"ஒன்று... ஒன்று... ஒன்று...” -ஒன்றிய அரசின் ஓயாத ஒப்பாரி!!!

இந்திய ரயில்வேயின் ‘ஒரு நிலையம் ஒரு தயாரிப்பு’(OSOP >உள்ளூர்களுக்கான குரல்) என்னும் திட்டம் நாடு முழுவதும் உள்ள 535 ரயில் நிலையங்களை உள்ளடக்கியது.

2022-23 மத்தியப் பட்ஜெட்டில் ‘ஒரு நிலையம் ஒரு தயாரிப்பு’ என்பது இந்திய அரசால் அறிவிக்கப்பட்டது.

நிலையம் என்பது ரயில்நிலையத்தைக் குறிக்கும்.

ஒவ்வொரு ரயில் நிலையத்தையும் ஒரு விளம்பர மையமாக உருவாக்குவதும், உள்ளூர் மற்றும் உள்நாட்டு உற்பத்திப் பொருட்களை அங்குக் காட்சிப்படுத்துவதும் இத்திட்டத்தின் நோக்கமாகும்.

ஒவ்வொரு ரயில் நிலையத்தையும் விளம்பர மையமாக்குவது ஏனையத் திட்டங்களைப் போன்றதொரு திட்டம் என்பதால் வரவேற்கத்தக்கதே.

ஆனால், ரயில் நிலையங்களில் இடம்பெறும் விளம்பரங்களுக்கு, ‘ஒரு ரயில் நிலையம் ஒரு தயாரிப்பு’ என்னும் தலைப்பு எதற்கு?

இந்தியா ஒரே நாடு[ஒரே நாடு ஒரே தேர்தல்] என்று தொடர்ந்து மேடகளில் பேசுகிறார்கள்;  கண்ட கண்ட இடங்களில்[ரயில் நிலையங்களில் போல] எழுதுகிறார்கள்.

நமக்கான சந்தேகம்: 

இந்தியா ஒரே நாடாகத்தானே இருக்கிறது. அப்புறம் எதற்கு, “இது ஒரே நாடு... ஒரே நாடு... ஒரே நாடு” என்னும் ஒப்பாரி?

மிக மோசமானதும் பாரபட்சமானதுமான அவர்களின்[பாஜக] ஆட்சி காரணமாக[எதிர்க்கட்சிகள் ஆட்சியைக் கைப்பற்றுவதும் அத்தனை எளிதல்ல] இந்த நாடு உடைந்து சிதறும் என்று அஞ்சுவதுதான்.

தங்களைத் திருத்திக்கொள்வதில் சிறிதும் அக்கறை காட்டாமல், ‘ஒன்று... ஒன்று... ஒன்று...’ என்று ஓய்வில்லாமல் ஒப்பாரி வைத்துக்கொண்டிருப்பதால் இனியும் இந்த நாடு ‘ஒன்று’ ஆக இருக்க வாய்ப்பில்லை என்றே சொல்லத் தோன்றுகிறது!

                                    *   *   *   *   *

OSOP திட்டம்>‘உள்ளூர்களுக்கான குரல்’[ஊடகச் செய்தி]:

இது உள்ளூர் உற்பத்தியாளர்களின் தயாரிப்புகளை விற்க உதவுவதோடு, சமூகத்தில் ஒதுக்கப்பட்ட பிரிவினருக்குக் கூடுதல் வருமான வாய்ப்புகளையும் உருவாக்கும். இந்தத் திட்டத்தின் கீழ், தகுதியுள்ள அனைத்து விண்ணப்பதாரர்களுக்கும் சுழற்சி அடிப்படையில் ஒதுக்கீடு செய்யப்படுகிறது. இத்திட்டத்தின் முன்னோடித் திட்டம் மார்ச் 25, 2022 அன்று தொடங்கப்பட்டது.

https://www.financialexpress.com/business/railways-what-is-one-station-one-product-scheme-how-many-stations-are-covered-all-details-inside-2936009/

அல்லா[ஹ்] மட்டுமல்ல எல்லாக் கடவுள்களும் இப்படித்தான்!!!

//பாகிஸ்தான்: போராட்டத்தின்போது, மிக உயரமான கன்டெய்னரில் அமர்ந்து மத வழிபாடு செய்துகொண்டிருந்த நபர் ஒருவரை, பாதுகாப்புப் படையினர் இரக்கமின்றிக் கீழே தள்ளிவிடும் காட்சி[காணொலி முகவரி கீழே] இணையத்தில் வைரலாகி வருகிறது// -செய்தி. https://www.puthiyathalaimurai.com/world/pakistan-forces-pushing-praying-protester-off-containers-goes-to-v

படம்: 

‘பெரிய போராட்டம் நடந்துகொண்டிருந்தபோது கடவுள் ‘அல்லா’விடம் கையேந்திப் பிரார்த்தனை செய்யத் தூண்டியது ‘பரம பக்தியா’, பித்துக்குளித்தனமா?’ என்னும் விவாதம் இப்போது வேண்டாம்.

போராட்டம் வெற்றி பெறுதல் வேண்டுமென்றோ,  பாதுகாப்புப் படையினரின் தாக்குதலை அல்லா தடுத்து நிறுத்துதல் வேண்டும் என்றோ அந்தப் பக்தர் பிரார்த்தனை செய்திருப்பார்.

அவரின் பிரார்த்தனைக்குச் செவி சாய்த்து அவருடையக் கோரிக்கையைக் கடவுள் அல்லா[ஹ்] நிறைவேற்றியிருத்தல் வேண்டும்[பாவம், பக்தர் அத்தனை உயரத்திலிருந்து தள்ளிவிடப்பட்டதைக்கூடத் தடுக்கவில்லை; அந்த நபர் இறந்திருக்கவும்கூடும்]; செய்யவில்லை[தள்ளிவிட்டவனையாவது தண்டிப்பாரா?!].

இவர் என்றில்லை, வேறு எந்தவொரு கடவுளும்[இருந்தால்] பக்தர்களின் வழிபாட்டைப் பொருட்படுத்துவது இல்லை என்பதே உண்மை.

இது அல்லாவையோ, எல்லாக் கடவுள்களையுமோ இழிவுபடுத்துவதற்கான பதிவு அல்ல; அல்லவே அல்ல.

இதன் நோக்கம் நம் உள்மன உறுத்தலை  வெளிப்படுத்துவது மட்டுமே.

                                     

                        *   *   *   *   *

காணொலி[கிளிக்குக]:

https://x.com/CopsGoneWrong/status/1861591638381867484?ref_src=twsrc%5Etfw%7Ctwcamp%5Etweetembed%7Ctwterm%5E1861591638381867484%7Ctwgr%5E51524c2901b77f045bc1d1830e887c805e4cf44b%7Ctwcon%5Es1_c10&ref_url=https%3A%2F%2Fwww.puthiyathalaimurai.com%2Fworld%2Fpakistan-forces-pushing-praying-protester-off-containers-goes-to-viral-videoiral-video].