‘கோரா’ கேள்வி:
”என் இதயத் துடிப்பு மிகக் குறைவாக உள்ளது. எந்த நேரத்திலும் இறந்துவிடுவேனோ என்று கவலைப்படுகிறேன். அதன் காரணமாக என் தூக்கம் ரொம்பவே பாதிக்கப்படுகிறது. சரிசெய்ய முடியுமா?”
ஓய்வு நிலையில், பெரியவர்களின் இயல்பான இதயத் துடிப்பு[பிபிஎம்] நிமிடத்திற்கு 60 முதல் 100 வரை இருக்கும். அறுபதுக்கு[60]க் குறைவாக இருந்தால், அது ‘பிராடிகார்டியா’[bradycardia] என்று அழைக்கப்படுகிறது.
விளையாட்டு வீரர்களுக்கும், தவறாமல் உடற்பயிற்சி செய்பவர்களுக்கும் எல்லா நேரத்திலும் ‘பிராடிகார்டியா’ உள்ளது. அவர்களின் இதயத் துடிப்பு சராசரி நபரைவிடவும் மிகவும் குறைவாக இருக்கும். அதாவது, நிமிடத்திற்கு 40 முதல் 50 வரை துடிக்கும்.
ரத்தத்தை வெளியேற்றுவதில்[‘பம்ப்’ செய்தல்] அவர்களின் இதயம் மிகவும் திறம்படச் செயல்படுவதே இதற்குக் காரணமாகும்.
உங்கள் இதயத் துடிப்பு மிகவும் குறைவாக இருந்தாலும், தலைசுற்றல், மார்பு வலி, மூச்சுத் திணறல், சோர்வு, பலவீனம் என்று எந்தவித அறிகுறியும் இல்லாமலிருந்தால் உங்களின் இதயம் சிறந்த முறையில் மிக நன்றாகச் செயல்படுகிறது என்று அர்த்தம்; ஆயுளும் நீடிக்கும் என்பது உறுதி.
மேற்குறிப்பிடப்பட்ட அறிகுறிகள் இருந்தால் மட்டுமே மருத்துவரை அணுகுதல் வேண்டும்,
எலியின் இதயம் நிமிடத்திற்கு 500 முறை துடிக்கிறது. அதன் ஆயுட்காலம் 2 ஆண்டுகள் மட்டுமே. ஆனால், ஆமையின் இதயத் துடிப்பு நிமிடத்திற்கு 6 தடவைகள் மட்டுமே. அது 200 ஆண்டுகள்வரை வாழமுடியும்.
ஆகவே, இதயத் துடிப்பு குறைவாக உள்ள மனிதர்களாலும் 90, 100 என்று மிகப் பல ஆண்டுகள் வாழ்ந்திட முடியும் என்பதை மறவாதீர்கள்.
* * * * *
உலகச் சுகாதார அமைப்பின்[World Health Organization] அறிவிப்பின்படி, இயல்புக்குக் குறைவான இதய[bradycardia]த் துடிப்பு பற்றி, கோவை ‘காது, மூக்கு, தொண்டை’ டாக்டர் எழிலரசு[EZHIL ENT Hospital, No 10, Govindasamy nagar, Andal layout road, Iyer hospital bus stop, Singanallur-641005[Mobile: 9790555825, 8883254066] Coimbatore(Opposite Coimbatore Stock Exchange)] நமக்கு அனுப்பிய செய்தி:
***முழு உடல் நலத்துடன் வாழும் ஒருவரின் உறங்கும்போதான இதயத்துடிப்பு, குறைந்தபட்சம் 30 ஆகவும் இருக்கலாம் என்பது அறியத்தக்கது.
==========================================================================================