இதயத்தின் இரண்டு கீழ் அறைகளுக்கு இடையிலான சுவர் ‘செப்டம்’ என்று அழைக்கப்படுகிறது[அறைகள் வென்ட்ரிக்கிள்கள் என்று அழைக்கப்படுகின்றன]. இந்தச் சுவர்[செப்டம்] சில நேரங்களில் தடிமனாகிவிடுவதுண்டு. இதனால், இதயத்தின் இரத்த ஓட்டம் தடைபடும். இது ‘ஹைபர்டிராஃபிக் கார்டியோமயோபதி’[Hypertrophic Cardiomyopathy] என்று அழைக்கப்படும் ஒரு வகை இதய நோய் ஆகும்.
உடற்பயிற்சியின்போதும், சில நேரங்களில் கடினமான உடல் இயக்கத்தின்போதும் மயக்கம், ஒழுங்கற்ற இதயத் துடிப்பு அல்லது படபடப்பு, சுவாசிப்பதில் சிரமம் ஆகியவை ஏற்படக்கூடும்.
ஹைபர்டிராஃபிக் கார்டியோமயோபதி காரணமாக, இதயத்தின் முக்கிய பம்பிங் அறையான இடது வென்ட்ரிக்கிள் விறைத்து இதயம் ஓய்வெடுப்பதைக் கடினமாக்குகிறது; சீரான ரத்த ஓட்டம் பாதிக்கிறது.
இது 50% மரபும் காரணமாக இருக்கலாம். திடீர் மரணம் ஏற்படவும் இந்நோய் காரணமாக அமையலாம்.
ஹைபர்டிராஃபிக் கார்டியோமயோபதியை(HCM)த் தடுப்பதற்குச் சிகிச்சை ஏதும் இல்லை[இப்போதைக்கு] என்பது அறியத்தக்கதொரு சோகச் செய்தி.
* * * * *
***இப்பதிவுக்கு ஆதாரமாக அமைந்த கட்டுரை[ஆங்கிலம்], வடிவமைப்பு, கூறியது கூறல், தெளிவற்ற நடை போன்ற குறைகளை உள்ளடக்கியது. தமிழாக்கம் செய்து நம் மொழி மரபுக்கேற்பச் சீர் செய்து வெளியிடப்பட்டுள்ளது இது என்பதைக் கவனத்தில் கொள்க.