அண்ணா பல்கலை. மாணவி வன்கொடுமைக்கு உள்ளான அசம்பாவிதம் பெரும் பரபரப்பை ஏற்படுத்தியுள்ள நிலையில், பிரபல நடிகரும், ‘த.வெ.க.’ தலைவருமான ‘விஜய்’, தமிழ்நாட்டுப் பெண்களுக்குக் கீழ்க்காணுமாறு கடிதம் எழுதியுள்ளார் என்பது செய்தி.
#அன்புத் தங்கைகளே, கல்வி வளாகம் முதற்கொண்டு ஒவ்வொரு நாளும் தமிழகத்தில் தாய்மார்கள், என்னருமைத் தங்கைகள், பெண் குழந்தைகள் என அனைத்துத் தரப்புப் பெண்களுக்கும் எதிராக நடக்கும் பல்வேறு பாலியல் வன்கொடுமைகளைக் கண்டு, உங்கள் அண்ணனான நான் மன அழுத்தத்திற்கும் சொல்ல முடியாத வேதனைக்கும் ஆளாகியுள்ளேன்.....
யாரிடம் உங்களுக்கான பாதுகாப்பைக் கேட்பது? நம்மை ஆளும் ஆட்சியாளர்களிடம் எத்தனை முறை கேட்டாலும் எந்தப் பயனுமில்லை என்பது தெரிந்ததே. அதனாலேயே இக்கடிதம்.....
எல்லாச் சூழல்களிலும் நிச்சயமாக உங்களுக்கு உறுதுணையாக நிற்பேன், அண்ணனாகவும் அரணாகவும். எனவே எதைப் பற்றியும் கவலை கொள்ளாமல் கல்வியில் கவனம் செலுத்துங்கள். பாதுகாப்பான தமிழகத்தைப் படைத்தே தீருவோம்#
நடிகரின் நல்ல உள்ளம் நம்மைப் பெரு மகிழ்ச்சியில் ஆழ்த்துகிறது. ஆனாலும், இன்றுள்ள எதார்த்த நிலையை நடிகர் விஜய்க்கு அறியச் செய்வது நம் கடமை.
தலைவரே,
அங்கிங்கெனாதபடி அத்தனை அரசியல் கட்சிகளிலும்[த.வெ.க. உட்பட?] இரண்டறக் கலந்திருக்கிறார்கள் ரவுடிகள்[பொருத்தமான தமிழ்ச் சொல் கிடைக்கவில்லை].
அவர்களை அடையாளம் கண்டு[இயன்றவரை] அரசியல் களத்திருந்து அகற்றுவதோடு, உரிய தண்டனைகள் பெற்றுத்தந்து தாய்க்குலத்துக்கு முழுப் பாதுகாப்பு வழங்குவது காவல்துறையைத் தன்வசம் வைத்துள்ள தமிழ்நாடு அரசுக்கு மட்டுமே சாத்தியப்படும்.
நிலைமை இதுவாக இருக்க, எந்த நம்பிக்கையில் நம் பெண்களுக்குப் பாதுகாப்பு வழங்குவதாக உறுதியளித்தீர் என்பது புரியவில்லை.
உம் கட்சித் தொண்டர்களையே பாதுகாப்புப் படை வீரர்களாகப் பயன்படுத்துவீரா?[அத்தனைப் பேரும் யோக்கியர்களா?] அதன் பின்விளைவுகள் நன்மை தருவதாகவே அமையுமா?
கயவர்களால் வன்கொடுமைக்கு உள்ளாக நேரிடும் ஒரு பெண்ணோ, பெண்களோ உம்மிடம் முறையிட்டால், இன்னொரு கிருஷ்ண பரமார்த்மாவாக, தொண்டர் படையுடன் ஓடோடிப்போய் நீர் அபயக்கரம் நீட்டுவீரா?
வெற்று வாய்ச்சவடால் வேண்டாம்.
‘தில்’ இருந்தால்.....
லட்சக்கணக்கான உம்முடைய தொண்டர்களை ஏவி, எங்கெல்லாமோ ரவுடிகள் இருப்பினும், அவர்களையெல்லாம் கண்டுபிடித்து, ஒரு பட்டியல் தயார் செய்து, “வாழ்க எங்கள் தலைவர் விஜய்!” என்று முழக்கமிட்டவாறு தொண்டர்கள் புடைசூழ, ஆளுநர் ஆர்.என்.ரவியைச் சந்தித்து[ஸ்டாலின் மீது நம்பிக்கை இல்லாததால்]ப் பட்டியலைச் சமர்ப்பித்து, பட்டியலிலுள்ள அத்தனை ரவுடிகளுக்கும் அவரவருக்குரிய தண்டனையைப் பெற்றுத்தருமாறு கோரிக்கை வைக்கலாம்.
இது, ஆளும் தி.மு.க. உட்பட எந்தவொரு அரசியல் கட்சியும் செய்யாத அரும்பணியாக அமையும்.
அடுத்துவரும் தேர்தலில் நம் மக்கள் உம்மை ஆட்சிக் கட்டிலில் அமர வைப்பார்கள்.
கிஞ்சித்தும் அறநெறி பிறழாத உம்முடைய ஆட்சி கண்டு ஒட்டுமொத்த உலகமும் உம்மைப் பாராட்டும்; வாழ்த்தும்.
செய்வீரா நடிகரே, அல்ல, தமிழ்நாட்டின் முதலமைச்சர் ஆகவிருக்குக் தலைவரே?
இந்தப் புண்ணியப் ’பாரத்’இல் தெரு நாய்கள் இல்லாத ஊரே இல்லை.
அவ்வப்போது சின்னஞ்சிறுசுகளைக் கடித்து வைப்பதோடு, கடுவனும் பெட்டையும் கலவியில் ஈடுபட்டுச் சிறுவர்களிடம் கல்லடிபடுவதும் நம் கண்களில் படும் நிகழ்ச்சிதான்.
