'புற்றுநோய்'ஐத் தடுக்கும் பயனுள்ள உணவுகள்!

உலகம் முழுவதும் சுமார் 9.5 மில்லியன் மக்கள் ஆண்டுதோறும் புற்றுநோயால் இறக்கின்றனர்.  புற்றுநோய் வராமல் தடுக்கும் உணவுகளுக்கான பட்டியல்:

*கேரட்: பல வகையான புற்றுநோய்களின் தாக்கும் அபாயத்தைத் தடுக்கவும், வந்தபின்னர் குறைக்கவும்  இது உதவுகிறது.

*பட்டாணி, பயறு, பீன்ஸ்: இவை அதிகச் சத்துள்ள பருப்பு வகைகளாகும். இவற்றிலுள்ள 'பைட்டிகா அமிலம்' மற்றும் 'சபோனின்கள் போன்ற பைட்டோ கெமிக்கல்கள்', புற்றுநோய் செல்கள் இனப்பெருக்கம் செய்வதைத் தடுக்கின்றன. வயிறு மற்றும் பெருங்குடல் புற்றுநோயின் அபாயத்தை இவை வெகுவாகக் குறைக்கும். 

*பெர்ரி: இது புற்றுநோயால் உண்டாகும் சேதத்திலிருந்து  உயிரணுவைப் பாதுகாக்கும் திறனைக் கொண்டது. புற்று நோயால் தாக்கப்பட்டுவிட்டாலும், பெர்ரிகளில் உள்ள எலாஜிக் அமிலம் மற்றும் அந்தோசயின்கள் போன்ற பல பாலிபினால்கள் உயிரணுக்களுக்கு ஏற்படும் சேதத்தைக் குறைத்துக் குணப்படுத்தும். 

*அவுரிநெல்லிகள், ஸ்ட்ராபெர்ரி மற்றும் ராஸ்பெர்ரிகள்: இவை உணவின் ஒரு பகுதியாக இருந்தால் பல நன்மைகள் விளையும்.

*இலவங்கப்பட்டை: இது ஆன்டிகான்சர் பண்புகளைக் கொண்டிருப்பதாக வெவ்வேறு ஆய்வுகளால் அறியப்பட்டுள்ளது.. 

இலவங்கப்பட்டைச் சாறு புற்றுநோய் செல்களை அழிக்கிறது. உருவான கட்டிகளின் வளர்ச்சியையும் பரவலையும் குறைப்பது கண்டறியப்பட்டுள்ளது. உணவில் தினமும் சுமார் 4 கிராம் இலவங்கப்பட்டை சேர்ப்பது  நல்லது.

*மஞ்சள்: பாரம்பரிய மருத்துவக் குணங்களுக்காக அறியப்பட்ட ஒன்று. இது 'குர்குமின்' எனப்படும் ஒரு மூலப்பொருளைக் கொண்டுள்ளது, இது அழற்சி எதிர்ப்பு, ஆக்ஸிஜனேற்ற மற்றும் புற்றுநோய் எதிர்ப்பு விளைவுகளைக் கொண்டுள்ளது. 

நுரையீரல், புரோஸ்டேட் மற்றும் மார்பகப் புற்றுநோய் ஆகியவற்றின் உயிரணுக்களின் வளர்ச்சியைக் குறைக்கிறது என்றும் கண்டறியப்பட்டுள்ளது. 

*ஆளி விதைகள்: ஆளி விதை பெருங்குடல், தோல், மார்பகம் மற்றும் நுரையீரல் புற்றுநோய்களுடன் போராட வல்லது. இவற்றில் 'லிக்னான்கள்' எனப்படும் ஆன்டிஆக்ஸிடன்ட் உள்ளது. இது மிகவும் பயனுடையது. 

ஆளிவிதைகளில் ஒமேகா 3 கொழுப்பு அமிலங்களும் உள்ளன. இவை வீக்கத்தைக் குறைப்பதற்கும் உடலின் நோய் எதிர்ப்புச் சக்தியை அதிகரிப்பதற்கும் உதவுவதாக அறியப்பட்டுள்ளன. 

*தக்காளி இது பலவிதப் புற்றுநோய்களையும் எதிர்க்கும் பண்புகளைக் கொண்டுள்ளது. இது ஆன்டிஆக்ஸிடன்ட் ஆகும், இது செல்களைச் சேதத்திலிருந்து பாதுகாக்கும் திறனுக்காக அறியப்பட்டுள்ளது.

மேலும், தக்காளி புற ஊதா ஒளியை உறிஞ்சுவதன் மூலம் சருமத்தைப் புற்றுநோயிலிருந்து பாதுகாக்கும். அன்றாட உணவில் சாஸ்கள், சூப்கள் மற்றும் பழச்சாறுகள் வடிவில் தக்காளியை உட்கொள்ளலாம்.  

