முதல்வர் ஜோசப் ‘தாராபுரம் பரப்புரை’..... யார் அந்த ‘அப்பா’?

ஜெயலலிதாவுக்குப் பிறகு> இறந்த பிறகு[அதற்கு முன்பு ஜெயலலிதாவும் கருணாநிதியும் மாறி மாறி ஆட்சிபுரிந்தார்கள்] தமிழ்நாட்டை அடுத்தடுத்து ஆண்ட முதலமைச்சர்களின் வரிசை பின்வருமாறு:

ஓ. பன்னீர்செல்வம் (டிசம்பர் 2016 – பிப்ரவரி 2017)

எடப்பாடி கே. பழனிசாமி (பிப்ரவரி 2017 – மே 2021)

மு. க. ஸ்டாலின் (மே 2021 – மே 2026)

முதலமைச்சர் ஜோசப் ‘அம்மா’ என்று சொன்னது ‘செல்வி.ஜெயலலிதா’ அவர்களை.

அவருக்குப் பிறகு மேற்கண்ட மூன்று பேர்களும் தமிழ்நாட்டை ஆட்சி செய்திருக்கிறார்கள்[கருணாநிதி ஆளவில்லை என்பதால் அந்த அப்பா கருணாநிதி அல்ல].

‘அப்பா’ என்று முதல்வர் ஜோசப் குறிப்பிடுவது மூவரில் எவரை?

ஏற்கனவே, ஸ்டாலினை ‘அங்கிள்’[ஸ்டாலின் அங்கிள்] என்று இவர் சொந்தம் கொண்டாடியிருப்பதால், அவர்[ஸ்டாலின்] இவருக்கு[ஜோசப்] அப்பா ஆகமாட்டார்; ஸ்டாலின் ஜோசப்புக்கு ‘அங்கிள்’ என்பதால் கருணாநிதி ‘அப்பா’ ஆகமாட்டார் என்பதும் கவனத்தில் கொள்ளத்தக்கது.

எஞ்சி இருப்பவர்கள் ஓ.பன்னீர்செல்வமும் எடப்பாடி பழனிசாமியும்[இவர்களில் எவரையும் 'அப்பா' என்று மக்கள் அழைத்ததில்லை]. இந்த இருவரில் எவரை ஜோசப் தன்.....

இதுக்கும் மேலே நான் எதுவும் சொல்ல விரும்பலீங்க. வயசான காலத்தில் வம்புதும்புகளில் சிக்கினால் என்னால் மீள முடியுமா என்ன?

அற்பனுக்கு வாழ்வு வந்தால் அது நடக்கும்! அதிகாரம் குவிந்தால்?

 இன்று தாராபுரம் இடைத் தேர்தலுக்கான பரப்புரைக் கூட்டத்திற்கு, அடையாள அட்டை பெற்ற 5000 பேர்களுக்கு மட்டுமே அனுமதியளிக்கப்படும்[10000 பேருக்கு இருக்கை வசதியாம்!?!?!] என்று அறிவித்திருக்கிறார் 2ஆம் புரட்சித் தலைவர் ஜோசப்.

இதனால், கோவை விமான நிலையத்தை வந்தடையும் ஜோசப் பெருமகனார், தாராபுரம் பரப்புரை மேடைக்குச் சென்றுசேரும்வரை, பயணத்திற்கு[82 கிலோ மீட்டர்] எந்தவித இடையூறும் நேராது என்பது 100% உறுதி.

அப்புறம் எதற்கு ஜோசப் வருகையை ஒட்டி, பொதுமக்களின் போக்குவரத்துக்கு இடைஞ்சலாகச் சாலை நெடுகப் பேரிகார்டுளும், 144 தடை உத்தரவும், கெடுபிடிகளும், தடைகளும்[ஊடகங்களில் விரிவான தகவல்களை அறியலாம்]?

கோவையிலிருந்து தாராபுரம் பரப்புரை மேடைவரை ஜோசப் ‘ரோடு ஷோ’[சாலை வலம்] நடத்தி, அவரைக் கண்டு களிக்கக் கூமுட்டைகளைக் காசு கொடுத்து வரவழைத்து நெரிசலை உருவாக்கி, அவர்களில் சிலரையேனும் சாகடித்து, வாக்காளர் மத்தியில் தனக்குள்ள செல்வாக்கைப் புதுப்பித்து, இடைத் தேர்தல்களில் வெற்றிக் கனிகள் பறிக்கவா?

‘அற்பனுக்கு வாழ்வு வந்தால் அர்த்தராத்திரியில் குடை பிடிப்பான்’ என்பது பழைய மொழி[பழமொழி]. ‘அற்பனிடம் அதிகாரம் குவிந்தால் அரசாங்கச் செலவில் அனுதினமும் கொட்டம் அடிப்பான்’ என்பது புதிய மொழி!