//யானைக்கு பழம் கொடுக்க வந்தபோது பாகன் உதயா மற்றும் அவருடன் வந்தவரைக் கோயில் யானை மிதித்தது. இதில் படுகாயம் அடைந்த இருவரும் உடனடியாக மருத்துவமனையில் அனுமதிகப்பட்டு உயிரிழந்தார்கள்// என்பது ஊடகங்கள் பலவற்றிலும் சில மணி நேரங்களுக்கு முன்பு வெளியான செய்தி.
பகுத்தறிவாளர்கள் மட்டுமல்லாமல் பக்தர்களும் மிகக் கடும் அதிர்ச்சிக்கு உள்ளாகியிருக்கும் நிலையில், கோயில் நிர்வாகிகளுக்கு நாம் செய்யும் பரிந்துரை, அல்ல அல்ல, அறிவுரை.....
யானை ஒரு 100% மிருகம். பெரும்பாலான நேரங்களில் இயல்பாக அமைந்த பயந்த சுபாவம் காரணமாகப் பாகன்கள் பழக்கியபடி நடந்துகொள்கிறதே தவிர, அது 100% ஒரு மிருகமே.
அந்த மிருகத்திற்குரிய மூர்க்கக் குணம் அதன் மனநிலை மாற்றம்[பாகன்களால் அறியப்படாதது] காரணமாக எப்போதாவது வெளிப்படுவதுண்டு.
கொஞ்சம் சிந்தித்தாலே புரிகிற இந்த உண்மை கோயிலை நிர்வகிப்போருக்குப் புரியாமல்போனதால், அவ்வப்போது கோயில் யானைகளால் மனிதர்கள் உயிரிழக்கும் பரிதாபம் நிகழ்கிறது.
இனியேனும், எம்மைப் போல அறிவுரை பகர்வோரின் வாயை, “இவன் நாத்திகன்; இந்து மதத்தின் எதிரி” என்றெல்லாம் இகழ்ந்து பேசி அடைக்காதீர்கள்.
அவர்கள்[உதயா+1] சாவுக்கு ‘விதி, பாவபுண்ணியம்’ காரணம் என்று சப்பைக்கட்டுக் கட்டாதீர்கள்.
திருந்துங்கள்; மறந்தும் கோயில் வளாகங்களில் யானை வளர்ப்பதைத் தவிருங்கள்.
யானை ஒரு மிருகம்! மிருகமே!!
* * * * *