*மாணவர்களுக்குத் தரமான கல்வியை அளிக்கவும், மருத்துவப் படிப்பில் சேர்வதற்கான 'தரம்' மிகுந்த தேர்வு முறையைக் கையாள்வதற்கும் உரிய பரிந்துரைகளை மாநில அரசிடம் வழங்குவதற்கு, கற்றுத் தேர்ந்த சிறந்த கல்வியாளர்கள் இந்த மாநிலத்தில்[தமிழ்நாடு] இல்லையா?
**இருக்கிறார்கள். உண்மை இதுவாக இருக்க, நடுவணரசு உருவாக்கிய, 'நீட்' என்னும் 'வெறும் மூன்று மணி' நேரத் தேர்வின் மூலம் மாணவர்களின் தகுதியை எடைபோடுவது அறிவுடைமை அல்ல.
*+2 மதிப்பெண் மூலம் தமிழ்நாடு அரசு மாணவர்களைத் தேர்வு செய்ததில்['நீட்' திணிப்புக்கு முன்பு] என்ன குறை நடுவணரசால் கண்டறியப்பட்டது?
**எதுவும் இல்லை. அப்புறம் எதற்கு இந்த 'நீட்' தேர்வு?
*மாநிலங்களின் எந்தவொரு எதிர்ப்பையும் அடக்கி ஒடுக்கிவிடும் பலம் தன்னிடம் இருப்பதால், குறைந்த அளவிலான மாநிலங்களின் அதிகாரங்களை ஒவ்வொன்றாகப் பறித்துக்கொண்டிருக்கும் மத்திய அரசின் 'உள்நோக்கம்' என்ன?
**மாநில அரசுகளை வெறும் 'பொம்மை' அரசுகளாக ஆக்குவதும், இந்தி, சமஸ்கிருதம், பகுத்தறிவுக்குப் புறம்பான மூடநம்பிக்கைகள் போன்றவற்றைத் திணிப்பதும்தான்.
*'அதிகாரப் பறிப்பு' இனியும் தொடர்ந்தால்.....
**இந்தியத் தேசிய 'ஒருமைப்பாடு' கேள்விக்குரிய ஒன்றாக ஆகிவிடக்கூடும் என்று எச்சரிப்பது, இந்த நாட்டிலுள்ள ஒவ்வொரு உண்மைக் குடிமகனின் கடமையாகும்!
நாமக்கல், உண்மைக் குடிமகன்
21.06.2021. முனைவர்ப.பரமசிவம்,
கல்லூரிப் பேராசிரியர்[ஓய்வு]
* * *
[இந்தப் பதிவு, என் முகவரியும் 'பேசி' எண்ணும் இணைக்கப்பட்டு, மின்னஞ்சல் மூலம் 'நீட்' குறித்த ஆய்வுக் குழுவுக்கு அனுப்பப்பட்டுள்ளது ]
====================================================================================
'நீட்' குறித்துக் கருத்து அனுப்புதற்குரிய முகவரி: