ஜகஜாலக் கடவுள் ஜக்கி வாசுதேவ்!!!

'யோகா' பயிற்சியைத் தொடங்குவதற்கு முன்னால் ஜக்கி வாசுதேவின் பெரிய படத்தை வைத்து, அரை மணி நேரம் பூஜை செய்வார்களாம் சீடர்கள்.

முதலில் 8000 ரூபாய் கட்டணமாக வாங்கிக்கொள்வார்கள். இரண்டு நாட்கள் பயிற்சியைச் சொல்லித் தந்துவிட்டு, மூன்றாம் நாளில் ஜக்கி சாமிக்குப் பூஜை செய்து முடித்துவிட்டுத்தான் முக்கிய யோகா பயிற்சியைத் தொடங்குவார்கள்.

மற்ற நேரங்களிலும் கடவுளின் குருவான[சத்குரு] ஜக்கிக்குப் பூஜைகள் நடைபெறுவதுண்டு.

[வெறும் யோகா பயிற்சிகளை மட்டும் சொல்லித் தந்தால், ஜக்கியின் சாம்ராஜ்யம் இப்படி விரிவடைந்திருக்காது அல்லவா?!]

இதற்குப் பிறகு, உருத்திராட்ச மாலை அணிவதால் ஏற்படும் பயன்கள் என்னென்ன என்று சொல்லி விட்டு, "இந்த உருத்திராட்ச மாலைகள் வெளியில் கிடைக்காது" என்று சொல்லுவார்கள்.  வகுப்பு முடிந்ததும் பார்த்தால் 1000 ரூபாய் முதல் 1500 ரூபாய்வரை விலையுள்ள உருத்திராட்ச மாலைகள் விற்பனைக்கு வைக்கப்பட்டிருக்கும். 

அதற்கு அடுத்தபடியாக, வகுப்பு முடிந்ததும் சத்துமாவுக் கஞ்சி தயாரித்து அருந்துவதற்குத் தருவார்கள்.  தரும்போதே, இந்தச் சத்துமாவு ஈஷா மையத்தால் தயாரிக்கப்பட்டு விற்பனைக்கு உள்ளது என்றும் கூறுவார்கள்.  

நான்கு நாட்கள் வகுப்பு முடித்தவர்களிடம் அவர்கள் பெற்ற அனுபவங்களைக் கூறச் சொல்லுவார்கள். 

வகுப்பிற்கு வந்தவர்களும்,  "அனைவர் மீதும் அன்பு செலுத்துகிறேன்; சிகரெட் பிடிப்பதைக் குறைத்திருக்கிறேன்; மனைவியோடு சண்டை போடுவதில்லை" என்றெல்லாம்  ஜக்கியைப் புகழ்ந்துதள்ளுவார்கள்.

ஆனால், பேசுறவன் பூரா கிறிஸ்துவ மதமாற்றப் பேர்வழிகள் போல, செட்டப் செல்லாப்பாக்கள்தான். 

எல்லாவற்றையும் படம் பிடிப்பார்கள். வீடியோ விற்பனை அனல் பறக்கும்.

'ஈஷா மையம், ஏழைகளுக்கு நலத்திட்ட உதவிகளைச் செய்கிறது' என்று கூறுவார்கள்.  'இலவச மருத்துவமனைகள் நடத்துகிறார் சத்குரு' என்பார்கள். இந்த யோகப் பயிற்சியின் பலன்களை உலகெங்கும் கொண்டுசெல்ல வேண்டும் என்று மூளைச் சலவை செய்து அடிமைத்தனத்தையும், போதையையும் திணிப்பார்கள். இந்தப் போதைக்கு அடிமையானவர்களின் வாழ்வு அதோகதிதான்.

தன்னை  மறக்கும்  ஊக்கமருந்துகள்  அவர்களுக்குத்  தயாராக  இருக்கும், 

இங்கு சேர்ந்த  நபர்கள்  பெத்த  அப்பன்  ஆத்தாளைக்கூட  ஓடிப் போய்டுங்கன்னு  சொல்லிட்டு,  சத்குரு  இன்னொரு  விமானம்  வாங்குவதற்காகத்  தேனீக்கள்  போல உழைப்பார்கள், 

அடிமைகூட,  தான்  அடிமை  என்று தெரிந்து  உழைப்பான்.  இவர்கள் தாங்கள் அடிமைகள் ஆக்கப்பட்டது தெரியாமலே ஜக்கிக்காகக் காலமெல்லாம் பாடுபடுவதே புண்ணியம் என்று நம்புபவர்கள்.

ஒரு நாள் உணவைத் தியாகம் செய்து நன்கொடை தாருங்கள் என்று வற்புறுத்தும் ஜக்கி வைத்திருக்கும் ஹம்மர் வாகனத்தின் விலை என்ன தெரியுமா ?  ஒரு கோடியைத் தாண்டும்!  

இவர் சொந்தமாக வைத்திருக்கும் R22 வகை ஹெலிகாப்டரின் விலை என்ன தெரியுமா ?  14 கோடி. இதுக்கு மெயிண்டனன்ஸ் வருசத்துக்கு 15 லட்சம்!!

'ஜகஜாலக் கில்லாடி' என்றால் எல்லோருக்கும் தெரியும். இந்த ஜக்கி அப்படிப்பட்டவர்தான் என்பது எத்தனை பேருக்குத் தெரியும்?!

                                                  படங்கள் உதவி: கூகுள்

தொடர்புடைய காணொலி:

                  

=============================================================

நன்றி: 

http://periyarkuthoosigurusamy.blogspot.com/2018/05/    -at May 18, 2018 

===============================================================================