கூர்மதி இல்லாத கூமுட்டைகளும் ‘சத்குரு’ என்னும் வெற்று மனிதனும்!!!

 ‘சத்குரு பிறந்த இடம் எது?’ என்பது ‘quora.com' இல் கேட்கப்பட்ட கேள்வி.

இதற்கு, ‘ஆரத்தி கொடிகள்’ என்னும் கூமுட்டை அளித்த பதில்.....

//இந்த ஒரு வாழ்நாளில் அவர் 2 பிறவிகள் எடுத்திருக்கிறார் தெரியுமா? முதலில், 1957ஆம் ஆண்டு செப்டம்பர் 3ஆம் தேதி கர்நாடகாவின் மைசூரில் சாதாரண மனிதராகப் பிறந்தார்.....

அவர் இரண்டாவது முறையாக 1982 செப்டம்பர் 23 அன்று ஞானம் பெற்றபோது, ​​மீண்டும் கர்நாடகாவின் மைசூருவில் சாமுண்டி மலையில் பிறந்தார்//

‘ஒரு பூ மலர்வதைப் போல, ஞானம் பெறுதல் நிகழ்கிறது’ என்று ஜக்கி சொல்லியிருப்பதை அவரின் படத்துடன் பதிவு செய்திருக்கிறார்[கீழே] அந்த அம்மையார்.

ஞானியாம் ஞானி!

இந்த ஞானி 2 பிறவிகள் எடுத்தாராம்.

மனிதனாகப் பிறந்த ஒருவர், அவர் எவ்வளவு பெரிய ஞானி என்று பெயர் பெற்றிருந்தாலும் அவருக்கும் சாவு என்பது 100% நிச்சயம்.

சாமுண்டி மலையில் 2ஆவது பிறவி எடுத்தார் என்றால், முதல் பிறவி எடுத்த அவர் 2ஆவது பிறவி எடுப்பதற்கு முன்பு செத்திருக்க வேண்டும்.

சாமுண்டி மலையில்தான்[2ஆம் பிறவி எடுப்பதற்கு முன்பு] செத்தாரா, வேறு எங்குமா?

செத்த அடுத்த நொடியே மறுபிறவியா, அல்லது, கொஞ்ச நாள் செத்த இடத்திலேயே சீந்துவாரற்றுக் கிடந்தாரா?[பிறர் கண்ணில் பட்டிருந்தால் குழு தோண்டிப் புதைத்திருப்பார்கள்].

ஞானியாம் ஞானி!

இந்த ஞானி நம்மையெல்லாம் போல ஊணுறக்கம் கொள்ளாமலே உயிர் வாழ்கிறாரா?

மற்ற எளிய மனிதர்களுக்குப் பசி எடுப்பது போல இந்த ஞானிக்குப் பசி எடுப்பதில்லையா?

பசித்தால், எதையும் தின்பதில்லையா?

தின்பது ஜீரணமானால், மலம் கழிக்கிறாரா, அல்லது மலத்தை காற்றில் ஆவியாகக் கரையச் செய்கிறாரா?

மலத்தைச் சற்றுத் தாமதமாகக் கழித்தால் அது நாறுகிறது.

இந்த ஞானியின் மலம் மல்லிகை மலர் போல் கமகம என்று மணக்குமா?

இவரின் சிறுநீர் நறுந்தேன் போல சுவைக்கச் சுவைக்க இனிக்குமா?

என்னய்யா ஞானம்? வெங்காய ஞானம்?

பிரபஞ்சத் தோற்றம் ஏன்? உயிர்கள் பிறப்பது ஏன்? இறப்பது ஏன்? இன்பதுன்பங்களெல்லாம் எதற்கு?

தோன்றிய பிரபஞ்சம் அழியுமா? எப்போது? எப்போதும் இருந்துகொண்டே இருக்குமா?

இத்தனை கேள்விகளுக்கும் விடை கண்டு சொன்னவர் எவருமில்லை.

இப்படி இன்னும் எத்தனையோ புரியாத கேள்விகள் மனித இனத்தைத் திணறடித்துக்கொண்டிருக்கின்றன. இவற்றில் எத்தனை கேள்விகளுக்கு இந்த ஞானி விடை கண்டறிந்து சொல்லியிருக்கிறார்?

இவர்தான் தன்னைப் பிறவி ஞானி என்கிறார் என்றால், அதை வழிமொழிகிற கூமுட்டைகள் உலகெங்கும் இருக்கிறார்கள். அவர்களுக்குக் கொஞ்சமும் சிந்திக்கிற அறிவு இல்லை.

இந்த எண்ணிக்கை பெருகுகிறது. விளைவு.....

இந்த ஞானி கோடிகளில் புரள்கிறார்.

தினம் தினம் விதம் விதமாய் உடைகள்; விலையுயர்ந்த பைக்குகள், பறக்கும் வானூர்திகள் என்று உலகை வலம்வந்து குதூகளிக்கிறார்.