தணியாத தாபத்துடன் சில ஆண் நாய்கள் அவற்றைச் சூழ்ந்துகொண்டு அல்லாடுவதும், அதுகளில் முன்னனுபவமும் முரட்டுக் குணமும் உள்ள ‘வஸ்தாது’[இருந்தால்] தாக்குதல் நடத்திக் கடுவனை விரட்டியடித்துப் பெட்டையுடன் புணர்ச்சி செய்வதும் உண்டு.
மனிதர்களும் தெரு நாய்களைப் போல வாழ்ந்த மிருகங்கள்தான்.
ஒருவன் ஒருத்தியுடன் கருத்தொருமித்துக் கலவியில் ஈடுபடும்போது, அவனினும் வலியவன் அவனை வீழ்த்தித் தன் வெறி தணித்துக்கொண்டதெல்லாம் வரலாறு.
ஆறறிவு வாய்த்த பிறகு கொஞ்சம் கொஞ்சமாய் மனம் பக்குவப்பட்டபோது உருவான சமூக அமைப்பில், அடுத்தவனின் அந்தரங்கச் சுகத்தைத் தட்டிப் பறிப்பது குற்றம் என்பது போன்ற கட்டுப்பாடுகள் விதிக்கப்பட்டன.
ஆயினும் என்ன, காட்டுமிராண்டிக் குணங்களிலிருந்து மனிதர்கள் முற்றிலும் விடுபடாததால்.....
பொது இடங்களில், கட்டிய கணவன் உடனிருக்கும்போதே, அவனை அடித்து வீழ்த்திப் பெண்ணைக் கடத்திச்சென்று வன்புணர்வு செய்யும் அட்டூழியங்கள் இன்றளவும் தொடர்கின்றன.
கணவனுடன் கொஞ்சல் குலாவுதல் செய்யாத பெண்களுக்கே இந்தக் கதி என்றால், கடற்கரை மணல் பரப்புகளிலும், பூங்காக்களின் ஒதுக்குப்புறங்களிலும், ஆற்றங்கரைப் புதர் மறைவிலும் நகர்ப்புற மக்கள் நடமாட்டம் இல்லாத தெருக்கோடிகளிலும் காதலனுடன் காமக்களியாட்டங்களில் ஈடுபடும் பெண்கள் கயவர்களால் வன்கொடுமைகளுக்கு உள்ளாவது அவ்வப்போதைய நிகழ்வாகிப்போனதில் ஆச்சரியப்பட ஏதுமில்லை.
பகலோ இரவோ, பொது இடமோ மறைவிடமோ ஆணும் பெண்ணும் இணைந்து, சுதந்திரமாகக் காதல் பண்ணுவதற்கு[வரம்பு?]த் தேவையான பாதுகாப்பை அரசாங்கம் உறுதிப்படுத்த வேண்டும் என்பது நம் அரசியல்வாதிகளில் சிலரின் கோரிக்கையாக உள்ளது.
அரை நிர்வாணக் கோலத்தில் தனக்குத்தானே சவுக்கடி கொடுத்தல், செருப்பில்லாமல் நடத்தல், உண்ணாவிரதம்[அம்மணமாக? ஹி... ஹி... ஹி!!!] இருத்தல் என்று விதம் விதமான போராட்டங்களில் சிலர் ஈடுபடுகிறார்கள்.
போராட்டங்களால் எவ்விதப் பயனும் இல்லை[எத்தனை எத்தனைக் காதல் ஜோடிகள்! அத்தனைக்கும் அரசாங்கம் பாதுகாப்புத் தருவது நடைமுறைச் சாத்தியமே இல்லை. கன்னி வேட்டையில் ஈடுபடும் ‘காலி’களை முற்றிலுமாய் ஒழிப்பதும் அத்தனை எளிதல்ல].
இதற்கு மாறாக, அனைத்துக் கட்சித் தலைவர்களும் ஒருங்கிணைந்து, கண்ட கண்ட இடங்களில்[மேற்கண்டவாறு] காதல் என்னும் பெயரில் சரசசல்லாபத்தில் ஈடுபடும் காதல் ஜோடிகளிடம் கீழ்க்காணும் கோரிக்கையை ஏற்குமாறு வற்புறுத்தலாம்[அரசும் சட்டம் இயற்றலாம்].
கோரிக்கை:
“காதல் பண்ணுவதோ, காமச் சுகம் அனுபவிப்பதோ எதுவாயினும் நான்கு சுவர்களுக்குள் செய்யுங்கள்”
“... பெண்களை மதிக்கவும் பாதுகாக்கவும் அனைத்து ஆண்களுக்கும் கற்றுக்கொடுக்க வேண்டும். ...” எனவும் நீதிபதிகள் தங்கள் உத்தரவில் சுட்டிக்காட்டி உள்ளனர்[அண்ணா பல்கலை. மாணவி வன்புணர்வு வழக்கு] -https://tamil.news18.com].
“பெண்கள் ஆண்களுடன் பேசக் கூடாது, பாதிக்கப்பட்ட மாணவி அங்குச் சென்றிருக்கக் கூடாது என்றெல்லாம் சொல்லுதல் கூடாது” எனத் தெரிவித்த நீதிபதிகள், “பெண்களுக்கு முழுச் சுதந்திரம் உள்ளது. காதல் என்பது அவர்களின் தனிப்பட்ட சுதந்திரம். அவர்கள் இரவில் சுதந்திரமாக நடமாடலாம்; ஆண் நண்பர்களுடன் பேசலாம்; தங்கள் விருப்பம் போல் உடை அணிந்துகொள்ளலாம்” எனவும் அறிவுறுத்தியுள்ளார்கள்[https://tamil.oneindia.com].
காதல் என்பது புனிதமானது[பொதுவானதொரு நம்பிக்கை மட்டுமே]. காதல் பண்ணுகிற பெண்களும் புனிதமானவர்களே. காதல் முற்றிய நிலையில் காமமும் பண்ணலாம், காதலைப் போலவே காமமும் புனிதமானது என்பதால்].