*பூண்டு: இதை உட்கொள்வதற்கும் சில வகையான புற்றுநோய்களின் அபாயத்தைக் குறைப்பதற்கும் இடையிலான உறவைச் சுட்டிக்காட்டப் பல்வேறு அறிவியல் ஆய்வுகள் வந்துள்ளன. பூண்டில் புற்றுநோய்ச் செல்களைக் கொல்லக்கூடிய 'அல்லிசின்' உள்ளது.  அன்றாட உணவில் சுமார் 3-5 கிராம் பூண்டு சேர்த்து அதன் ஆன்டிகான்சர் பண்புகளைப் பயன்படுத்திக் கொள்ளலாம். 

உதவி: https://tamil.boldsky.com/

திருப்பதி ஏழுமலையான் தெலுங்கர்களுக்கு மட்டுமே சொந்தமானவரா?!?!

#திருப்பதி தேவஸ்தானம் சார்பில் தெலுங்கு பேசும் மாநிலங்களில் 500 கோவில்கள் கட்ட முடிவு செய்யப்பட்டுள்ளதாகத் தேவஸ்தானச் செயல் அதிகாரி தெரிவித்துள்ளார்# -இது செய்தி[makkalkural.net/news/].

100% தெலுங்கு பேசும் மக்கள் வாழ்கிற மாநிலம் எதுவுமில்லை. பெரும்பான்மையினர் அம்மொழி பேசும் மாநிலங்கள் ஆந்திராவும் தெலங்கானாவும். 

செயல் அதிகாரி, மொழியைக் குறிப்பிடாமல் இவ்விரு மாநிலங்களில் 500 கோயில்கள் கட்டப்படும் என்று சொல்லியிருக்கலாம்.

தெலுங்கு பேசுவோர் சிறுபான்மையினராக வாழும் மாநிலங்கள் தமிழ்நாடு, கர்னாடகா, கேரளா போன்றவை. 

இவ்வகை மாநிலங்களில் 500 ஏழுமலையான் கோயில்கள் கட்டப்படும் என்றுகூடச் சொல்லியிருக்கலாம்.

இந்தியாவின் பல மாநிலங்களில் இவ்வெண்ணிக்கையில் கோயில்கள் கட்டப்படும் என்று சொல்லியிருப்பினும் தவறில்லை.

இவ்வாறெல்லாம் சொல்வதற்குப் பதிலாகத் தெலுங்கு பேசும் மாநிலங்களில் 500 கோ யில்கள் கட்டப்படும் என்று தெரிவித்திருக்கிறார் செயல் அதிகாரி. ஏழுமலையானுக்கு மிகப் பெரும் எண்ணிக்கையில் கோயில்கள் கட்டுவது ஏழுமலையானின் பக்தர்களுக்குப்[தெலுங்கு மட்டுமன்றிப் பல மொழி பேசுபவர்கள்] பேருவகை தரும் செய்தியாக இருக்கக்கூடும்.

எனவே, பல மொழி பேசும் மக்களுக்குச் சொந்தமான ஏழுமலையானுக்கு.....

பல மாநிலங்களில் 500 கோயில்கள் கட்டப்படும் என்று சொல்லாமல், தெலுங்கு பேசும் மாநிலங்களில் என்று தெரிவித்திருப்பது..... 

[திருப்பதி தேவஸ்தானச் செயல் அதிகாரியின் எண்ணப்படி], திருப்பதி ஏழுமையான் தெலுங்கு பேசும் தெலுங்கர்களுக்கு மட்டுமே சொந்தமானவரா என்று சந்தேகம் கொள்ளத் தூண்டுகிறது.

இங்கே, தமிழர்களில் ஒருசாரார் 'முருகன்' தமிழ்க் கடவுள் என்று சொல்லிக்கொண்டிருப்பதன் எதிர்வினையோ இது?

'கன்னடம் பேசும் மாநிலங்களில் '.....' கோயில்கள் கட்டப்படும்' என்னும் அறிவிப்பும், 'மலையாளம் பேசும் மாநிலங்களில் '.....' கோயில்கள் கட்டப்படும்' என்னும் அறிவிப்பும், இவை போன்ற மேலும் பல அறிவிப்புகளும் வெகு விரைவில் வரக்கூடுமோ?!

கூடும் எனின்.....

கற்பிக்கப்பட்ட கடவுள்களிலும் பாகப்பிரிவினையா என்று எள்ளி நகையாடத் தோன்றுகிறது.