தண்ணீரில் தோன்றிய தெய்வம்!... உலகில் இதுவரை நிகழாத அதிசயம்!?!?!

‘தண்ணீரில் தோன்றிய தெய்வம்’ என்னும் தலைப்பில் செய்தி வெளியிட்டு[காணொலியும் வெளியாகியுள்ளது] பக்திமான்களை ஆனந்தக் கண்ணீரில் மிதக்கச் செய்துள்ளது ‘தினத்தந்தி’ நாளிதழ்.

கடவுள் நம்பிக்கை இல்லாத ‘நாத்திகப் பதர்’ ஆகிய நான் தலைப்பை வாசித்ததும் மனம் திருந்தி, “ஆகா, தண்ணீரிலிருந்தொரு தெய்வம் வெளிப்பட்டதா?” என்று மெய்சிலிர்த்தேன்[தினத்தந்திச் செய்தி உண்மையாக இருக்கும் என்னும் நம்பிக்கையில்].

அது ஆணா, பெண்ணா?

யாமறிந்த பல்லாயிரம் தெய்வங்களில் அது எதுவாக இருக்கும்?

எம்பெருமான் சிவபெருமானா, காக்கும் கடவுள் கண்ணபிரானா, முருகனா, அண்ணாமலையானா, உண்ணாமுலையம்மனா, இலக்குமியா, கலைவாணியா, கடவுள்களின் கடவுளான அதியோகி சிவனா என்றிப்படிக் கேட்டுக் கேட்டு[அடிமனதில் அல்லாவும் கர்த்தரும்கூடத் தோன்றி மறைந்தார்கள். ஹி... ஹி... ஹி!!!] உடனடியாக விடை அறியும் ஆர்வத்துடன் விரிவான செய்தியை வாசிக்கத் தொடங்கினேன்.

வாசிப்புக்கிடையே மேற்கண்டவர்களில் எவரும் இல்லை; அதிசயம் நிகழ்த்திய அந்த அகில உலகப் பிரபலம் ‘விநாயகப் பெருமான்’ என்பது தெரியவந்தது.

தண்ணீரில் தோன்றிய, அந்த அழுக்குப் பிள்ளையாரை[அம்மையின் அழுக்கில் அவதரித்தவர்] முதலில் காணும் பேறு பெற்றவர்கள் பற்றி அறியும் ஆர்வத்துடன் வாசிப்பைத் தொடர்ந்ததில், கீழ்க்காணும் தகவல்களை அறிய முடிந்தது.

//கடலூர் அருகே ஆதிவராகநல்லூரைச் சேர்ந்த கல்யாணசுந்தரமும் சுபாஷ் என்பவரும் அங்குள்ள வாய்க்காலில் மீன்பிடிப்பதற்காகத் தண்ணீரை இறைத்துள்ளனர். 

அப்போது அங்கு புதைந்த நிலையில் இருந்த பிரமாண்டக் கருங்கல் விநாயகர்[சிலை என்று குறிப்பிடவில்லை தினத்தந்தி] அவர்களுக்குக் காட்சி அளித்துள்ளார். 

இந்தச் செய்தி, சுற்றுவட்டார மக்களிடையே பரவ, அவர்கள் விநாயகரைச் சுத்தம் செய்து சூடம் ஏற்றி வழிபாடு நடத்தியுள்ளனர். 

இது குறித்த தகவலின்பேரில் சம்பவ இடத்திற்குச் சென்ற வருவாய்த்துறை அதிகாரிகள் விநாயகர் சிலையை மீட்டு ஆய்வு செய்துவருகின்றனர்[‘ஆய்வு நிகழ்த்தியபோது விநாயகப்பெருமான் மாயமாய் மறைந்துவிட்டார்’ என்னும் செய்தி சில நாட்களில் வெளிவரும். காத்திருங்கள் பக்தர்களே]//

காலங்காலமாய் இங்கு இருக்கிற முட்டாள்கள் போதாதென்று, புத்தம்புதிய முட்டாள்களை உருவாக்குவதில் தினத்தந்தி[தினமலரை மிஞ்சும் வகையில்]ஆற்றியுள்ள பணி மகத்தானது!

https://www.thanthitv.com/latest-news/cuddalore-vinayagar-in-water-173991

===========================================================================================

பாதிரியின் சல்லாபமும் கில்லாடித் திருடர்களின் வல்லாண்மையும்!!!