பகலாயினும் இரவாயினும், பொதுவிடங்களில் அல்லது மறைவிடங்களில் காதலோ காமமோ இரண்டுமோ பெண்கள்[விரும்பிய ஆண்களுடன்]பண்ணிக்கொண்டிருப்பது கண்ணில் பட்டால் அதை இழி செயலாக எவரும் கருதக்கூடாது என்று பொருள்கொள்ள இடம் தருகிறது நீதியரசர்களின் அறிவுறுத்தல்.
கயவர்களால் அவர்களுக்கு இடையூறு ஏற்படுமாயின், அவர்களைக் கடுமையாகத் தண்டித்து, காதலர்களுக்கு உரிய பாதுகாப்பு வழங்குவது அரசின் கடமை என்றும் அவர்கள் வலியுறுத்துகிறார்கள்.
அவர்கள் சொல்வது போல் நாட்டிலுள்ள அத்தனைக் காதலர்களுக்கும் பாதுகாப்பு வழங்குவது இயலவே இயலாதது.ரவுடிகளே இல்லாத சமுதாயம் உருவானால்[எந்தவொரு நாட்டிலும் நடக்க வாய்ப்பில்லை] மட்டுமே இது சாத்தியம்.
எனவே, பெண்கள் மனக் கட்டுப்பாட்டுடன், பாதுகாப்பு இல்லாத இடங்களில் காதலருடன் நெருங்கிப் பழகுவதைத் தவிர்ப்பது மிக அவசியம்.
நாட்டில் கெட்டவர்களே இல்லாத அதிசயம் நிகழும்வரை 'இது’ விசயத்தில் அதிகபட்சச் சுதந்திரத்தைத் தவிர்ப்பது நல்லது.இது என் தனிப்பட்ட கருத்து மட்டுமே.
#“தாலி அணிவது வெறும் மூடநம்பிக்கையே. அதில் தெய்வீகமோ, புனிதத்துவமோ இல்லை. அது ஒரு சாதாரணமான பொருள் மட்டுமே” என்கிறார்கள் மெத்தப் படித்தப் பெண்களில் பலரும்.
#வேலைக்குச் செல்லும் பெண்களில் பலர் மணமானவர்களாகத் தங்களைக் காட்டிக்கொள்ள விரும்புவதில்லை. எனவே, தாலியைத் தங்கள் ரவிக்கைக்குள் மறைக்கிறார்கள்.
#பல பெண்கள் வீட்டைவிட்டு வெளியில் கிளம்பும்போது தாலியை வீட்டிலேயே கழற்றி வைத்துவிடுகிறார்கள்.
#பெரும்பான்மையான பெண்கள் இரவில் படுக்கும்போது தாலியைக் கழற்றி தலையணையின் அடியில் வைக்கிறார்கள்.
#கழுத்தில் தாலியுடன் இருக்கும்பெண்களில்[மிகச் சரியான கணக்கெடுப்பு நிகழ்த்தப்படவில்லை, அவர்கள் உண்மையைச் சொல்லமாட்டார்கள் என்பதால்] பலரும் விருப்பம் இல்லாமல்தான் அதை அணிந்திருக்கிறார்கள்.#தாலி என்பது நாய்களின் உரிமம்[கழுத்துப்பட்டை] போன்றதுதான். நாயின் உரிமம் அதன் கழுத்தில் தொங்குவதுபோல் பெண்ணின் கழுத்தில் தாலி தொங்குகிறது, அவ்வளவுதான்.
* * * * *
***கோபிநாத்தின் ‘நானா, நீயா?’[ஸ்டார் தொ.கா.] கலந்துரையாடல் நிகழ்வில் இடம்பெற்ற கருத்துளில் மேற்கண்டவையும் அடக்கம்.
தி.மு.க. ஆட்சியைக் கவிழ்க்காமல் கோவணம்கூட... மன்னித்திடுக, செருப்பு அணியமாட்டேன் என்று ‘பாஜக’ அண்ணாமலை சபதம் செய்திருக்கும் நிலையில், ஒன்றிய அரசால் இந்த ஆட்சி கவிழ்க்கப்படுவதற்கு[தேர்தல் வருவதற்கு 6 மாதங்களுக்கு முன்னரேனும்] நிறையவே வாய்ப்புள்ளது[காலில் செருப்பில்லாமல் அ.மலை ஊரூராய் அலைவதைப் ‘பாஜக’ மேலிடம் தாங்கிக்கொள்ளாது].
அண்ணாமலை என்னும் தங்களின் அடிமையைத் தூண்டிவிட்டு, கொஞ்சம் உண்மையும் கலந்த பொய்யான குற்றச்சாட்டுகளைத் ‘திமுக’ மீது சுமத்தி, அவற்றை மறுப்பதற்கான அவகாசம்கூடத் தராமல் அதன் தலைவர்களை நிலைகுலையச் செய்து, அந்த அரசைக் கவிழ்ப்பது ஒன்றிய அரசால் ஏறத்தாழ முடிவு செய்யப்பட்ட ஒன்று.
தி.மு.க. ஆட்சியில் மக்களுக்குப்[குறிப்பாகப் பெண்களுக்கு] போதிய பாதுகாப்பு இல்லை; ஊழல் மலிந்துவிட்டது; குடிமகன்களின் எண்ணிக்கை நாளும் கூடிக்கொண்டேபோகிறது என்பன போன்ற குற்றச்சாட்டுகள் உண்மையானவை என்றால், தமிழர்கள் அடுத்து நடைபெறவுள்ள தேர்தலில் ‘திமுக’வைப் புறக்கணித்துவிட வாய்ப்புள்ளது.
இவை நேர்ந்தால், தமிழர்களை ஆள்வதற்கான தகுதியைப் பெற்றுள்ள கட்சி எது என்னும் கேள்வி தவிர்க்க இயலாதது.
