரட்டப்பட்டதாகவும் கூறினார்கள்.

2021-ஆம் ஆண்டு, ஆகஸ்ட்15-ஆம் தேதி, ஆப்கானிஸ்தான் தாலிபன்களால் கைப்பற்றப்பட்டதைத் தொடர்ந்து பெண்களின் சுதந்திரத்திற்குக் கட்டுப்பாடுகளை விதிக்கத் தொடங்கினார்கள் அவர்கள்.

போராடிய பெண்களுக்கு எதிரான மிக மோசமான வன்முறை மூடிய கதவுகளுக்குப் பின்னால் நடக்கவில்லை; தலைநகர் காபூலின் தெருக்களில், மக்கள் அனைவரும் பார்க்கும் வகையில் நடந்தது" என்றார் தலிபான் தறுதலைகளின் அட்டூழியங்களால் வெகுவாகப் பாதிக்கப்பட்ட ஓர் இளம் பெண்.

"அவர்கள் கோபமடைந்து, என் தலைமுடியைப் பிடித்து இழுத்தார்கள். பின்னர் என் கைகளையும் கால்களையும் பிடித்து, என்னை அவர்களது வாகனத்தின் பின்புறத்தில் வீசினார்கள்; என்னை ஒரு வேசி என்று திரும்பத் திரும்ப அழைத்தனர். என் கைகளில் விலங்கிட்டு, தலையில் ஒரு கருப்பு பையைக்கொண்டு மூடினார்கள். என்னால் மூச்சுவிட முடியவில்லை. அவர்கள் என்னைப் பல முறை அறைந்ததால் என் முகத்தில் உணர்ச்சியே இல்லாமல்போனது. நான் மிகவும் பயந்திருந்தேன், என் உடல் முழுவதும் நடுங்கியது” என்றார் அவர்களால் கொடூரமாகத் தாக்கப்பட்ட, ஏப்ரல் 2023இல் காபூலில் நடத்தப்பட்ட போராட்டம் கலந்துகொண்ட இன்னொரு பெண்[https://www.bbc.com/tamil/articles/crggpy7ypvzo -பிபிசி ஆப்கன், 17 ஜூன் 2024]

இத்தனைக் கொடூரக் குணமுள்ள ஆப்கன் தலீபான்கள் சார்பாக, அந்நாட்டு வெளியுறவு அமைச்சர் இங்கு வருகைபுரிய, அவரை வரவேற்று விருந்தளிப்பது, ஆப்கன் தூதரகத்தில் நடந்த அமைச்சரின் பத்திரிகையாளர் சந்திப்பில், பெண் பத்திரிகையாளர்களுக்கு அனுமதி வழங்காமல் அவமதித்தது போன்ற தலீபான்களின் அடாவடித்தனங்கள் மோடி அறியாதவை அல்ல[ராகுல் காந்தி அவரைக் கடுமையாகக் கண்டித்திருக்கிறார்[https://www.hindutamil.in/news/tamilnadu/1379434-women-journalists-denied-entry-to-taliban-minister-event-rahul-gandhi-slams-pm.html].

‘நம் எதிரிக்கு எதிரி நமக்கு நண்பர்’ என்பார்கள். உலகிலேயே பெண் இனத்துக்கு எதிராகத் தாம் அறிந்த அத்தனை வன்முறைகளையும் கையாண்டு, வீட்டோடு அவர்களை முடக்குகிற இந்தத் தலிபான்களை நண்பர்களாக்கி நம் நாடு பெறும் பயன் ஏதுமில்லை[பாகிஸ்தான்காரன் நம் பிரதமர் மோடியின் பாதக்கமலங்களின் சரணடைந்துவிட்டான். அவன் எழுந்து நிற்க மிக மிகப் பல ஆண்டுகள் ஆகும். அவனைப் பலவீனப்படுத்தத் தலீபான் உதவி நமக்குத் தேவையில்லை].

இந்த நாட்டின் பிரதமராக நரேந்திர மோடி இனியும் நீடிக்க வேண்டுமா என்பது இம்மண்ணின் மக்கள் அனைவரும் கேட்க வேண்டிய கேள்வி.