கூமுட்டைகள் கூமுட்டைகளாகவே வாழ்ந்துகொண்டிருக்கிறார்கள்!

==========================================================================

அதென்ன ‘பாம்பே O' ரத்த வகை?!

'பாம்பே o' பிரிவு ரத்தம் மிகவும் அரிதான ஒன்று. இது இரண்டரை லட்சம் மக்களில் ஒருவருக்கு மட்டுமே இருப்பதாகக் கூறப்படுகிறது. 

இந்திய நாட்டில் முதன் முதலில் இந்த 'HH பிரிவு' இரத்த வகையானது, 1952ஆம் ஆண்டு மும்பையில் கண்டறியப்பட்டதால் இதற்குப் ’பாம்பே இரத்தப் பிரிவு’(Bombay Blood Group) என்று அப்போது பெயரிட்டனர்.

பொதுவாக 'O' பிரிவு ரத்தத்தை `யுனிவர்சல் டோனர்’ என்பார்கள். அதாவது, `A’, `B’, `AB’ ஆகிய அனைத்து ரத்தப் பிரிவினருக்கும் ‘O' ரத்தத்தை ஏற்ற முடியும். ஆனால், `HH’ ரத்தப் பிரிவு[பாம்பே ‘o’] உள்ளவர்களுக்கு இதைக்கூட ஏற்ற முடியாது[bbc.com]

பத்து லட்சம் பேர்களில் நால்வருக்குத்தான் இந்த ரத்தவகை இருக்கிறது. இந்தியாவில் இதுவரை 179 பேருக்கு இந்த ரத்தப் பிரிவு இருப்பது கண்டுபிடிக்கப்பட்டிருக்கிறது. அவர்களில் மும்பையில் மட்டும் 35 பேர் இருக்கிறார்கள். மேற்கு வங்கத்தில் 12 பேரும் மற்றவர்கள் தமிழ்நாடு உள்பட இந்தியாவின் பல பகுதிகளிலும் வாழ்கின்றனர்.

இந்த ரத்த வகையைப் பற்றி விரிவாக விளக்குகிறார் ராஜீவ் காந்தி அரசு மருத்துவமனையின் ‘ரத்தவங்கி’த் துறைத் தலைவர் மருத்துவர் சுபாஷ் அவர்கள்.

"இந்த ரத்தப் பிரிவை, 1952ஆம் ஆண்டு பம்பாயில், டாக்டர் பெண்டே(Dr. Y. M. Bhende) என்பவர்தான் முதன்முதலில் கண்டறிந்தார். அதனால் இது, `பாம்பே குரூப்’ என்று அழைக்கப்படுகிறது. மரபணுக்கள்தான் ரத்தப் பிரிவுகளைத் தீர்மானிக்கின்றன. ஒரு குறிப்பிட்ட மரபணு இருப்பவர்களிடம் மட்டும்தான் இந்த ரத்தவகை இருக்கும். பம்பாயில் சில குறிப்பிட்ட மக்களிடம் இது ஆரம்பகாலத்தில் இருந்தது .

இப்போது அனைத்துப் பகுதிகளிலும் இந்தப் பிரிவு ரத்தம் உள்ளவர்கள் இருக்கிறார்கள். மற்ற பிரிவுகளைக்கூட, தவிர்க்க முடியாத சில நேரங்களில் மாற்றி ஏற்றிக்கொள்ளலாம். ஆனால், 'பாம்பே குரூப்' உள்ள ஒருவருக்கு ரத்தம் தேவைப்பட்டால், மற்ற எந்தப் பிரிவு ரத்தத்தையும் ஏற்ற முடியாது.

‘பாம்பே குரூப்’ உள்ளவர்கள் வருடத்துக்கு ஒருவர் அல்லது இருவர்தான் எங்கள் மருத்துவமனைக்குச் சிகிச்சைக்கு வருகிறார்கள். இதே ரத்தப் பிரிவில் உள்ள பத்து நபர்கள் எங்களுடன் எப்போதும் தொடர்பில் இருக்கிறார்கள். இந்த வகையைச் சேர்ந்த யாராவது வந்து அட்மிட் ஆனால், அவர்களுக்கு ஃபோன் பண்ணிச் சொல்லுவோம். அவர்களில், யாராவது ஒருவர் வந்து ’ரத்தத் தானம்’ செய்வார். சென்னையில் மூன்று பேர் இருக்கிறார்கள். மற்றவர்கள் வெளியூர்களில் இருக்கிறார்கள். எந்த ரத்தத்தையும் 35 நாள்களுக்கு மேல் சேமித்துவைத்திருக்க முடியாது. இதன் காரணமாக அதிகமாகப் பாதிக்கப்படுவது `HH' வகை ரத்தப் பிரிவினர்கள்தான்" என்றார்[vikatan.com].

========================================================================