அவ்வப்போது புறக்கணிப்பது போல் பாசாங்கு செய்தாலும், மோடி வகையறாக்களின் கொத்தடிமைகளாக இருந்து பழக்கப்பட்ட[அமலாக்கத் துறை, வருமானவரித் துறை போன்றவற்றின் நடவடிக்கையிலிருந்து தப்பிக்க வேறு வழியே இல்லாததால்] எடப்பாடியாரின் ‘அதிமுக’வுக்குக் கொஞ்சமும் அருகதை இல்லை.
'நாம் தமிழர்’ கட்சியின் சீமான்இனப்பற்று உள்ளவர்தான் என்றாலும் தமிழர் நலன் பேணுவதற்கான பயனுள்ள நல்ல திட்டங்களை வகுக்கவோ, அவற்றைச் செயல்படுத்துவதற்கோ போதிய அறிவாற்றலும், செயலாற்றும் வல்லமையும் இல்லாதவராகத் தெரிகிறார்; முரட்டுத்தனமாய் மனம்போன போக்கில் வறட்டுக் கூச்சல் போடுகிறார். தமிழ்நாட்டை ஆளும் வாய்ப்பை இவர் பெறுவாரா என்பது விடை தெரியாத கேள்வி.
காங்கிரஸ் கட்சி, பொதுவுடைமைக் கட்சிகள் போன்ற அகில இந்தியக் கட்சிகளுக்குப் போதிய தமிழினப் பற்றோ மொழிப்பற்றோ இல்லை. தேர்தல்களில் பெரிய கட்சிகளுடன் கூட்டணி சேர்ந்து போட்டியிடுவதைத் தவிர ஆட்சிபீடத்தில் அமரும் கனவும் இவர்களுக்கு இல்லை.
திருமாவளவன் சுத்தத் தமிழன் என்பதோடு ஆக்கபூர்வமாகச் செயல்படும் திறமையும் உள்ளவர். ஆயினும் அவர் தாழ்த்தப்பட்ட இனத்தவர் என்பதால், மேம்பட்டவர்கள் என்று சொல்லப்படும் சாதிக்காரர்களின் ஆதரவைப் பெற்று ஆட்சியைக் கைப்பற்றுவது சாத்தியப்படாது.
மொழிப் பற்றும் இனப்பற்றும் கொண்டவர்கள் எனினும், வன்னியர்களில் கணிசமானவர்களின் ஆதரவைத் தக்க வைப்பதிலேயே ராமதாசும் அன்புமணியும் அதிகம் கவனம் செலுத்துகிறார்கள் என்பதால், ‘பாமக’வுக்கும் தமிழ்நாட்டை ஆளும் வாய்ப்பு அமையப்போவதில்லை.
கொங்கு வேளாளர், நாடார்கள், முக்குலத்தோர் போன்றவர்களின் சாதிக் கட்சிகளின் நிலையும் இதுவே.
ஒன்றிய அரசால் ‘திமுக’ ஆட்சி கவிழ்க்கப்பட்டு. தமிழ் மாநிலத்துக்கான தேர்தல் நடைபெறுமானால், கோடி கோடியாய்ப் பணத்தை அள்ளி அள்ளித் தெளித்துப் பெரும்பான்மை பெற்றுத் தமிழர்களை ஆள்வது ‘பாஜக’வினருக்குச் சாத்தியப்படவும்கூடும்.
ஆனால், அவர்கள் ஆட்சியமைத்தால்.....
தமிழ் கொஞ்சம் கொஞ்சமாக அழிந்து, அனைத்துத் துறைகளிலும் இந்தியே ஆதிக்கம் செலுத்தும்; மதவெறியர்களின் கொட்டம் அதிகரிக்கும். மூடநம்பிக்கைகளின் எண்ணிக்கை அபிரிதமாகப் பெருகும். மொழி&இனப் பற்றில்லாத அண்ணாமலை போன்றவர்களே[வடபுல ‘பாஜக’ தலைவர்களின் கட்டளைப்படி] இந்த மாநிலத்தை ஆளுவார்கள். தமிழரின் இனப்பற்றும் படிப்படியாச் சிதைக்கப்பட்டு, ஒரு காலக்கட்டத்தில் இந்த இனமே இல்லாமல்போகும்.
இத்தகையதொரு அவலநிலையை நினைவுகூரும்போதெல்லாம் நெஞ்சு நடுங்குகிறது; கண்கள் கலங்குகின்றன.
#நாளைக் காலை 10 மணிக்கு 6 முறை சாட்டையால் அடித்துக்கொள்வேன். தி.மு.க., ஆட்சியிலிருந்து அகற்றப்படும்வரை செருப்புப் போடமாட்டேன். பத்திரிகையாளர் சந்திப்பு முடிந்ததும் செருப்பைக் கழற்றிவிடுவேன். 48 நாட்கள் விரதம் இருக்கப்போகிறேன். பிப்., 2ஆவது வாரம் ஆறுபடை வீட்டிற்குச் சென்று முருகனிடம் முறையிடுவேன்#[ஊடகச் செய்தி]
“அண்ணா பல்கலைக் கழக வளாகத்தில் மாணவி வன்புணர்வு[?] செய்யப்பட்டது தொடர்பான ‘பாஜக’ தலைவர் அண்ணாமலையின் மேற்கண்ட ஆக்ரோஷப் பேச்சு உணர்த்துவது என்ன?” என்று எனக்கு நானே கேட்டுக்கொண்ட கேள்விக்குக் கிடைத்த பதில்.....
வெகு விரைவில் தமிழ்நாட்டில் ‘தி.மு.க.’ ஆட்சி கலைக்கப்படுவது உறுதி!
முன்னொரு காலத்தில் தேவர்களும் அசுரர்களும் மேரு மலையை மத்தாக நிறுத்தி வாசுகி என்னும் பாம்பைக் கயிறாக்கி, பாற்கடலைக் கடையோ கடை என்று கடைந்தபோது வெளியான அமிழ்தத்தை, அதி பிரமாண்டமான ஒரு கலயத்தில் நிரப்பி வைத்தார்கள்.
