'பெல்ஸ் பால்சி'[Bell's palsy] என்பது தற்காலிக முக முடக்கத்தை ஏற்படுத்தும் ஒரு நிலை. இது பொதுவாக முகத்தின் ஒரு பக்கத் தசைகளை மட்டுமே பாதிக்கிறது; இருபுறமும் பாதிப்பது அரிது[ஒவ்வோர் ஆண்டும் 100,000 பேரில் சுமார் 15 முதல் 30 பேர்வரை இதனால் பாதிக்கப்படுகின்றனர்].
இது வயது வரையறை இல்லாமல் எவரையும் பாதிக்கக்கூடும். எனினும், 15 முதல் 60 வயதுக்குகாரர்களை அதிகம் பாதிக்கிறது. பாதிப்புக்குத் தெளிவான காரணம் கண்டறியப்படவில்லை. 19ஆம் நூற்றாண்டில் இது குறித்து ஆராய்ந்த சார்லஸ் பெல் என்பவர் பெயர் இதற்குச் சூட்டப்பட்டுள்ளது.
பெல்ஸ் பால்சி ஒரு தீவிரமான பாதிப்பை உண்டுபண்ணாது. காலப்போக்கில்[பெரும்பாலும்] தானாகவே மறைந்துவிடும்.
இருப்பினும், பெல்ஸ் பால்சியின் அறிகுறிகள் பக்கவாதம் போலவே காணப்படுவதால், அறிகுறிகள் தோன்றியவுடன் மருத்துவரின் ஆலோசனையைப் பெறுவது அவசியம்.
பெல்ஸ் பால்சியின் அறிகுறிகள்:
முகத்தின் ஒரு பக்கத் தசை[நெற்றி, புருவம், கண் இமை. வாயின் ஓரம்]முடக்கம்; மரத்துப்போதல்.
பிற அறிகுறிகள்: எச்சில் ஊறுதல், கண்களில் வறட்சி, பேசுவதிலும் உண்ணுவதிலும் குடிப்பதிலும் சிரமம், காது வலி, தலை வலி, உணர்திறன் இன்மை போன்றவை.
நோய்க்கான காரணம்: மண்டை நரம்புகளில் பிரச்சினை[ஏழாவது மண்டை நரம்பு வீக்கம். வேறு காரணங்களும் உள்ளன]. சோதனைகள் மூலம் கண்டறியலாம்.
* * * * *
மேலும், விரிவான பல தகவல்களுக்கு:
https://my.clevelandclinic.org/health/diseases/5457-bells-palsy