அவர் சமரச சன்மார்க்கவாதியாம்! இவர் சனாதன தர்மியாம்!!

‘அருட்பிரகாச வள்ளலார்’ என்று அழைக்கப்படும் ராமலிங்க அடிகளாரின் 200ஆவது பிறந்தநாள் கொண்டாட்ட நிறைவு விழா தமிழ்நாடு ஆளுநர் மாளிகையில் இன்று காலை நடைபெற்றது. இந்த விழாவில் காணொலி வாயிலாகப் பங்கேற்று உரையாற்றிய பிரதமர் மோடி, "பெண்களுக்கான 33% இடஒதுக்கீட்டை வள்ளலார் இருந்திருந்தால் பாராட்டியிருப்பார்" என்று கூறியுள்ளார்[https://tamil.oneindia.com/].

வள்ளலார் உயிரோடு இருந்தால் பெண்களுக்கான ஒதுக்

கீட்டைப் பாராட்டியிருப்பார் என்பது மோடியின் எதிர்பார்ப்பு;

பேராசையும்கூட. 

'எதிலும் பொது நோக்கம் வேண்டும், பசித்தவர்களுக்குச் சாதி, மதம், இனம், மொழி வேறுபாடு கருதாது உணவளித்தல் வேண்டும்; மத வெறி கூடாது' ஆகியவை வள்ளலாரின் முக்கியக் கொள்கைகள்[https://ta.wikipedia.org/wiki/].

அவர் மோடிக்குப் பாராட்டுரை வழங்கியிருப்பார் எனின், அதற்கு முன்னால்.....

“இந்தியாவை மதச் சார்பின்றி[சமரச சன்மார்க்கம்] வழிநடத்த வேண்டிய நீங்கள்,  இந்துத்துவா வெறியை வளர்க்கிறீர்கள்; இந்த நாட்டின் பெயரை ‘இந்து ராஜ்ஜியம்’ என்றோ, ‘ராமராஜ்ஜியம்’ என்றோ மாற்ற முயல்கிறீர்கள்; இந்தியையும் சமஸ்கிருதத்தையும் வளர்த்து, இந்த நாட்டின் பிற மொழிகளையும்,  அந்த மொழிகளைத் தாய்மொழியாகக் கொண்ட இனங்களையும் கொஞ்சம் கொஞ்சமாகச் சிதைத்து அழிக்க நினைக்கிறீர்கள். இதுவா நீங்கள் என் சமரச சன்மார்க்க நெறியைப் பின்பற்றும் லட்சணம்?” என்று கேட்டிருப்பாரே, அதற்குப் பிரதமர் மோடியால் ஒளிவு மறைவு இல்லாமல் பதில் சொல்லியிருக்க முடியுமா?

இதே விழாவில் கலந்துகொண்ட, புனிதராம் ஆளுநர் ரவி, 

“அனைவரும் ஒன்று என்று வள்ளலார் சொல்வதுதான் சனாதன தர்மம்”  என்று சனாதன தர்மத்திற்குப் புத்தம் புதிய விளக்க உரையை வழங்கியிருக்கிறார்.

பாவம் சனாதன தர்மம், இவரையும், இவரைப் போன்ற இதர  அதர்மவாதிகளிடமும் சிக்கிப் படாதபாடு படுகிறது அது.

“அனைவரும் சமம்[ஒன்றுதான்] என்பது சிந்திக்கத் தெரிந்த எவரொருவரும் வலியுறுத்துகிற வாழ்வியல் நெறியாகும். இதைச் சொல்ல சனாதன தர்மம், சர்வலோக நிவாரணம் எல்லாம் தேவையில்லை.

வாழ்க்கைக்குத் தேவையான அத்தனை அறநெறிகளும்[தர்ம நெறி] சனாதன தர்மத்தில் அடங்குகின்றன என்று மக்களை நம்பச் செய்ய இவர்கள் செய்யும் அலப்பறை கொஞ்சநஞ்சமல்ல.

மாநிலத்தை ஆளுபவர் அல்லவா, அனைத்தும் தெரிந்த மகான் என்னும் நினைப்பில் மனம்போன போக்கில் எதையும் பேசலாம்; எப்படியும் பேசலாம்; பேசுகிறார்; பேசிக்கொண்டே இருக்கிறார் ரவி!

தமிழர்களை மன நோயாளிகள் ஆக்கி, அவர்களின் மொழிபற்றையும் இனப்பற்றையும் அறவே இல்லாமல் செய்வதற்குத்தான் இவரை ஆளுநர் கிரீடம் சூட்டி இங்கு அனுப்பியிருக்கிறார் ஒப்பாரும் மிக்காரும் இல்லாத தலைவர் மோடி.

                                   

                            *   *   *   *   *

https://tamil.oneindia.com/news/chennai/pm-modi-is-confident-that-vallalar-would-have-appreciated-the-33-reservation-for-women-545207.html

https://ta.wikipedia.org/wiki/%E0%AE%87%E0%AE%B0%E0%AE%BE%E0%AE%AE%E0%AE%B2%E0%AE%BF%E0%AE%99%E0%AF%8D%E0%AE%95_%E0%AE%85%E0%AE%9F%E0%AE%BF%E0%AE%95%E0%AE%B3%E0%AF%8D

இந்தக் காட்டுமிராண்டிகளை[சு.சாமி உட்பட]க் கடலில் தள்ளுவதா, நாடு கடத்துவதா?!