தங்களுக்கான பங்கைப் பெற்றிடத் தேவர்கள் காத்திருந்தபோது, அமுதப் பானையை[கலயம்] அசுரர்கள் ‘அலேக்’ செய்து அண்டவெள்ளியில் ஓடிக்கொண்டிருக்க, அவர்களைத் தேவர்கள் தடுக்க இரு தரப்பினருக்குள்ளும் மோதல் ஏற்பட்டு, 12 ஆண்டுகள் போரிட்டுக்கொண்டார்கள் என்பது நீங்கள் அறிந்ததே.
போரின்போது, பானையிலிருந்த[கலயம்] அமுத பானம் சிந்தியது. சிந்திய துளிகள் இந்தப் புண்ணியப் ‘பாரத்’தில் நான்கு ஊர்களில்[அலகாபாத்,அரித்வார்,உச்சைன், நாசிக்]உள்ள ஆற்றுப்படுகைகளில்[திரிவேணி சங்கமம்] விழுந்தன(எங்கள் ஊர்க் கொல்லிமலையில் ஒரு துளி விழுந்தது என்று நீண்ட காலமாக வதந்தி நிலவியது ஹி... ஹி... ஹி!!!)இந்த இடங்களில் கொண்டாடப்படும் விழா[க்கள்]வுக்குப் பெயர்தான் கும்பமேளா.
கடவுள் திருமாலின் வாகனமான கருட பகவான் அமுதப் பானையைச் சுமந்துகொண்டு வானத்தில் பறந்து சென்றபோது, மேற்கண்ட நான்கு இடங்களில் அமுதம் சிந்தியது என்பது இன்னொரு கதை.
அமிழ்தத் துளிகள் நேரடியாகச் சொர்க்கத்திலிருந்து விழுந்தன என்பதாக மற்றுமொரு கதையும் சொல்லப்படுகிறது[இவற்றில் எந்தக் கதை உண்மையானது என்று ஆராய்ச்சி செய்தால் நீங்கள் ‘பாவி’ ஆவீர்கள்].
அடுத்த மாதம் உத்தரப்பிரதேசத்தில் உள்ள மேற்கண்ட இடங்களில் கும்பமேளா கொண்டாடப்படவுள்ளது. அங்குச் செல்லவிருக்கும் பயணிகளின் வசத்திக்காக, இரண்டு மாதக் காலத்திற்கு இங்கே[தென்னிந்தியா] சில ஊர்களுக்கிடையே செல்லும் ரயில்கள் ரத்து செய்யப்பட்டு அங்கே அனுப்பப்படவுள்ளன[விவரம் கீழே*].
இங்குள்ள மக்களைச் சிரமத்திற்கு உள்ளாக்கி, ரயில்களை அங்கே அனுப்புவது தேவையா?
தேவையே.
கும்பமேளாவில் கலந்துகொள்வதன் மூலம், கலந்துகொள்பவர்கள் புனிதர்கள் ஆகி, புண்ணியம் சேர்க்கிறார்கள்.
2003ஆம் ஆண்டில் நாசிக்கில் ஜூலை 27ஆம் தேதியிலிருந்து செப்டம்பர் 7ஆம் தேதிவரை நடைபெற்ற கும்பமேளாவில் 70 மில்லியன் மக்கள் கலந்துகொண்டு புண்ணியம் சம்பாதித்தார்கள். 2013இல்[பெப்ரவரி 10] நடைபெற்ற கும்பமேளாவில் கலந்துகொண்டவர்கள் சுமார் மூன்று கோடிக்கும் அதிகம்.
இவற்றைக் காட்டிலும் குறிப்பிடத்தக்க பயன் ஒன்றுள்ளது. அது...
கோடிக்கணக்கிலான பக்திமான்கள் கலந்துகொள்வதால் ஏற்படும் மிகக் கடும் நெரிசலில் சிக்கி உயிரிழக்கும் நூற்றுக்கணக்கானவர்கள், நேரடியாக[வாழ்நாளெல்லாம் நல்ல பல காரியங்கள் செய்து புண்ணியம் சேர்ப்பது எளிதல்ல], அதாவது, குறுக்கு வழியில் சொர்க்கம் சேர்கிறார்கள் என்பதே.
1954இல் நடைபெற்ற கும்பமேளாவில் கட்டுக்கடங்காத கூட்ட நெரிசலில் நூற்றுக்கணக்கான மக்கள் நசுங்கி இறந்தனர்[கூகுள் தேடலில் கிடைத்த தகவல்]. மற்றக் கும்பமேளாக்களிலும் பலர் உயிரிழந்திருக்கிறார்கள்.
உயிரிழந்தார்கள் என்பதைவிடவும் நேரடியாகச் சொர்க்கம் சேர்ந்தார்கள் என்றே சொல்லலாம்.
‘பாரத்’இல் பல்வேறு ஊர்களுக்கிடையே சென்றுவரும் அனைத்து ரயில்களையும் உத்தரப்பிரதேசத்திலுள்ள மேற்கண்ட புனிதத் தலங்களுக்கு அனுப்பி வைத்தால், புனிதப் பயணர்களின் எண்ணிக்கை மிக மிக மிகப் பல மடங்காக அதிகரிக்கும் என்பதோடு, நெரிசலில் சிக்கி உயிரிழந்து சொர்க்கம் சென்றடைவோர் எண்ணிக்கையும் அதிகரிக்கும் என்பது உறுதி.
எனவே, ஒன்றிய அரசு இது தொடர்பான மேலும் பல நடவடிக்கைகளை மேற்கொள்ளுதல் வேண்டும் என்பது நம் கோரிக்கை.
