'தாய்ப்பால் நகைகள்!'...[இது நகைச்சுவைப் பதிவல்ல!]

தாய்ப்பாலில் நகைகள் செய்து அணியும் புதுமைக் கலாச்சாரம் வளர்கிறது என்றால் நம்ப முடிகிறதா? நம்புங்கள், ப்ரீத்தி விஜய் என்னும் பெண்மணி[தேனாம்பேட்டை, சென்னை]தாய்ப்பாலில் நகைகள் செய்து விற்பனை செய்துவருவதாக, 'ராணி' வார இதழ்[11.03.2018] செய்தி வெளியிட்டுள்ளது.

ப்ரீத்தி விஜய் சொல்கிறார்:

''முகநூலில், 'ஸ்மார்ட் மம்மீஸ்'னு ஒரு குழு இருக்கு. இளம் தாய்மார்கள் தங்களுக்கான சந்தேகங்களைத் தெரிவிப்பாங்க. 'பிறந்த குழந்தை தாய்ப்பாலை உறிஞ்சி குடிக்க மாட்டேங்குது. என்ன செய்யமலாம்னு சொல்லுங்க' என்பது போல.

இதுல ஒரு அம்மா கேட்டிருந்தாங்க...'அமெரிக்காவில் தாய்ப்பாலில் நகைகள் செய்யுறாங்க. இந்தியாவில் இப்படிச் செய்யுறவங்க இருக்காங்களா?'னு. யாருமே பதில் சொல்லல. நான் 'கிளே' மற்றும் காகித நகைகளும் அது சார்ந்த பல்வேறு கைத்தொழில்களும் செய்துட்டு இருந்ததால, இதுக்கு முயற்சி பண்ணினா என்னன்னு தோணிச்சி. நான் படிச்சது பி.காம்., பி.ஜி.ஹெச்.ஆர்.

துணிஞ்சி இறங்கினேன்.

ஒரு தாய்கிட்ட மூனு டீஸ்பூன் பால் வாங்கி தேவையான அளவு எடுத்துகிட்டு மீதியை அவர் பேர் எழுதி ஃபீரிஸரில் வைச்சிடுவேன். செயல்முறையில் தவறு நேர்ந்தா சேமிப்பிலிருந்து எடுத்துக்கொள்ளலாம்.

தாய்ப்பாலில் கெமிக்கல் கலந்து, திடப்பொருளாக்கி, விரும்பும் வடிவில் 'மோல்ட்' செஞ்சி, தேவையான, 'மெட்டல்' போன்ற பொருட்கள் உபயோகிச்சி நகைகள் செய்யுறேன்.'' 

'பிளைன் ஹார்ட் பென்டட்'னு சொல்ற இதய வடிவ டாலர்தான் முதன்முதலில் செய்தாராம் ப்ரீத்தி விஜய்.

இந்தத் தாய்ப்பால் நகை உடம்புக்கு நன்மை தருமோ இல்லையோ கெடுதல் செய்யாது என்று உறுதிபடக் கூறுகிறார்.

இந்தியாவின் மேல்தட்டு, கீழ்த்தட்டு என்று அனைத்துத் தரப்புப் பெண்களிடமிருந்து மட்டுமல்லாமல், அமெரிக்காவிலிருந்துகூட ஆர்டர்கள் வருகின்றனவாம்.

தாய்ப்பாலில் நகை செய்யும் அதிசயத்தை நிகழ்த்துபவர் நம் தமிழ்நாட்டைச் சேர்ந்த ஒரு பெண் என்பதில் நாமெல்லாம் பெருமைப்படலாம்.

=================================================================================

நன்றி: 'ராணி' வார இதழ்.

https://www.ietamil.com/, www.dinakaran.com போன்ற தளங்கள் இது குறித்துச் செய்திகள் 
வெளியிட்டுள்ளன.

'அந்த ஆள்' ராஜா அல்ல; சேவகன்!!

ஆயிரம் ஆண்டுகளுக்கும் மேலாக, பக்தியின் பெயரால் தமிழர் மனங்களில் மூடநம்பிக்கைகளைத் திணித்து, கடவுளின் பிரதிநிதிகளாகத் தம்மை நிலைநிறுத்திச் சுக வாழ்வு வாழ்ந்தது ஒரு கூட்டம்/கும்பல்.

