அகவை 119! கலக்கும் ‘கதை சொல்லி’க் கிழவன்!!

ஆப்பிரிக்காவில் உள்ள நாடுகளில் ஒன்று ‘துனிசியா’[Tunisia, is the northernmost country in Africa].

'ஹுசைன் அல்மிசோய்’ என்னும் 119 வயதான் ‘குடுகுடு படுகிழம்’ இந்த நாட்டவர்தான்.

இந்த வயதிலும் இவர் பேரதிசயம் ஒன்றை நிகழ்த்திக்கொண்டிருக்கிறார்.

மேளத்தின் தாள இசைக்கேற்பப் பாட்டிசைத்துக் கதைகள் சொல்கிறாராம். அண்டை அயலாரும் சொந்தபந்தங்களும் கதை கேட்க அவரைத் தேடி வருகிறார்களாம்[நம்ம ஊர்க் கிழவர்களுக்கு 60 வயதிலேயே பேச்சு குழறுகிறது; நடை தள்ளாடுகிறது.  பாடுவது இருக்கட்டும், நல்ல பாடல்களைக் கேட்கக்கூடக் காதுகள் ஒத்துழைப்பதில்லை].

கிழவருக்கு ரத்த அழுத்தம் உள்ளது. மருந்துக் கடைகளில் வாங்கும் எளிய மருந்துகளின் மூலமே அதைச் சமாளித்துவிடுகிறாராம்.

கால் மூட்டு வலியும் உண்டென்றாலும் இவரின் கதை சொல்லலுக்கு அது தடையாக இருப்பதில்லை.

இந்தக் ‘கதை சொல்லி’க் கிழவர் சற்றே தாமதமாகத்தான் திருமணம் செய்துகொண்டார். இவருக்கு 9 பிள்ளைகளும் 40 பேரப் பிள்ளைகளும் உள்ளனர்[வாலிப வயதிலேயே திருமணம் செய்திருந்தால், வாரிசுகளைப் பெற்றெடுப்பதிலும் இவர் சாதனை நிகழ்த்தியிருப்பார்].

இவர் மனைவிக்கு வயது 88. தம்பியின் வயது 83.

மருத்துவர் குழு உரிய முறையில் இவரின் உடலை ஆராய்ந்து, இவர் ஏறத்தாழ முழு உடல்நலத்துடன் இருப்பதை உறுதி செய்திருக்கிறது.

முதியவர் துனிசியா நாட்டின் சுதந்திரத்திற்காகப் போராடிய தியாகியும்கூட.

“119 வயதிலும் நல்லதொரு கதை சொல்லி என்று பாராட்டுப் பெறும் அளவுக்கு, இவர் உடல் நலிவின்றி வாழ்வது எப்படி?” என்னும் கேள்விக்கு இவர் சொன்ன பதில்.....

“வயதாவதை நினைவுகூராதீர்”[don't keep count the age] என்பதுதான்.

வயதாவதை நினைக்காமல் வாழ்வது அத்தனை எளிதா என்ன? 

அதற்கான வழிமுறைகளையும் கிழவர் சொல்லியிருக்கலாம்.

***துனிசியா நாட்டில் உங்களுக்கு நண்பர் இருந்தால் கிழவரிடம் விசாரிக்கச் சொல்லலாமே? விசாரித்தறிந்த தகவலை ஒரு பதிவாக வெளியிடலாமே.

செய்வீர்களா? ஹி...ஹி...ஹி!!!

                                  *   *   *   *   *

காணொலி:

https://www.msn.com/en-in/video/watch/tunisia-s-119-years-young-man/vi-AA1ccFfR?ocid=msedgdhp&pc=U531&cvid=b6d1f737bb9242e78b7132c0491ea963&ei=33

‘அல்லா[ஹ்]’ எல்லாருக்குமான கடவுளா, அல்லவே அல்லவா?!

படத்தில் உள்ள குடும்பத் தலைவர் ஓர் இஸ்லாமியர்.

மத்தியப்பிரதேசத்தில், ‘தமோ’மாவட்டம்,

ரத்த‘தேஜ்கர்’ என்னும் கிராமத்தில் வசிப்பவர்ஆரிஃப் ஷா.

