கடந்த பல மாதங்களாக, தமிழ்மணம் என் பதிவுகளை நிராகரித்து வருகிறது. பலமுறை முயன்றும்கூட இணைப்பு சாத்தியம் ஆகவில்லை.
நிராகரிப்புக்கான காரணத்தை அறிவிக்கும் பழக்கம் தமிழ்மணத்துக்கு இல்லை.
தமிழுக்கு 'விளம்பரம்' வழங்கப்பட்ட பிறகு, ஏதேதோ பெயர்களில் எதையெதையோ எழுதிச்[சிறப்பாக எழுதுபவர்கள் உண்டு] சிலர் சம்பாதிக்க ஆரம்பித்துவிட்டார்கள். தமிழ் எழுதத் தெரியாதவர்கள்[பிழைகள் நேர்வது இயல்பு. பிழையுடன் எழுதுபவர்களை நான் குறை சொல்லவில்லை] எல்லாம் எதைஎதையோ கிறுக்குகிறார்கள். தமிழ்மணம் இணைத்துக்கொள்கிறது.
முற்றிலும் ஆங்கிலத்திலேயே(?) ஒருவர் தொடர்ந்து பதிவுகள் எழுதித் தமிழ்மணத்தில் இணைக்கிறார்.
நான் எழுதிய...எழுதும் பதிவுகளில் கணிசமானவை மூடநம்பிக்கைகளைச் சாடுபவை; பல மனிதாபிமானம் போற்றுபவை; பகுத்தறிவை முறையாகப் பயன்படுத்தத் தூண்டுபவை; தனிப்பட்ட எவருடைய மனதையும் நோகடிப்பவை அல்ல. இருந்தும்.....
தமிழ்மணம் என் பதிவுகளை அலட்சியப்படுத்துகிறது. இயன்றவரை தமிழைச் சிறப்பிக்கும் வகையில் பதிவுகள் எழுதிய/எழுதும் என்னை அவமானப்படுத்துகிறது[பின்னணியில், தமிழுக்கும் தமிழருக்கும் எதிராகச் செயல்படுபவர்கள் இல்லாமலிருந்தால் மகிழ்ச்சி].
எத்தனை சிந்தித்தும் இதற்கான காரணத்தை/காரணங்களை என்னால் கண்டறிய இயலவில்லை.
கடந்த பல ஆண்டுகளாகத் தமிழ்மணம் தந்த ஆதரவை நன்றியுடன் நினைவுகூரும் நான் தன்மானம் உள்ளவன். இனியேனும் என் பதிவுகளைத் தமிழ்மணம் ஏற்கவேண்டும் என்பதற்காக இந்தக் கருத்துரையைப் பதிவு செய்யவில்லை.
தமிழ்மணத்தின் 'போக்கு' குறித்துத் தமிழ்ப் பதிவர்கள்[இந்த என் தளத்திற்கு வருகை புரிபவர்கள் தினசரி 40 - 50 மட்டும்] சிந்திக்க வேண்டும் என்பது மட்டுமே நோக்கமாகும்.
நன்றி.
==================================================================================
கருத்துகள் இல்லை:
கருத்துரையிடுக