* * * * *
*திருப்பதியிலிருந்து காட்பாடிக்கு தினமும் காலை 6.50, காலை 10.36, இரவு 7.15 மணிக்கும், காட்பாடியிலிருந்து திருப்பதிக்கு காலை 6.15, பிற்பகல் 2.50, இரவு 9.15 மணிக்கு இயக்கப்படும் மெமு ரயில்கள் டிச.26 முதல் மாா்ச் 2-ஆம் தேதி வரை ரத்து செய்யப்படவுள்ளன. அதுபோல், காட்பாடியிலிருந்து ஜோலாா்பேட்டைக்கு காலை 9.30 மணிக்கும் மறுமாா்க்கமாக ஜோலாா்பேட்டையிலிருந்து பகல் 12.45 மணிக்கும் புறப்படும் மெமு ரயில் டிச.28 முதல் மாா்ச் 2 ஆம் தேதி வரை ரத்து செய்யப்படும் எனத் தெரிவிக்கப்பட்டுள்ளது.
அது தொடர்பாக இருவரும் மோதிக்கொண்டபோது, ஒருவர் மற்றொருவரால் கொல்லப்படுகிறார்.
இது தொடர்பான வழக்கில்.....
‘தீர்ப்பு வழங்கும்போது ராமாயணக் கதை நிகழ்வை மேற்கோள் காட்டுகிறார் நீதிபதி. “ராமர் வனவாசம் சென்றபோது அவரது சகோதரர் பரதன் அரியணை ஏற மறுத்தார். ராமரின் செருப்பை அரியணையில் வைத்து ஆட்சியை நடத்தினார். இது ஒரு சகோதரனின் அன்பைக் காட்டுகிறது. ஆனால் நீங்கள் நிலத்துக்காக உங்கள் சகோதரரைக் கொன்றீர்கள்” என்று அறிவுறுத்தியதோடு, குற்றவாளிக்குத் தூக்குத் தண்டனை விதித்தார் என்பது செய்தி’[தினத்தந்தி].
“ராமாயணக் கதையை நீதிபதி மேற்கோள் காட்டியது வரவேற்கத்தக்கது. இது இனியேனும் இம்மாதிரியான குற்றங்கள்[கொலை] நிகழாதிருக்க உதவும்” என்று இதை வாசிப்பவர்கள் நினைக்கக்கூடும்.
அடியேன் இதற்கு விதிவிலக்கானவன்.
ராமாயணத்தில் உள்ள இந்த நிகழ்வை வாசிக்காதவர்களோ, வாசிக்கக் கேட்காதவர்களோ இல்லை என்றே சொல்லலாம். அத்தனைப் பிரபலம் ராமாயணம்[இன்றளவும் திரும்பத் திரும்ப இந்தக் கதை காணொலிகளில் இடம் பெறுவது அறியத்தக்கது].
இருந்தும், நம் மக்களின் மனங்களில் சிறிதளவேனும் பாதிப்பை ஏறபடுத்தியதா என்றால் இல்லை என்பதே உண்மை. சொத்துக்காக நிகழ்த்தப்படும் கொலைக் குற்றங்களின் எண்ணிக்கையும் குறைந்தபாடில்லை.
தூக்கில் தொங்கவிருக்கும் ஒரு குற்றவாளியிடம் இம்மாதிரிக் கதைகளைச் சொல்வதால், உச்சக்கட்ட வேதனையில் இருக்கும் குற்றவாளி பெறும் பயன் ஏதுமில்லை.
ராமாயணக் கதை நிகழ்வுகளில் மிகப் பல[பரதன் ராமனின் செருப்பை அரியணையில் இருத்தி ஆட்சி செய்தது உட்பட] நடைமுறை சாத்தியம் அற்றவை.
இது வாழும் முறைகளைக் கற்றுக்கொடுக்கிற காவியம் அல்ல. பெருமளவில் பொழுதுபோக்குக்குப் பயன்படுகிற ஒன்று மட்டுமே.
நீதிபதி அவர்கள் இனியேனும் இம்மாதிரியான ஒன்றுக்கும் உதவாத கதைகளை மேற்கோள் காட்டாமல், உண்மையான பாசப் பிணைப்புடன் வாழும் சகோதர்கள் பற்றிய உண்மை நிகழ்வுகளை உதாரணமாகக் காட்டினால் அது ஓரளவுக்கேனும் மனித மனங்களைப் பக்குவப்படுத்தக்கூடும் என்பது என் எண்ணம்; அறிவுரையோ பரிந்துரையோ அல்ல.
சூழ்நிலை? வாழும் இடம், உடனுறையும் மனிதர்கள், விலங்குகள், தட்பவெப்பம், இயற்கைப் பேரிடர்கள் என்று நம் வாழ்க்கையில் மாற்றங்கள் நிகழக் காரணமான பல நிலைகளை உள்ளடக்கிய சொல்[இது ஓரளவுக்குப் புரிய வைக்கிற விளக்கம் மட்டுமே].
பிறந்த சில நொடிகளிலிருந்தே சூழ்நிலை காரணமாகப் பிரச்சினைகளை எதிர்கொள்கிறோம[பிறக்கும்போதே தாய் இறந்துவிட்டால் மிகப் பெரும் பிரச்சினைகளை, அறியாமலே எதிர்கொள்கிறது குழந்தை. இது ஓர் உதாரணம்].
வாழ்வது என்பது மாறிக்கொண்டேயிருக்கும் சூழல்களுக்கு இடையே அமைவது. பிரச்சினைகள் இடம் பெறாத சூழ்நிலையே இல்லை[பிரச்சினையைக் கையாள்கிறவரைப் பொருத்து அது நன்மை பயப்பதாகவோ தீமை தருவதாகவோ அமையும்].
பிரச்சினைகள் இல்லை, சூழ்நிலைதான் உண்மை என்றவர், இரண்டையும் இணைத்து[அவற்றை> them]க் குழம்பியிருக்கிறார்; பிறரையும் குழப்புகிறார்.
திரும்பத் திரும்ப இது போன்ற தத்துப்பித்துவங்களைச் சரளமான ஆங்கிலத்தில்[அரிதாகத் தமிழ்] பேசிப் பேசிக் காணொலிகள் ஆக்கிப்[கடந்த சில வாரங்களாக யூடியூப்பில் வரிசைகட்டி நிற்கின்றன] பிரபல ஆன்மிகவாதி ஆகிவிட்டார் ஜக்கி வாசுதேவன் என்னும் போலிச் சாமியார்.