ஏதோவொரு சூழலில், அண்டை வீட்டில் வசிக்கும் ஓர் இந்துமதத்தவரின் நெற்றியில் குங்குமம் இட்டிருக்கிறார்.

இது, ஒரு மனிதருக்கும் இன்னொரு மனிதருக்கும் இடையிலான அன்பை வெளிப்படுத்தும் செயல் மட்டுமே. சாதி, சமயம், ஆண்டான் அடிமை என்பன போன்ற சமூக மாறுபாடுகளைக் கடந்த நிகழ்வு இது.

இதைப் புரிந்துகொள்ளும் மனப் பக்குவம் இவர் வாழும் தேஜ்கர் கிராம மக்களுக்கு இல்லை.

இல்லாததால்.....

பெரும் சீற்றத்திற்குள்ளான தேஜ்கர் கிராம இஸ்லாமியர்கள், தங்களின் தலைவருடன் கலந்து பேசி, ஆரிஃப் மற்றும் அவரது குடும்பத்தினரைத் தங்களின் சமூகத்திலிருந்து ஒதுக்கி வைத்தார்கள் என்பது செய்தி.

ஆரிப் ஷா, மாவட்டக் காவல் கண்காணிப்பாளர்(எஸ்பி) ராகேஷ் குமார் சிங்கிடம் புகார் அளித்ததும், அங்குள்ள இஸ்லாம் சமூகத்தவரிடம், ஆரிப் குடும்பத்தை ‘ஒதுக்கி வைத்தல்’ தொடர்ந்தால் கடும் நடவடிக்கை எடுக்கப்படும் என்றும், சம்பந்தப்பட்டவர்கள் எவராயிருந்தாலும் தண்டிக்கப்படுவார்கள் என்றும் எச்சரித்ததன் விளைவு அவ்வூரில் பழைய சுமுக நிலை திரும்பியது எனபது கூடுதல் தகவல்.

ஆண்கள் இருவரில், ஒருவர் இன்னொருவருக்குப் பொட்டு வைத்தார் என்பது எந்த வகையிலும் முக்கியத்துவம் பெறாத ஒரு சாதாரண நிகழ்வு.

தேஜ்கர் கிராமத்தவர்கள், பொட்டு வைத்ததைக்கூடக் குற்றமாகக் கருதுகிறார்கள் என்றால், தங்களின் மதத்தவர் அன்பின் மிகுதியால், பிற மதத்தவரைக் கட்டியணைப்பது தொட்டுப் பேசுவது போன்றவையும் குற்றம் என்பார்களா?

இந்து-இஸ்லாம் மதங்களைச் சேர்ந்த ஆணும் பெண்ணும் மனப்பூர்வமாய்க் காதலித்துத் திருமணம் புரிந்தால் எத்தனைப் பெரிய தண்டனை இவர்கள்[தேஜ்கர் கிராமத்தவர்] வழங்குவார்களோ?

அதை, இவர்களால் வணங்கப்படுகிற அல்லாவே அறிவார்.

அல்லா மட்டுமே கடவுள் என்பது இவர்களின் நம்பிக்கை.

எந்தவொரு அளவீட்டுக்கும் உட்படாத, அகன்று விரிந்து பரந்த பிரமாண்டமான பிரபஞ்சத்தை நிர்வகிக்கிற, ஒரே ஒரு கடவுளான அல்லா, ஒருவர் இன்னொருவரின் நெற்றியில் திலகம் இடுவதைக்கூடக் கண்காணிக்கிறார் என்பது எள்ளி நகையாடற்குரிய நம்பிக்கையாகும்.

அல்லாவோ வேறு எல்லாமுமாக இருக்கிற ஏதோவொரு கடவுளோ, அப்படி ஒருவர் இருந்தால், சாதி, சமயம் என்ற எந்தவொரு கட்டுக்குள்ளும் அடைபடாதவர் அவர் என்பதை, இஸ்லாமியர் மட்டுமல்ல, மற்ற மதத்தவரும் புரிந்துகொள்ளுதல் வேண்டும்.

அது அவர்களுக்கு மட்டுமல்ல, ஒட்டுமொத்த மானிடர் குலத்துக்கும் நன்மை பயப்பதாக அமையும்!