சிதம்பரம் நடராசன் கோயிலில் ‘ரிகார்டு டான்ஸ்’!!!

கீழ்க்காண்பது கொஞ்சம் பழைய செய்தியின்[விகடன்,  09 Oct 2024 2 PM] சுருக்கம் ஆனால், ஆண்டுகள் பல கழிந்தாலும் ‘சூடு’ ஆறாதது

சிதம்பரத்தை அடுத்த வல்லம்படுகை கிராமத்தைச் சேர்ந்தவர் இளையராஜா. சிதம்பரம் நடராசன் கோயிலுக்குச் சென்றபோது, கோயில் வளாகத்தில், சாமிக்கு மணியடிக்கும் அர்ச்சகர்கள் குழு ஒன்று ‘கிரிக்கெட்’ விளையாடுவதைக் கண்டு அதிர்ச்சியடைந்தார்; அதைக் காணொலியாகவும் 'பதிவு செய்தார்.

இதைக் கண்டு வெகுண்டெழுந்த 'அவாள்’ கும்பல் நடராசனைத் தாக்கிக் காயப்படுத்தியதோடு, "கோயிலுக்குள் கிரிக்கெட் விளையாடலாமா?” என்று அவர் கேட்டபோது, “இது எங்கள் கோயில். கிரிக்கெட் விளையாடுவோம். எங்கே வேண்டுமானாலும் புகார் செய்” என்று ஆணவத்துடன் விதண்டவாதம் பேசியிருக்கிறார்கள். இந்த நிகழ்வைக் காணொலியாகவும் பதிவு செய்து சமூக ஊடகங்களில் வெளியிட்டிருக்கிறார்கள்.

மணியடிப்பதைத் தவிர, கோயில் கட்டுமானத்திற்கோ பராமரிப்புக்கோ எந்தவிதப் பங்களிப்பும் செய்யாத இந்த வேதம் ஓதும் கூட்டத்திற்கு எங்கிருந்து வந்தது இந்தத் துணிச்சல்?

மக்களின் வரிப்பணத்திலும் உழைப்பிலும் சிதம்பரம் கோயிலைக் கட்டி, கடவுளால் அசரீரியாகச் சொல்லி அருளப்பட்டவை வேதமந்திரங்கள் என்று ‘அவாள்’ அடித்துவிட்ட கதைகளை நம்பி, பூஜை செய்ய அவர்களை அனுமதித்த அரசர்கள் செய்த மாபெரும் தவறுதான் காரணம்.

பக்தியின் பெயரால் அவர்களால் திணிக்கப்பட்ட ஏராள மூடநம்பிக்கைகளிலிருந்து மக்கள் விடுபடாமலிருந்ததும் முக்கியக் காரணம் ஆகும்.

மேலும், மன்னர் ஆட்சிக்காலம் முடிந்தபின்னர் மக்களால் தேர்ந்தெடுக்கப்பட்டவர்கள் ஆண்டபோதும், அவர்களைக் கடவுளின் பிரதிநிதிகளாகக் கருதி, தேவையே இல்லாமல் கோயில் நிர்வாகத்தில் அவர்களுக்குப் பங்களித்தது மிகப் பெரிய தவறாகும்.

காலங்காலமாகத் தொடர்ந்த இந்தத் தவறுகள்தான், 'கோயில் எங்களுடையது' என்று சொல்லிக் கோயிலுக்குள்ளேயே ‘கிரிக்கெட்’ விளையாடுமளவுக்கு அவர்களை அட்டூழியம் புரிய வைத்தன.

ஆக,

சிதம்பரம் கோயில் சில நூறு தீட்சிதர்களுக்கும் சொந்தமானது[அவர்கள் சொல்வது] என்னும் நிலையில், இன்று கிரிக்கெட் விளையாடிய அவர்கள், வரும் நாட்களில் கரகாட்டம் நடத்திக் குதூகலிப்பார்கள்; ‘ரிகார்டு டான்ஸ்’ என்னும் பெயரில் அரைகுறை ஆடையுடன் அழகிகளை ஆடவிட்டு ரசிப்பார்கள்.

‘ஒரிஜினல்’ பக்திமானான மோடியின் அமோக ஆதரவு உள்ளவரை பகுத்தறிவுச் சிந்தனையாளர்கள், அறநிலையத்துறையினர் என்று எவராலும் இவர்களின் கால் சுண்டுவிரலைக்கூட அசைக்க முடியாது!

[தீட்சிதர்களுக்கு ஆதரவு தெரிவித்த உலக மகா உத்தமன் எச்சி ராஜா]

https://www.vikatan.com/government-and-politics/police-registered-case-against-nataraja-temple-dikshitars-for-assaulting-a-person?utm_source=newsshowcase&utm_medium=gnews&utm_campaign=CDAqEAgAKgcICjCejf8KMN389wIwjOGsAw&utm_content=rundown&gaa_at=g&gaa_n=AWsEHT7S5ogp_eqG40CGg4Unsqky9DY4RVVFnjDLrbxHyi2XkzFlE5CVomi7Sc6RXWQW912t5R6S09kBhD4n&gaa_ts=67069ddb&gaa_sig=IhEixbzgviInokUWkWGT4DEXVig3S-t14ydIf3h7fYvhfbmu0MAOw651rJFcKTaEelXZP_cOrOjsmQ4epQ9o1Q%3D%3D