நாட்டின் பல்வேறு பகுதிகளில் வசித்துவந்த அந்த மனிதர்களின் அனுபவங்களில் முக்கியமாக ஒன்பது அம்சங்கள் ஒன்றுபட்டதை அவர் தனது நூலில் வியப்புடன் கூறுகின்றார்' என்னும் குறிப்புடனான இந்தக் கட்டுரை 'தினபூமி'யில் வெளியானது.
அந்த 09 அம்சங்கள்:
2) உடலை விட்டு வெளியேறிய அனுபவம்: கிட்டத்தட்ட அனைவருமே தங்கள் உடலைப் பிரிந்து அந்தரத்தில் மிதப்பது போல உணர்ந்ததாகத் தெரிவித்தார்கள்[நடப்பது போலவோ ஓடுவது போலவோ உணரவில்லையா?]. மருத்துவர்கள் சூழ நின்ற தங்களது உடலைத் தெளிவாகப் பார்க்க முடிந்ததாகத் தெரிவித்தார்கள்.
3)அமைதியும் வலியின்மையும்: மரண சமயத்தில் எத்தனை வலி இருந்தாலும் உடலை விட்டு ஆவி பிரியும் அந்தக் கணத்தில் உருவான வலி மறைந்துவிடுவதோடு[ஆசை... பேராசை!] பேரமைதி கிடைப்பதாகவும் தெரிவித்தனர்.
4) சுரங்க வழிப்பாதை அனுபவம்: பலரும் கடுமையான இருட்டில் ஒர் சுரங்க வழிப்பாதை வழியாக மின்னல் வேகத்தில் இழுக்கப்பட்டதாகவும் அந்தச் சுரங்க வழிப்பாதையின் முடிவில் பளிச்சிடும் பொன்னிற அல்லது வெள்ளை நிற ஒளியை நோக்கிச் சென்றதாகவும் குறிப்பிட்டார்கள்.
5)பூமியைப் பார்த்தல்: சிலர் சுரங்க வழிப்பாதையில் இழுத்துச் செல்லப்படாமல் மேல் நோக்கிச் சொர்க்கம்[நரகமாகவும் இருக்கலாமே!] போன்ற இடத்திற்கு வேகமாகப் போவதாய் உணர்ந்ததாகவும், பூமியை விட்டும் வெளியே போய், பூமியானது அண்ட சராசரத்தில் ஜொலிப்பதைப் பார்த்ததாகவும் சொன்னார்கள்.
6)ஒளி மனிதர்களைக் காணுதல்: சுரங்க வழிப்பாதையின் இறுதியில், பூமியை விட்டும் விலகிப்போன சொர்க்க பூமியில் ஒளி வெள்ளத்தில் ஜொலிக்கும் மனிதர்களைக் கண்டதாகச் சொல்லியிருக்கின்றனர். சில சமயங்களில் முன்பே இறந்துபோயிருந்த ஒரு சில நண்பர்களையும்[நண்பிகள் இல்லையா?!], நெருங்கிய உறவினர்களையும் அங்கு பார்த்ததாகச் சிலர் கூறியிருக்கின்றனர்.
7) அருட் பெரும் ஜோதியைக் காணுதல்: ஒளி படைத்த மனிதர்களைக் கண்ட பிறகு வார்த்தைகளால் வர்ணிக்க முடியாத பிரகாசமான தெய்வீகப் பிறவியைப்[அது தெய்வீகப் பிறவி என்பதை எப்படி அறிந்தார்கள்? இதற்கு முன்பு அதைப் பார்த்தவர்கள் உண்டா?] பலரும் கூறியிருக்கின்றனர். இருந்தும் அப்பேரொளி கண்களைக் கூசும் படியானதாக இருக்கவில்லையாம் (புறக்கண்ணால் பார்க்கும்போது மட்டுமே கண்கள் கூசும். அந்தக் கண்களின்[?] உதவியின்றி அந்த ஒளியைப் பார்த்ததால் கூசுவதற்கு வாய்ப்பில்லை என்பது பெரும்பாலானோர் அறிவுக்கு எட்டவில்லை என்கிறார் இன்னொரு ஆராய்ச்சியாளர்.
8)வாழ்ந்த வாழ்க்கையைப் பரிசீலித்தல்: அந்தத் தெய்வீகச் சக்திக்கு முன்னால் தங்கள் வாழ்க்கை பரிசீலிக்கப்பட்டதாகவும் வாழ்க்கையின் மிக முக்கியக் கட்டங்கள் திரும்பவும் நடப்பதாக ஒரு சாட்சி போல், திரையில் காணக் கூடியதாகவும் அமைந்ததாம்.
9)வாழ்க்கை இனியும் முடிந்து விடவில்லை என தெரிவிக்கப்படல்: அந்த தெய்வீகப் பேரொளியுள்ள தேவதையோ, தெய்வமோ வாழ்க்கை இன்னமும் முடிந்துவிடவில்லை[இது உண்மை எனில் மனிதர்கள் கொடுத்துவைத்தவர்கள்] என்று தெரிவித்தது போல் கிட்டத்தட்ட அனைவரும் கூறியிருக்கின்றனர். திரும்பிப் போகும்படிக் கூறப்பட்டதாகச் சிலரும், தாங்கள் செய்ய வேண்டிய முக்கியக் காரியங்கள் இனியும் உள்ளன என்று தாங்கள் அந்த நேரத்தில் தீவிரமாக எண்ணியதாகச் சிலரும் தெரிவித்திருக்கின்றனர்.
* * *
மூடியால் நேர்காணல் செய்யப்பட்டவர்கள் சொல்வதையெல்லாம் முழுமையாக நம்பலாமா?
நம்பலாம், உண்மையிலேயே செத்துப்போன ஒருவர் பிழைத்தெழ முடியும் என்பது அறிவியல் ரீதியாக நிரூபிக்கப்படும்போது.
ஆய்வுக்கு உட்படுத்தப்பட்ட 150 பேரும் உண்மையில் செத்துப்போனவர்கள் அல்ல; செத்துப்போனதாக நம்பப்படுபவர்கள்.
எனவே, டாக்டர் ரேமண்ட் மூடி தந்துள்ள தகவல்கள் முற்றிலும் ஆதாரமற்றவை. எனினும், மரணத்திற்குப் பின்னரான நிலை குறித்து ஆராய்ந்து அறியும் மூடியின் ஆர்வமும், கடின உழைப்பும் பாராட்டுக்குரியவை ஆகும்.
முக்கியக் குறிப்பு:
நம்மவர்களை மிஞ்சும் 'புருடா மன்னர்கள்' அயல் நாடுகளில் இருக்கிறார்கள் என்பதை இந்த ஆய்வுக் கட்டுரை உறுதிப்படுத்துகிறது!
========================================================================== http://www.thinaboomi.com/2017/05/02/what-happens-after-death-scientific-information-71016.html