உறவை மேம்படுத்துவதாகச் சொல்லிச் சொல்லி உலகம் சுற்றும் மோடி! ஓர் ஒப்பாய்வு!!

‘இரு நாட்டு உறவுகளைப் பலப்படுத்த மோடியார் ‘பூடான்’[Bhutan] நாடு போகிறார்’ -இது இன்றைய காலைச் செய்தி[‘சன்’ தொ.கா.]. இது நேற்றே ஊடகங்களில் வெளியான பழைய செய்தியும்கூட.

இப்படிச் சொல்லிக்கொண்டு,  இவர் சுற்றிவராத நாடுகள் உலகில் எத்தனை என்பதை எண்ணுவதற்குப் பத்தே பத்து விரல்கள் போதும்.

இரு நாட்டு உறவைப் பலப்படுத்துகிறாராம்.

நாட்டுப்பற்றுள்ள ஒவ்வொரு இந்தியக் குடிமகனும் கேட்க வேண்டிய கேள்விகள்.....

இவரின் சுகபோகச் சுற்றுலாவால்[மக்களுக்கான வரிப்பணத்தில்> கோடி கோடியாய்]உலகின் எத்தனை நாடுகள் இந்தியாவுடன் ஒட்டி உறவாடுகின்றன?

இந்தியாவின் எல்லைப்புற நிலப்பகுதிகளைச் சீனா ஆக்கிரமித்தபோதெல்லாம்[மோடி ஆட்சியில்> இந்திய அரசால் மறைக்கப்பட்ட நிகழ்வுகள்] அதை எத்தனை நாட்டுத் தலைவர்கள் கண்டித்தார்கள்?

இந்தியா-பாகிஸ்தான் போரைத் தான்தான் தடுத்து நிறுத்தியதாக டிரம்ப் மீண்டும் மீண்டும் சொல்வதைக் கண்டிப்பதற்கான ‘தில்’ இல்லாத மோடியிடம், “நாங்கள் உனக்குப் பக்கபலமாக இருக்கிறோம். அந்த ஆளை எச்சரித்து அறிக்கை விடு” என்று எத்தனைத் தலைவர்கள் தெம்பூட்டினார்கள்?

கீழ்க்காண்பது மேற்கண்டவற்றைக் காட்டிலும் மிக முக்கியமான கேள்வி:

“இந்தியாவுடனான உறவைப் பலப்படுத்த இந்நாள்வரை எத்தனை நாட்டுத் தலைவர்கள் இந்தியாவுக்கு வருகை புரிந்திருக்கிறார்கள்?

இன்னும் கேட்கலாம்.

கேட்க வேண்டியவர்கள் நம் ‘சொரணை’ இல்லாத மக்கள்.

“அனுபவி ராஜா அனுபவி” என்று சொல்லித்தான் கடவுள் இவரை இங்கே அனுப்பியிருப்பார் போலும்!

அழியும் மனித அறிவும் அழியாத கடவுளும்!

‘மாறாதது எதுவும் இல்லை; மாற்றம் மட்டுமே நிரந்தரம்’["Nothing is permanent; change is the only constant"]  என்றார்கள்.

‘அழியாமல் இருப்பது எதுவும் இல்லை; அழிவே நிரந்தரம்’["Nothing is immortal, death is eternal"  என்றும் சொல்லலாம்.

கோள்கள், நட்சத்திரங்கள், பஞ்ச பூதங்கள்[மூலங்கள்], உயிர்கள் என்று மாற்றங்களுக்கு உள்ளாகும் அனைத்துமே அழிவுகளுக்கும் உள்ளாகின்றன.

எத்தனைதான் சிந்தித்தாலும், மாற்றங்களும் அழிவுகளும் நிகழ்வது ஏன் என்பது புரியாத புதிர்.

எதுவும் புரியாத நிலையில், மாற்றமும் அழிவும் இல்லாதவரான கடவுள்தான் மாற்றங்களையும் அழிவுகளையும் நிகழ்த்துகிறார் என்று சொன்னவர்கள் யார்?

மாற்றங்களுக்கு உள்ளாகி அழிந்துபோனவர்கள் சொன்னார்கள்.

மாற்றங்களுக்கு உள்ளானாலும், இன்னும் அழியாமல் இருக்கும் ஆறறிவுள்ள மனிதர்கள் இதை எப்படி நம்புகிறார்கள்?

“ஒன்னுமே புரியல இந்த உலகத்திலே!”