காலை நேரக் களிப்பூட்டும் நற்செய்தி!!!

சற்று முன்னர்[காலை 07.30 மணி] ‘சன்’ தொலைக்காட்சியில் வெளியான உவப்பூட்டும் செய்தி:

‘மேகாலயா’ சட்டப்பேரவை கூடவிருக்கும் நிலையில், 

தொடக்க உரை ஆற்றவுள்ள ஆளுநர் பி.டி.மிஸ்ரா என்பவர் தம் உரையை இந்தியில் வாசிக்கவுள்ளதாகத் தகவல் வெளியானது.

இதை எதிர்த்து மேகாலயா சட்டமன்ற எதிர்க்கட்சி உறுப்பினர்கள் தங்களின் கடுமையான எதிர்ப்பைத் தெரிவித்திருக்கிறார்கள்.

இந்தியாவின் தெற்கு மாநிலங்களில் தமிழ்நாடு மட்டுமல்லாமல், கர்னாடகாவிலும் கேரளாவிலும்கூட இந்தி எதிர்ப்புப் புயல் மையம்கொண்டிருக்கும் நிலையில், வடகிழக்கே உள்ள ஒரு மாநிலத்தில்[மேகாலயா] இந்தித் திணிப்புக்குக்  கடந்த ஆண்டிலிருந்தே கடும் எதிர்ப்புப் புயல் வீசத் தொடங்கியிருப்பது, இந்தியாவை ‘இந்தி’யாவாக ஆக்க முயலும் இந்தி மொழி& இன வெறியன்களை எச்சரிப்பதாக அமைந்துள்ளது.

இப்புயல், இந்தியைத் தாய்மொழியாகக் கொள்ளாத பிற மாநிலங்களிலும் உருவாதல் வேண்டும் என்பது நம் ஆசை.

வெகு விரைவில் இந்த ஆசை நிறைவேறும் என்பது நம் நம்பிக்கை.

*   *   *   *   *

கடந்த சட்டமன்றக் கூட்டத்தொடரில்[மார்ச், 2023] ஆளுநர் இந்தியில் உரையாற்றியபோதே எதிர்க்கட்சியினர் கடும் எதிர்ப்புத் தெரிவித்தார்கள் என்பது அறியத்தக்கது.

//மேகாலயாவில் கடந்த திங்கள்கிழமை பட்ஜெட் கூட்டத்தொடர் தொடங்கியது. அப்போது மேகாலயா ஆளுநர் பாகு செளஹான் உரை நிகழ்த்தித் தொடங்கிவைக்க வந்திருந்தார். ஆங்கிலத்தை அலுவல் மொழியாகக்கொண்ட மேகாலயா சட்டப்பேரவையில், ஆளுநர் இந்தியில் உரை நிகழ்த்தினார். இதற்கு எதிர்ப்புத் தெரிவித்த விபிபி கட்சி எம்.எல்.ஏ-க்கள் ஆளுநரை ஆங்கிலத்தில் உரையாற்றக் கோரிக்கை விடுத்தனர். இதனால், அவையில் அமளி ஏற்பட்டது.// https://www.vikatan.com/government-and-politics/meghalaya-vpp-stages-walkout-in-protest-of-governors-hindi-speech

***இச்செய்தி மிகப் பல ஊடகங்களில் 2023இல் வெளியானது குறிப்பிடத்தக்கது.

தேவை இன்னும் பல ‘குரு தாத்தா’[திரைப்படம்]க்கள்!!!

கடவுள் நம்பிக்கையோ, மூடநம்பிக்கைச் சாடலோ,  சாதி மத ஒழிப்போ என்றிவை போன்ற எதைப் பற்றியும் எத்தனைதான் வலியுறுத்திப் பேசினாலும் எழுதினாலும்[அவர்கள் மிகச் சிறந்த அறிஞர்களாயினும்] அவற்றிற்கு நம் மக்களிடையே போதிய வரவேற்புக் கிடைப்பதில்லை.