1933ஆம் ஆண்டில் காந்தியடிகள் 21 நாட்கள்[தீண்டாமை எதிர்ப்பு > மூன்றாவது முறையாக] உண்ணாநோன்பு மேற்கொண்டார். அப்போது அவரின் வயது 63[வாழ்ந்தது 78 ஆண்டுகள்].
அறுபதைக் கடந்த முதுமைப் பருவத்தில் 21 நாட்கள் உண்ணாவிரதம் இருந்தது ஒரு சாதனை[“உண்ணாவிரதம் மட்டுமல்ல, அது ஒரு மனவிரதமும்கூட” என்றார் அவர்].
இந்தவொரு வயதில் இத்தனை நாட்கள் விரதம் இருந்த பிறகும் உயிரோடு இருந்ததற்கு அவரின் மன வலிமை முக்கியக் காரணம் ஆகும்.
{இப்படியொரு அசாத்திய மன வலிமை இருந்ததால்தான், மதராசு மாநிலம்(மெட்ராஸ் ஸ்டேட்) என்று அழைக்கப்பட்ட மாநிலத்திற்குத் ‘தமிழ்நாடு’ என்று பெயர் வைக்கச் சொல்லி, சங்கரலிங்கனாரால் 76 நாட்கள் உண்ணாவிரதமிருக்க முடிந்தது[விரிவான செய்தி கீழே*]. ஆனால், கோரிக்கை ஏற்கப்படாததால் அவரின் ஆயுள் முடிந்துபோனது}
காந்தியடிகளைப் போலவும் சங்கரலிங்கனாரைப் போலவும் முதுமைப் பருவத்தில் நீண்ட நாட்கள் உண்ணாவிரதம் இருந்து சாதனை நிகழ்த்தியிருக்கிறார் பஞ்சாப் மாநிலத்தைச் சேர்ந்த விவசாயி Dallewal.
அவரின் வயது இப்போது 70. ஒன்றிய அரசிடம் முக்கியக் கோரிக்கை ஒன்றை முன்வத்து[பஞ்சாப் & அரியானா எல்லைப் பிரச்சினை] 27ஆவது நாளாக உண்ணாநோன்பைத் தொடர்கிறார்.
அவரின் உடல்நிலை மிகவும் மோசம் அடைந்திருப்பதாக மருத்துவர்கள் எச்சரித்திருக்கிறார்கள்.
உரிய நடவடிக்கைகளை உடனடியாக ஒன்றிய அரசு மேற்கொள்ளுதல் வேண்டும் என்பது நம் வேண்டுகோள்.
விவசாயி மிகப் பல ஆண்டுகள் உயிர் வாழ நம் மனம் நிறைந்த வாழ்த்துகள்.
+++++++++++++++++++++++++++++++++++++++
*சங்கரலிங்கனார் (Sankaralinganar, 1895 - 13 அக்டோபர் 1956) என்பவர் விடுதலைப் போராட்ட வீரரும், மதராசு மாநிலம்(மெட்ராஸ் ஸ்டேட்) என்று அழைக்கப்பட்ட பகுதிக்கு ”தமிழ்நாடு” என்று பெயர் வைக்கச் சொல்லி உண்ணாவிரதமிருந்து உயிர்விட்ட ஒரு போராளியும் ஆவார். 76 நாட்கள் தனது கோரிக்கையை நிறைவேற்ற வேண்டி தனது வீட்டின் முன், உண்ணாவிரதமிருந்து உயிர் விட்டவர்[வயது 61]. இவர் விருதுநகரை அடுத்த மண்மலைமேடு ஊரைச் சேர்ந்தவர்.[1][2][விக்கிப்பீடியா]. இறப்பதற்குச் சிறிதுக் காலம் முன்பே அவர் கோரிக்கை ஏற்கப்பட்டிருந்தால் அப்புறமும் பல ஆண்டுகள் உயிர்வாழ்ந்திருப்பார்.
‘பாரத்’இல் கடவுள்களே மனிதர்களாக அவதரிப்பதுண்டு. அதனால்தான் இது புண்ணியப் பாரதம்.
அண்மைக் காலத்தில் இங்கு அவதரித்த இரு கடவுள்களில் ஒருவர் மோடி[கடவுளால் அனுப்பப்பட்ட கடவுள்]; மற்றொருவர் ஜக்கி வாசுதேவ்[கடவுள்களின் குருவான கடவுள்].
இங்கே, கண்களால் காண இயலாத கடவுள்களுக்குத்தான்[சிலைகள்] கோயில்கள்[எண்ணிலடங்காதவை] உள்ளன.
நம் கண்ணெதிரே காட்சியளித்து அருள்பாலிக்கிற இந்தத் தெய்வங்களுக்கும், இவர்கள் தங்களின் நிரந்தர இருப்பிடமான ‘பரலோகம்’ திரும்புவதற்குள் கோயில்கள் நிர்மாணிக்கப்படுதல் வேண்டும்.
அதற்கான உடனடி நடவடிக்கையில் ஈடுபடுவது இவர்களால் இரட்சிக்கப்படும் அனைத்து மக்களின் கடமை ஆகும்!
மூளை, நரம்பு ஆகியவற்றிலுள்ள செல்களுக்குத் தொடர்ந்து உயிர்க்காற்று[ஆக்சிஜன்] தேவைப்படுவதால், சுவாசம் நின்றவுடன், சில நிமிடங்களில் அவை இறந்துவிடும்.
இதயம், கல்லீரல், சிறுநீரகம், கணையம் ஆகியவை[அணுக்கள் சாகாமலிருப்பதால்] சுமார் ஒரு மணி நேரம் உயிர்வாழும்.
தோல், தசைநாண்கள், இதய வால்வுகள், கார்னியாக்கள் ஆகியவை ஒரு நாளுக்குப் பிறகும் உயிருடன் இருக்கும்.
