அவரைத் தரிசிக்கச் சுற்றுவட்டார மக்கள் வந்தார்களாம். அவர்களுள் 60 வயது மதிக்கத்தக்க ஒரு சூனியக்காரியும் இருந்தாளாம். அவள் பணத்துக்காகப் பணம் தர்றவங்களோட எதிரிகள் மேல, எலுமிச்சம்பழத்தை மந்திரிச்சி ஏவல், சூனியம் எல்லாம் செய்யுறவளாம்.
அவள் சூனியக்காரிங்கிறது அங்கிருந்த மத்தவாளுக்குத் தெரியலையாம்.
ஆனா, நம்ம பெரியவா பெரிய மாகானல்லவோ, அவள் சூனியக்காரிங்கிறதையும், தனக்கே சூனியம் வைக்க வந்தவள்ங்கிறதையும் 'ஞானக் கண்'ணால் தெரிஞ்சுண்டாராம். ஆனா, தெரிஞ்ச மாதிரி காட்டிக்கலையாம்.
"பெரியவா, நான் இப்போதான் முதன் முதலா உங்களைத் தரிசிக்க வந்தேன்"னு சூனியக்காரி சொன்னாள். அதுக்குப் பெரியவா, "நீ வர்றேங்குறது தெரியும்; எதுக்கு வந்திருக்கேங்குறதும் தெரியும்"னு சொன்னதோட, அவளுக்கு நூறு எலுமிச்சம் பழமும் கொடுத்தார்.
தான் வந்த நோக்கத்தை யாரும் சொல்லாமலே[வழக்கமா, தரிசணம் பண்ண வர்றவங்களோட குறையை அவங்க சொல்லாமலே தெரிஞ்சி, அதை நிவர்த்தி செய்வது பெரியவா வழக்கம். இது எப்படிச் சாதியமாச்சுன்னு கேட்டுடாதீங்க. மகானை நிந்திச்ச பாவம் உங்களைச் சேரும். ஜாக்கிறதை!] பெரியவா கண்டுபிடிச்சதை நினைச்சிப் பயந்துபோனாள் அந்தச் சூனியக்காரி.
கதறி அழுது, மகாப் பெரியவாகிட்டே மன்னிப்புக் கேட்டாள். பெரியவாவும் அவளை மன்னிச்சி ஆசீர்வாதம் பண்ணி அனுப்பினார்.
"ரொம்ப நல்லவரான பெரியவாவுக்குச் சூனியம் வைக்கத் தூண்டினது யாரு? ஏன் தூண்டினாங்க? இவரைப் பத்திச் சூனியக்காரிக்குத் தெரியாதா?" என்கிற மாதிரியெல்லாம் கேள்வி கேட்டுடாதீங்க.
மறைந்த பெரியவாவுக்குப் பெருமை சேர்க்கிறதா நினைச்சுண்டு இப்படியான 'ஓட்டை உடைசல்' கதைகளை வாராவாரம் 'குமுதம்' வார இதழ்க்காரங்க எழுதிட்டு வர்றாங்க.
தவறாம படிங்க. உங்களுக்குப் புண்ணியம் சேரும். ஏடாகூடமா கேள்வியெல்லாம் கேட்டா நரகத்துக்குப் போவீங்க! உஷார்!!
https://www.kumudam.com/magazines/open_magazine/547