ஒரு மனைவியாக விக்டோரியா மகாராணி!

விக்டோரியாவுக்கும் 'ஆல்பர்ட்'டுக்கும் 1940ஆம் ஆண்டு ஜேம்ஸ் அரண்மனையில் இருந்த சிரிய சர்ச்சில் திருமணம் நடந்தது.

மகாராணியாக விக்டோரியா. அவருக்குத் துணையாக ஆல்பர்ட்.

மகாராணியின் கணவன் என்னும் பெயர்தானே தவிர, தனிப்பட்ட முறையில் ஒரு மன்னருக்குரிய அதிகாரம் ஏதும் ஆல்பர்ட்டுக்கு இல்லை. ஆனாலும், சில முக்கியமான  விசயங்களில், தனியாகத் தன் கணவனின் யோசனையைக் கேட்டு அதன்படி நடந்துகொண்டார் ராணி விக்டோரியா.

தன் குழந்தைகளுக்கு நல்ல தாயாகவும்  கணவனுக்கு அன்பான மனைவியாகவும் அவர் இருந்தார்.

எப்போதாவது விவாதம் என்று வந்தால், தன் பதவியை வைத்து ஆல்பர்ட்டை அவர் அடக்கிவிடுவதும் உண்டு. அம்மாதிரிச் சூழ்நிலையில் கோபத்துடன் தன் அறைக்குச் சென்று தாளிட்டுக்கொள்வார் ஆல்பர்ட்.

அவரைச் சமாதானம் செய்வதற்காக, அவருடைய அறைக்குச் சென்று கதவைத் தட்டுவார் மகாராணி.

''மகாராணி வந்திருக்கிறேன்'' என்று ராணி சொன்னால் கதவைத் திறக்கவே மாட்டார் ஆல்பர்ட்; ''உங்களின் பிரிய மனைவி வந்திருக்கிறேன்'' என்றால் மட்டுமே கதவைத் திறப்பது அவர் வழக்கம்.

கதவு திறந்த மறுகணமே ஒருவர் அணைப்பில் இன்னொருவர்!

இருவருக்கும் ஒன்பது குழந்தைகள் பிறந்தன. மிகச் சிறப்பாக ஆட்சி நடத்தியதால் பிரிட்டிஷ் மக்கள் மகாராணியை மிகவு நேசித்தார்கள்.

ஆடம்பர வாழ்க்கை நடத்துவதற்கான அனைத்து வசதிகளும் இருந்தும்கூட, அந்த அரச தம்பதியினர் மிக எளிமையாக வாழ்ந்துகாட்டியதால், பத்தொன்பதாம் நூற்றாண்டில் இவர்களைப் போன்றதொரு இணை வேறெங்கும் இல்லை என்று உலகம் வியந்தது.

மகாராணிக்கு உதவியாக மிகக் கடுமையாக உழைத்ததால் ஆல்பர்ட் தன் 42ஆம் வயதில் காலமானார்.

கணவனின் இழப்பு மிகவும் வாட்டியதெனினும், தனக்கான அரசாங்கக் கடமைகளைச் செவ்வனே செய்துவந்தார் விக்டோரியா,

எப்போதும் வெண்ணிற ஆடை உடுத்து விதவைக் கோலத்திலேயே காட்சியளித்தார்.

எத்தனை முயன்றும் மறைந்த கணவனைப் பிரிந்த வருத்தத்திலிருந்து அவரால் விடுபடவே இயலவில்லை.

தன் படுக்கையின் எதிரே தொங்கவிடப்பட்ட ஆல்பர்ட்டின் உருவப்படத்தைப் பார்த்துக்கொண்டேதான் உயிரைவிட்டாராம் மகாராணி விக்டோரியா.

இவர்களைப் போல மனம் ஒன்றி வாழ்ந்த தம்பதியர் பிரிட்டிஷ் வரலாற்றில் மிக மிகக் குறைவு என்கிறார்கள் வரலாற்றாய்வாளர்கள் 

-----------------------------------------------------------------------------------------------------------------------------------------------

நன்றி: ரா.வேங்கடசாமியின் 'பிரபலங்களின் காதல் வாழ்க்கை'; சஞ்சய் புக்ஸ், காஞ்சிபுரம்.

மழைக்காக 'யாகம்' செய்வோர் கவனத்திற்கு!

தினம் தினம் நாளிதழ்களைப் பிரித்தால் அந்தக் கோயிலில் யாகம், இந்தக் கோயிலில் ஜபம் என்பன போன்ற அடுக்கடுக்கான செய்திகள் கடுப்பேற்றுகின்றன.

யாகம் செய்து, அதனால் மழை பொழிந்ததற்கான ஆதாரமோ வரலாறோ நம்மிடம் இல்லை. இது இன்றெல்லாம் ஆயிரக்கணக்கில் பணம் செலவழித்து யாகம் செய்பவர்களுக்குத் தெரியாமலில்லை. தெரிந்தும் செய்கிறார்கள் என்றால், அதற்கான நோக்கம்.....

தற்செயலாக மழை பெய்தால், தாங்கள் செய்த யாகத்தால்தான் அது நிகழ்ந்தது என்று சொல்லி மக்களிடம் பக்தி உணர்வைப் பெருக்குவதும், அதை வைத்துக் கௌரவமாகப் பிழைப்பு நடத்துவதும்தான்.

யாகம் செய்வதால் மழை பெய்யும் என்பது உண்மையானால் மாதம் மும்மாரி பெய்விக்கலாமே? ஒட்டுமொத்த உலகமும் பயன் பெறுமே!

பெய்விப்பார்களா?

யாகம், ஜபம் என்று விளம்பரம் தேடுவோருக்கு நாம் வழங்கும் ஆலோசனை ஒன்று உண்டு. அது.....

உங்களால் இயன்ற அளவுக்கு ஆங்காங்கே உள்ள குட்டைகளையும் குளங்களையும் தூர்வாரி ஆழப்படுத்துங்கள். மழை பெய்தால் அவற்றில் அதிக அளவில் நீரைச் சேமிக்கலாம்.

வற்றிய கிணறுகளைத் தோண்டி ஆழப்படுத்துங்கள். கொஞ்சமேனும் நீர் ஊறும். குடிப்பதற்கு மட்டுமேனும் அது பயன்படும்.