'டெல்டா பிளஸ்', வைரஸ்களின் 'தாதா'... உ.சு.அ.['WHO'] கடும் எச்சரிக்கை!!!

*'மக்களிடையே இதுவரை பரவிய கொரோனா வைரஸ் வகைகளில் 'டெல்டா' வகை உருமாறிய கொரோனாதான் அதிக வேகமும் ஆபத்தும் கொண்டது என உலகச் சுகாதார அமைப்பு தெரிவித்துள்ளது.'

*'ஏனையத் தொற்றுகளைவிடவும் மோசமான இந்தத் தொற்றால். தடுப்பூசி போடாதவர்களுக்கு ஆபத்து அதிகம்! என்பதாகவும் அது எச்சரித்துள்ளது.' 

*கொரோனா வைரஸ், பல்வேறு நாடுகளில் மரபணு மாற்றம் அடைந்துள்ளது; இங்கிலாந்து, பிரேசில், தென்னாப்பிரிக்கா, இந்தியா உள்ளிட்ட நாடுகளில் உருமாற்றம் அடைந்து இருக்கிறது. இந்தியாவில் உருமாறிய கொரோனா வைரசுக்கு 'டெல்டா' என்று பெயரிடப்பட்டுள்ளது.' 

*இந்தியாவில் உருமாறிய 'டெல்டா' கொரோனா வைரஸ் உருமாற்றம் அடைந்து 'டெல்டா பிளஸ்' வைரஸாக உருவெடுத்தது. இந்த டெல்டா வகை வைரஸ் 85 நாடுகளில் பரவி உள்ளது.'

*'உலக அளவில் சீனா, போலந்து, ஸ்விட்சர்லாந்து, ரஷ்யா, பிரிட்டன், போர்ச்சுகல், ஜப்பான் உள்ளிட்ட நாடுகளில் டெல்டா ப்ளஸ் பாதிப்பு கண்டறியப்பட்டுள்ளது.'

*'இந்தியாவில் இதுவரை சுமார் 40 பேருக்கு[இந்த எண்ணிக்கை இப்போது அதிகரித்திருக்கக்கூடும்] இந்தப் பிரச்னை கண்டறியப்பட்டுள்ளது. கேரளா, மத்தியப் பிரதேசம், மகாராஷ்டிரா ஆகிய மாநிலங்களில் பாதிப்பு உள்ளது. கேரளாவில் 4 வயதுச் சிறுவன் உட்பட சில பேருக்குப் பாதிப்புக் கண்டறியப்பட்டுள்ளது. தமிழகத்திலும் பாதிப்பு உறுதியாகியுள்ளது.' 

ஆக, தடுப்பூசி போட்டுக் கொள்ளாதவர்களை 'டெல்டா பிளஸ்' கடுமையாப் பாதிக்கும் என்பது அறியத்தக்கதாகும். 

***மேற்கண்ட கொரோனா தொடர்பான அண்மைச் செய்திகளை நீங்கள் அறிந்தே இருப்பீர்கள். எனினும், 'நினைவூட்டல்' பொருட்டு இங்குத் தொகுத்து வழங்கப்பட்டுள்ளன.

'காக்கை-நரி'க் கதை... புதுசோ புதுசு!!!

'காக்கை - நரி'க் கதை மிகப் பழையது. கால மாறுதலுக்கேற்ப 'முடிவு' மாற்றியமைக்கப்பட்ட கதைகளும் உள்ளன. இது புதியது; இன்றையச் சூழ்நிலையைக் கருத்தில் கொண்டு வடிவமைக்கப்பட்டது. உங்களுக்கு மிகவும் பிடிக்கும்!

                                                    *  *   *

பாட்டி வடை சுட்டுக்கொண்டிருந்தாள்.

எச்சில் துப்புவதற்குப் பக்கவாட்டில் அவள் திரும்பிபோது,  தட்டிலிருந்த வடைகளில் ஒன்றை 'லபக்'கிய காக்கை, அருகிலிருந்த காட்டுக்குப் பறந்து சென்று ஒரு மரக்கிளையில் அமர்ந்தது.

அங்கே வந்த ஒரு நரி வடையைக் கவரும் எண்ணத்துடன், "காக்கா... காக்கா, உன் குரல் ரொம்ப இனிமையானதுன்னு கேள்விப்பட்டிருக்கேன். எனக்காக ஒரு பாட்டுப் பாடு" என்றது.

நரியின் புகழ்ச்சிக்கு மயங்கிய காக்கையும் வாயில் வடை இருப்பதை மறந்து பாட ஆரம்பித்தது. அதன் வாயிலிருந்த வடை நழுவித் தரையில் விழுந்தது.

நரி புருவம் சுருக்கியது.

"எத்தனை தடவை கேட்டாலும் சலிக்காத, நெஞ்சில் தேன் சிந்தும் தமிழ்ப் பாடல்கள் எவ்வளவோ இருக்க, 'கர்... கர்... கர்'னு இந்தியில் பாடுறே நீ. சகிக்கல" என்றது நரி, கடும் கோபத்துடன்.

அதைக் காதில் போட்டுக்கொள்ளாத காக்கை தொடர்ந்து இந்திப் பாட்டைப் பாடிக்கொண்டே இருந்தது.

கடுப்பாகிப் போன நரி, "உன் இந்திப் பாட்டு வேண்டாம். உன் ஊத்தை வாயால் தொட்டு எடுத்த வடையும் வேண்டாம்"னு சத்தம் போட்டுச் சொல்லிவிட்டு அங்கிருந்து ஓட்டமாய் ஓடி மறைந்தது!