அதே வேளையில், ‘எயிறு நோகாமல் பல் குத்துவது எப்படி?” என்பது போன்ற வெகு அற்ப விசயங்கள் பற்றி, சினிமா பிரபலங்கள் சமூக ஊடகங்களில் எழுதினாலோ, திரைப்படங்களில்  பேசினாலோ அவற்றிற்கு நம் மக்கள் அளிக்கும் வரவேற்பு விவரிப்புக்கு அப்பாற்பட்டது; லட்சக்கணக்கில் அவற்றை ஆதரித்து[லைக்ஸ்]க் கருத்துரை[பின்னூட்டம்]யும் வழங்குவார்கள்.

இந்தித் திணிப்பை எதிர்த்துத் தொடர்ந்து நமமவர்கள் குரல் கொடுத்தும்கூட, அதைப் பொருட்படுத்தாமல், தன் அதிகாரத்துக்கு உட்பட்ட அனைத்துத் துறைகளிலும் இந்தியைத் திணித்துவிட்டது மத்திய அரசு; திணித்துக்கொண்டிருக்கிறது.

இந்நிலையில் இந்தித் திணிப்பை எதிர்க்கும் வகையில் காட்சிகள் இடம்பெற்ற திரைப்படம் ஒன்று வெளியாகவிருப்பது மிக்க மகிழ்ச்சியைத் தருகிறது.

அந்தத் திரைப்படம் குறித்த தகவல்கள்:

தென்னிந்திய சினிமாவில் முன்னணி நடிகையாகத் திகழும் கீர்த்தி சுரேஷ் கடைசியாக 'மாமன்னன்' படத்தில் கம்யூனிஸ்ட் சித்தாந்தம் கொண்டவராக நடித்திருந்தார். இதனையடுத்து, தற்போது இந்தித் திணிப்புக்கு எதிராகக் குரல் எழுப்புபவராக, 'ரகு தாத்தா' என்ற படத்தில் நடித்துள்ளார். ஹோம்பாலே பிலிம்ஸ் நிறுவனம் தயாரித்துள்ள இப்படத்தின் டீசர் வெளியாகி, தற்போது ரசிகர்கள் மத்தியில் அமோக வரவேற்பினைப் பெற்றுவருகிறது.

இந்த டீசரின் ஆரம்பத்திலே ‘என்சிசி’ தொடர்பான அணிவகுப்பில், நடைமுறை நிகழ்வுகள் குறித்த விளக்கம் இந்தியில் சொல்லப்படுகிறது. அப்போது கீர்த்தி சுரேஷ், “தமிழ்ல்ல சொல்லுங்க. ஒண்ணுமே புரியல” என்று துவக்கத்திலே இந்தி எதிர்ப்பை வெளிப்படுத்துகிறார்.

அதனைத் தொடர்ந்து, “இந்தியில் எழுதினால்தான் எனக்குப் ப்ரமோஷன் கிடைக்குமா? அப்படின்னா எனக்கு அந்தப் ப்ரோமோஷனே தேவையில்லை” என்று அவர் ஆவேசமாகச் சொல்வதும், கரும்பலகையில் இருக்கும் இந்தியை அழிப்பதும் போன்ற காட்சிகளும் டீசரில் இடம்பெற்றுள்ளன.

இறுதியில் இவற்றையெல்லாம் மீறி, “இந்தி தெரியாது போய்யா” என தமிழ்நாட்டின் டிரெண்டிங்கான டையலாக்கைக் கீர்த்தி சுரேஷ் சொல்வதாக டீசர் முடிவடைந்துள்ளது.

மொத்தத்தில், இந்தித் திணிப்புக்கு எதிராக ஹுயூமர் கலந்து 'ரகு தாத்தா' படம் உருவாக்கப்பட்டுள்ளது என்பது டீசரிலே உறுதி ஆகியுள்ளது. கீர்த்தி சுரேஷிற்கும் இந்தப் படம் நிச்சயமாகச் சிறப்பான ஒன்றாக அமையும் என ரசிகர்கள் எதிர்பார்க்கின்றனர். எம்.எஸ். பாஸ்கர், தேவதர்ஷினி, ரவீந்திர விஜய் உள்ளிட்ட பலர் நடித்துள்ள 'ரகு தாத்தா' படம் விரைவில் வெளியாகவுள்ளது குறிப்பிடத்தக்கது.

https://tamil.samayam.com/?back=1