16 குழந்தைகளைப் பெற்றெடுத்த ஒரு தாய், 16ஆவது பிறந்த அடுத்த ஆண்டிலேயே தன்னுடைய 17ஆவது குழந்தையை எதிர்பார்க்கிறார்' என்றால் ஆச்சரியப்படாதீர்கள்.
இந்த அதிசயம் கடவுளால் நிகழ்ந்தது என்பதை நம்புங்கள்.
அமெரிக்காவின் 'நார்த் கரோலினா'வில் வசிப்பவர்கள் 'ஹெர்னாண்டஸ்', 'கார்லோஸ்' தம்பதியர்.
இந்த ஜோடிதான் 14 ஆண்டுகளில் 16 குழந்தைகளைப் பெற்று[ஆறு ஆண்களும் பத்துப் பெண்களும்]அசுர சாதனை நிகழ்த்தியுள்ளது[பெயர்ப் பட்டியல் கீழே].
அடுத்த ஆண்டு மார்ச் மாதத்தில் ஹெர்னாண்டஸ் அம்மையார் 17ஆவது குழந்தையை ஈன்று புறந்தர இருக்கிறாராம்.
"நான் 14 ஆண்டுகளாகக் கர்ப்பமாக உள்ளேன்[!!!!!]. 17ஆவது குழந்தையைப் பெற்றெடுக்கக் கடவுளால் தேர்ந்தெடுக்கப்பட்டதில் நான் மகிழ்ச்சியாகவும், உற்சாகமாகவும் உணர்கிறேன்" என்று அவர் ஒரு பேட்டியில் கூறினாராம்.
இந்தப் பெண் கடந்த ஆண்டு மே மாதம் தன் இளைய குழந்தையான கிளேட்டனைப் பெற்றெடுத்தார். இவர் தனது கடைசிக் கர்ப்பம் மிகவும் கடினமானதாக இருந்தது என்று முன்பு கூறியுள்ளார். எத்தனை இடர்ப்பாடுகள் நேரினும் 20 குழந்தைகளைப் பெற்றுச் சாதனை நிகழ்த்துவதில் உறுதியாக இருக்கிறார்.
20ஆவதையும் பெற்று முடித்தால், இவரின் குடும்பம் 10 ஆண் குழந்தைகளையும் 10 பெண் குழந்தைகளையும் கொண்டதான பெருமையைப் பெறும் என்று பெருமிதப்பட்டிருக்கிறார்.
ஆனாலும், இவர் இதற்காகக் கர்வம் கொள்ளவில்லை. காரணம்.....
"நாங்கள் குழந்தைகளைக் கேட்கிறோம். கொடுப்பது கடவுளின் விருப்பம்" என்று அடக்கி வாசிக்கிறார்.
பேரருளாளனான கடவுளை ஒவ்வொரு குழந்தைப் பேற்றின்போதும் நன்றியுடன் நினவுகூரும் ஹெர்னாண்டஸ், குழந்தைகளைப் பெற்றெடுக்க உதவும் மருத்துவமனைச் செவிலியர்களையும் நெஞ்சு நெகிழப் பாராட்டுவதை வழக்கமாகக் கொண்டுள்ளார்.
"கடந்த ஆண்டு நீங்கள் இங்கு இருந்தீர்கள், ஒவ்வொரு ஆண்டும் உங்களைப் பார்க்கிறோம்" என்று செவிலியர்கள் கூறுகிறார்களாம். இதன் மூலம் அவர்கள் அம்மையாரைப் பாராட்டுகிறார்களா நக்கலடிக்கிறார்களா என்பது அந்தக் கடவுளுக்கே வெளிச்சம்!
எது எப்படியோ, இவரைப் போன்ற அப்பாவிப் பெண்கள் இருக்கும்வரை கடவுளின் 'கொட்டமும் கும்மாளமும்' தொடர்ந்து நிகழ்ந்துகொண்டுதான் இருக்கும்!!
* * * * *
குழந்தைகளின் பெயர்ப் பட்டியல்[மூன்று செட் இரட்டையர்கள்]: கார்லோஸ் ஜூனியர், 14, கிறிஸ்டோபர், 13, கார்லா, 11, கெய்ட்லின், 11, கிறிஸ்டின், 10, செலஸ்டி, 10, கிறிஸ்டினா, 9, கால்வின், 7, கேத்தரின், 7, காலேப், 5, கரோலின், 5, கமிலா, 4, கரோல், 4 சார்லோட், 3, கிரிஸ்டல், 2, மற்றும் கிளேட்டன், 1.
Times Now Digital - Yesterday 7:38 am