கன்னியாகுமரியைச் சேர்ந்த பாதிரியார்[‘யார்’ தேவையா?] பெனெடிக் ஆண்டோ என்பவர், தேவாலயத்துக்கு வரும் பெண்களை, குறிப்பாகக் கல்லூரி மாணவிகளை மயக்கி ஆபாசமாக வீடியோகால் பேசி[இன்னும் என்னவெல்லாம் செய்தாரோ?] அவ்வப்போது ஆனந்தப் பரவசத்தில் திளைத்ததோடு, வசதி படைத்த பெண்களிடம் பணம் கேட்டு மிரட்டியும் இருக்கிறார்.

தங்களின் மானமும் மரியாதையும் கெட்டுவிடக்கூடாது என்று அஞ்சிய பெண்கள் அவர் கேட்ட பணத்தைக் கொடுத்தும் இருக்கிறார்கள். வசதி இல்லாதவர்கள் கர்த்தரிடம் முறையிட்டிருக்கக்கூடும்.

கர்த்தர் கண்டுகொள்ளவில்லையோ என்னவோ, வசதி இல்லாத பெண்களில் ஒருத்தி காவல்துறையினரிடம் புகார் செய்ய, அவர்களும் பாதிரி மீது வழக்குப்பதிவு செய்தார்கள்.

கிறித்தவத் தேவாலயத்தின் ‘பாதிரியார்’ என்பது கௌரவம் மிக்க பதவி என்பதால், பாதிரி குற்றம் செய்ததற்கான ஆதாரங்களைத் திரட்டி அவரைக் கைது செய்வது காவல்துறைக்கு அத்தனை எளிதல்ல.

இந்த நிலையில், சில மர்ம நபர்கள் பாதிரியைத் தாக்கி, அவருடைய கணினியைத் திருடினார்கள்.

பாதிரியின் லீலைகள் அதில் பதிவாகியிருக்கும் என்று அனுமானித்துதான் அவர்கள் அதைத் திருடியிருக்கிறார்கள்[சில நேரங்களில் சில திருடர்கள் நம் பாராட்டுக்கு உரியவர்களே]; அவரின் அந்தரங்க லீலைகளைக் காணொலியாக்கி[வீடியோ]ச் சமூக வலைதளங்களில் வெளியிட்டிருக்கிறார்கள். விளைவு.....

பாதிரியின் காமக் களியாட்டங்கள் குறித்து மக்கள் கதை கதையாகப் பேசுகிறார்களாம்.

காணொலியைச் சம்பந்தப்பட்ட பாதிரியும் பார்த்திருக்க வேண்டும். காவல்துறையிடம் சிக்கிக்கொள்ளாமலிருக்கத் தலைமறைவாகிவிட்டார்.

காவலர்கள் அவரைக் கண்டுபிடித்துக் கைகளில் விலங்குபூட்டுவதற்கு வெகு நாட்கள் தேவைப்படாது.

தமிழ்நாடு காவல்துறை 'ஸ்காட்லேண்ட் யார்டு[Scotland Yard] போலீசுக்கு நிகரானதாக்கும்.      

     *   *   *   *

மேற்கண்ட 'tamil.oneindia' செய்திக்கான பின்னூட்டங்களில் கீழ்க்காண்பதும் ஒன்று:

//Murali 7h

இதே ஒரு இந்து சாமியார்னா எல்லா போலி சமூக ஆர்வலர்களும் வாய் கிழிய பேசியிருப்பாங்க, மீடியா விவாதம் நடத்திருக்கும், ஏன்? முதலமைச்சர் கூட கூட்டம் போட்டு பேசியிருப்பார். தலைமறைவு, கல்லில் ஃபர்ஸ்ட் கிளாஸ் சிறை, பிறகு காப்பாற்றப்படுதல் என எல்லாம் இவனுக்கு நடக்கும்.//

‘முரளி’கள் இனியும் இம்மாதிரியான குற்றங்களைச் சுமத்தமாட்டார்கள் என்று நம்புவோம்!

=================================================================================================

https://tamil.oneindia.com/news/kanyakumari/complaint-against-kanyakumari-priest-after-leak-of-sex-videos/articlecontent-pf880786-503274.html  -17.03.2023