இறுதியாக அழிபவை வெள்ளை இரத்த அணுக்கள்ஏறக்குறைய மூன்று நாட்கள் வாழும்.
[ரத்தத்தில் உள்ள வெள்ளை அணுக்கள் இறக்கும் கடைசிக் கட்டத்தை வீடியோ படம் பிடித்து அசத்தியிருக்கின்றனர், ஆஸ்திரேலியாவிலுள்ள லா ட்ரோப் பல்கலைக் கழக விஞ்ஞானிகள்.]
[ஒருவர் இறந்தவுடன், உடம்பானது அழிவின் இறுதிக் கட்டத்தை அடைகிறது. அந்த நேரத்தில்தான் மரபணு[DNA]வின் ஒரு பகுதி RNAஇல் நகலெடுக்கப்படுகிறது.ஒரு நபர் இறந்துவிட்டதாக அறிவிக்கப்பட்ட சில மணிநேரங்களில் அல்லது ஓரிரு நாட்களுக்குள் இது நிகழலாம்].
சொர்க்கம் சுகபோகம் உய்த்தற்குரிய இடம் என்பதால், அது குறித்து அறிவதைவிடவும் நரகம் பற்றி அறிவதில்தான் நம்மவர்க்கு நாட்டம் அதிகம்.
அசையவிடாமல் கைகால்களைக் கட்டிப்போட்டுக் கூர் தீட்டிய ரம்பத்தால் கழுத்தை அறுப்பது. உடல் உறுப்புகளை[‘குஞ்சி’ உட்பட> எங்கெல்லாமோ தேடியும் ஒரு சிறு புகைப்படம்கூடக் கிடைக்கவில்லை! ஹி... ஹி... ஹி!!!] இடைவெளி கொடுத்துக் கொஞ்சம் கொஞ்சமாக வெட்டி எடுப்பது. கொப்பறையில் கொதிக்கும் எண்ணையில் முக்கி முக்கி எடுப்பது. நிற்க வைத்து மேலிருந்து கிழாகவோ கீழிருந்து மேலாகவோ தோலை உரிப்பது; மிக உயரமான இடத்திலிருந்து தீக்குழியில் தள்ளுவது[நெருப்புக்குள் விழுவதற்குள் 90% உயிர் போய்விடும்] என்றிப்படிப் பாவம் செய்தவர்கள் கொடூரமாகச் சித்ரவதை செய்யப்படும் இடம் நரகம் என்றார்கள் நம் முன்னோர்கள்.
உண்மையில் இப்படியானதொரு வாழிடம்[நரகம்] இந்த அண்டவெளியில் இருக்கிறதா?
வேறெங்கும் இருந்திட வாய்ப்பில்லை எனினும் நாம் வாழுகிற இந்தப் பூமியே நரகம்தான் என்று உறுதிபடச் சொல்லலாம்.
இதற்கு ஆதாரமாக ஏராளமான நிகழ்வுகளைப் பட்டியலிடலாம்.
கொஞ்சம் நிகழ்வுகள் மட்டும்:
1.//தகாத உறவால் கள்ளக்காதலனுடன் சேர்ந்து கணவரைக்
கழுத்தறுத்துக்கொலை செய்த மனைவியைப் போலீசார் கைது செய்தனர்.[மாலைமலர்]//
2.//குற்றம் சாட்டப்பட்ட ஷங்கர் தயாள் குப்தா ஜூலை 30 அன்று, பணத்திற்காகச் சண்டையிட்டதால் அவரது மனைவி நீதுவின் கழுத்தை அறுத்தார். குற்றத்தை மறைக்க, அவர் ஒரு உலோக ரம்பம் மற்றும் மின்சார ரம்பம் ஆகியவற்றை வாங்கி, மீதமுள்ள உடல் பாகங்களைத் துண்டாக்கினார்[https://www.etvbharat.com/
4.சென்னைப் புறநகர் பகுதியில் சனிக்கிழமை இரவு பெண் மென்பொறியாளரை கை, கால்களைக் கட்டிப்போட்டு உயிருடன் எரித்த சம்பவம் அதிர்ச்சியை ஏற்படுத்தியுள்ளது. https://www.bbc.com/tamil/articles/cpv616422xxo
5.தவறு செய்தவரைப் பிடித்து நையப் புடைத்து, உப்புத் தடவப்பட்ட புதிதாக உரித்த ஆட்டுத் தோலை அவன்மேல் சுற்றிக்கட்டி ஊர்ப் பொது இடத்தில் உள்ள கல்தூணில் வெயிலில் துணியை காயவைப்பது போல கட்டிவிடுவார்களாம்.
இரண்டொரு நாட்கள் வெயிலில் காய்ந்து, காற்றில் உலர்ந்த பின்னர், அவன் மேல் சுற்றப்பட்ட ஆட்டுத் தோல் அவன் முதுகில் இறுகியிருக்கும். அந்த ஆட்டுத் தோலைப் பிய்த்து எடுக்கும்பொழுது அந்தக் குற்றவாளியின் தோலும் பிய்ந்துகொண்டு வரும். இரத்தம் சொட்டச் சொட்ட வலியில் உயிர் பிரியும். சில நேரங்களில் குற்றவாளியின் முதுகெலும்பும் பிய்ந்துகொண்டு வருமாம். இப்படியான கற்பனைக்கு எட்டாத கொடூரத் தண்டனையைத் தமிழக மன்னர்கள் நிறைவேற்றியுள்ளனர்.
ஆக, மேற்கண்டவை போன்ற படு பயங்கரமான தண்டனைகள், குற்றம் பல புரிந்த பாவிகளுக்கு[சில நேரங்களில் அப்பாவிகளுக்கும் அப்பிராணிகளுக்கும் உத்தமர்களுக்கும்கூட] வழங்கப்படுவது தொடரும் என்பதால், இந்தப் பாவப் பூமியை நிரந்தர நரகம் என்று தயங்காமல் சொல்லலாம்!