பெரியாரின் மூடநம்பிக்கை ஒழிப்புப் பரப்புரை இந்த வந்தேறிகளின் முகத்திரையைக் கிழித்ததோடு தமிழர்களைத் தன்மானம் மிக்கவர்களாகவும் வாழவைத்தது. இது அண்மைக்கால வரலாறு.

ஆத்திகம், அரசியல் என்று பல்வேறு துறைகளிலும் ஆதிக்கம் செலுத்திய, சூட்சும புத்தியுடைய இந்தக் கும்பல், பெரியாரின் புகழைச் சிதைக்கவும் தங்களின் இழந்த கௌரவத்தை மீட்டெடுக்கவும் தக்க தருணத்தை எதிர்பார்த்துக் காத்திருந்தது.

பெரியாரின் தன்னலமற்ற பகுத்தறிவுச் சிந்தனைகளால், சிந்திக்கக் கற்று, மூடநம்பிக்கைகளிலிருந்து விடுபட்டுவந்த தமிழர்கள், அவரின் மறைவுக்குப் பின்னர், அவரின் கொள்கைகளைப் போற்றி வளர்க்கப் போதிய தலைவர்கள் வாய்க்காத காரணத்தால்  மீண்டும் காட்டுமிராண்டிகளாக மாறத் தொடங்கினார்கள்.

தமிழர்களின் இத்தகையதொரு மாற்றத்தைத்தான் இந்தக் கூட்டத்தினர் ஆவலோடு எதிர்பார்த்துக் காத்திருந்தனர்.

தக்க சூழ்நிலை வாய்க்கவே, தாங்கள் இட்டுக்கட்டிய ஆன்மிகக் கதைகளைத் தமிழர்களிடையே பரப்புவதில் தீவிரம் காட்டினார்கள். தமிழில் வெளிவரும் மிகப் பல தினசரிகளும்  பருவ இதழ்களும் இவர்களுக்குத் துணை நின்றன; நிற்கின்றன. இதன் விளைவு.....

தமிழகத்தில் பகுத்தறிவாளர்களின் எண்ணிக்கை சரிந்து, மூடத்தனங்களைச் சுமந்து திரியும் மூடர்களின் எண்ணிக்கை மளமளவென்று அதிகரித்தது; அதிகரிக்கிறது.

இந்தச் சூழ்நிலைதான், எச்சி ராஜா என்று பெயர்கொண்ட ஒரு நபரை, வெறி பிடித்த தெரு நாயைப் போல் நாடெங்கும் குரைத்துக்கொண்டு  திரிய வைத்திருக்கிறது; பெரியாரை இழிவுபடுத்தியதற்கு மன்னிப்புக் கேட்காமல், வருந்துவதாக மழுப்பிவிட்டுப் பெரியாரவர்கள் தமிழை மேம்படுத்துவதற்காகச் சொன்ன கருத்துகளைத் திரித்து, அவர் தமிழை இழிவுபடுத்தியதாகப் பொய் சொல்லி அலைய வைத்திருக்கிறது.

உண்மையில், தந்திர புத்தியும் குயுக்தியும் நிறைந்த இந்தக் கும்பலுக்குத் தலைமை தாங்கும் தகுதியுடைய ஆளல்ல இந்த நபர். ஒரு சேவகன் மட்டுமே. இந்த ஆளை இயக்குவது, தமிழனைத் தன்மானம் இழக்கச் செய்வதற்காக முனைப்புடன் இயங்கிக்கொண்டிருக்கும் இந்தக் கும்பல்தான். பரம்பரை பரம்பரையாய்க்  கல்வி கற்பதை மட்டுமே குலத்தொழிலாகக்[கோயில்களில் மணியடிப்பது, மந்திரம் சொல்வதெல்லாம் துணைத் தொழில்] கொண்டவர்கள் இந்தக் கும்பலைச் சேர்ந்தவர்கள். நாட்டை ஆளும் அரசியல்வாதிகளின் நிரந்தர ஆதரவு இவர்களுக்கு எப்போதும் உண்டு. தமிழர்கள் இவர்களை முற்றிலுமாய்ப் புரிந்துகொள்ளுதல் இன்றைய காலத்தின் கட்டாயம்.

ஜாதி, மதம், கட்சி போன்ற அனைத்து வேறுபாடுகளையும் கடந்து, சுயநலப்போக்கைக் கைவிட்டுத் தமிழர்கள் ஒருங்கிணைந்து செயல்பட வேண்டிய நேரம் இது.

தமிழர்கள் இணைவார்களா? அஞ்சாமையுடன் செயல்படுவார்களா?