சுமார் 1 பில்லியன்[100 கோடி] ஆண்டுகளுக்கு முன்பு உயிரினங்கள் தோற்றம் பெற்றதாக அறிவியலறிஞர்கள் சொல்கிறார்கள். 

வால் இல்லாத மனிதக் குரங்குகள் நான்கு கோடி ஆண்டுகளுக்கு முன் தோன்றின என்று அறிவியல் துறை கணித்திருக்கிறது.

பத்து லட்சம் ஆண்டுகளுக்கு முன்பு ஆதி மனிதன் தோன்றினான் என்றும் அது அனுமானித்திருக்கிறது [விக்கிப்பீடிய

50 ஆயிரம் ஆண்டுகளுக்கு முன் மனித இனத்தின் அறிவிலும் திறனிலும் ஒரு திடீர் உயர்வு தோன்றியது. கருவிகள் மேன்மேலும் செம்மையும் செயல்திறனும் பெற்றவையாக உருவாக்கப்பட்டன. வாழ்க்கை முறையில் சிரமம் குறைந்தது. ஓய்வு நேரம் கூடியது. வாய்மொழியாக இசையைப் பாடுவதும் கருவிகளைக் கொண்டு வாசிப்பதும் உருவானது. மக்கள்தொகை பெருகியது['இந்து தமிழ்'].

ஆக, மனிதனின் சிந்திக்கும் அறிவு[ஆறாம் அறிவு] வளர ஆரம்பித்ததே 50 ஆயிரம் ஆண்டுகளுக்கு முன்பிருந்துதான் என்று அறிவியலாளர்கள் உறுதி செய்திருக்க.....

தமிழ்நாட்டுக்கும் இலங்கைக்கும்[ஸ்ரீலங்கா] இடையில் அமைந்துள்ள மணல் திட்டை, ராமன்[கடவுள் அவதாரம்] கட்டிய பாலம் என்றும், அது பல லட்சம் ஆண்டுகளுக்கு முன்பு கட்டப்பட்டது என்றும் ராமப் பக்தப் புளுகர்கள் பரப்புரை செய்துவரும் நிலையில்,[இதனால் சேது சமுத்திரத் திட்டம் கிடப்பில் போடப்பட்டுக் கைவிடப்பட்டது] அவர்களில் ஒருவரான[அசோக் பாண்டே] என்பவர்.....

பாலத்தை இரு கண்களாலும் பார்த்துப் பார்த்துக் கழிபேருவகை கொள்ளும் வகையில் மிக உயரமான சுவர் எழுப்ப வேண்டும் என்று இந்திய உயர்நீதி மன்றத்தில் பொதுநலன் மனு ஒன்றைத் தாக்கல் செய்தார்[https://ibctamil.com/article/rama-bridge-judgment-of-supreme-court-of-india-1696393365].....

இராமர் பாலத்தைச் தேசியப் புராதானச் சின்னமாக அறிவிக்க வேண்டும் என்பது தொடர்பாக, பாரதீய ஜனதாவின் சுப்பிரமணியன் சுவாமி உள்ளிட்டப் பலர் வழக்குத் தொடுத்திருந்தனர் என்பதும் அறியத்தக்கது.

மனுக்களை விசாரணைக்கு எடுத்துக்கொண்ட நீதியரசர்கள், “கட்டுமானப் பணிகளை மேற்கொள்வதில் தலையிடுவது எல்லாம் நீதிமன்றத்தின் பணியா?” என்று கேள்வி எழுப்பி மனுவைத் தள்ளுபடி செய்தார்கள் என்பது [மகிழ்வூட்டும்]செய்தி.

பல லட்சம் ஆண்டுகளுக்கு முன்பு, தெய்வீகப் பிறவியான ராமன் என்பவன் இந்த நாட்டை ஆண்டான்; பாலம் கட்டினான் என்பது மக்களை மூடர்கள் ஆக்குவதோடு நீதியரசர்களின் நேரத்தை விரயம் ஆக்குவதும் ஆகும்.

நேரத்தை வீணடித்ததற்காக, அந்த ஆறறிவு முட்டாளுக்கு அபராதம் விதித்திருக்கலாம்.

அதைவிடவும்.....

மனிதர்களைக் காட்டுமிராண்டிகளாக ஆக்க முயலும் இவரையும், இவரைப் போன்ற ஆதி மனிதன்களை, இவர்கள் ராமன் பாலம் இருப்பதாகச் சொல்லும் சேது சமுத்திரத்தில் மூழ்கடிக்கும்படியோ, அது சட்ட விதிப்படி சாத்தியம் இல்லையென்றால், குறைந்த பட்சம் நாடு கடத்தும்படியோ ஆணை பிறப்பித்திருக்கலாம்.

அது நம் மக்களின் வாழ்க்கைத்தரம் மேம்படுவதற்கு உறுதுணையாக அமைந்திருக்அமைந்திருக்கும்.