அதன் அங்கம்தான் ஆன்லைன் கல்வி, நீட் தேர்வு, புதிய கல்விக் கொள்கை போன்றவை எல்லாம். ஆகையால், இதனை['நீட்'] ஒருபோதும் ரத்து செய்யப் பாஜக அனுமதிக்காது. அதன் ஊதுகுழலாக இருக்கும் நீதித் துறையும் வழக்கைக் காயப் போட்டு, மாணவர்களின் கழுத்தைக் கச்சிதமாக அறுக்கும் சூட்சுமம் தெரிந்து செயல்படும்.
எனவே, தற்போதைய தமிழக அரசு, சட்டமன்றத்தில் தீர்மானம் நிறைவேற்றினாலும், அவசரச் சட்டம் கொண்டு வந்தாலும் மத்திய அரசின் ஒப்புதல், கவர்னர் ஒப்புதல், ஜனாதிபதி ஒப்புதல் என இழுத்தடித்து அதனை இன்னும் பல பத்தாண்டுகளுக்குச் சாத்தியமற்றதாகப் பாஜக மாற்றிவிடும் என்பது உறுதி.
இந்தி எதிர்ப்புப் போராட்டத்தைப் போல தமிழகம் தழுவிய அளவில் மாணவர்களின் எழுச்சி நடந்தால் மட்டுமே மக்கள் போராட்டத்தின் நெருக்கடியில் மத்திய அரசும், நீதிமன்றமும் பணிந்து வர வாய்ப்புள்ளது.
அப்படி இந்தி எதிர்ப்புப் போராட்டத்தைப் போல, தமிழகத்தை மாணவர்களின் போராட்டக் களமாக மாற மு.க.ஸ்டாலின் அனுமதித்து, தமிழ்நாடு மாநிலத்தின் கல்வி உரிமையை மீட்டுத் தருவார் என்று எண்ணுவதெல்லாம் பகல்கனவுதான்.
ஸ்டெர்லைட், ஜல்லிக்கட்டு போன்ற பிரச்சனைகளில் மக்களின் போராட்டங்களுக்கு மத்திய அரசு எப்படி அடிபணிந்ததோ, அப்படிப்பட்ட மக்கள் போராட்டங்களைத் தட்டியெழுப்புவதன் மூலம்தான் நீட் தேர்வை ரத்து செய்ய முடியும். மாநில உரிமையையும் மீட்க முடியும். அது மாணவர்கள், இளைஞர்களின் எழுச்சியால்தான் சாத்தியமாகும்!#
நன்றி: 'வினவு' https://www.vinavu.com/2021/06/01/neet-exam-relying-tn-government-not-the-solution-struggle-the-solution/